¹ Bapalani, pe bobakea ejimeli a mwembo jisusu ; kasi nemejani mwembo, atina ebojeba bo dadi ba Njambe, kasi basakoli ba pe soti badi bobuke na badoi ta ngondo. ² Jebani bo a tina e mwembo mo Njambe : mwembo misusu mi yambolaka Yesu Klisto adoa ta mokuku midi mi Njambe ; ³ na mwembo misusu mi yambolaka Yesu pepe midi ti mi Njambe, midi mi motelemeli o Klistu, iba bakino bo badoi bonde, na edeye badi a ngondo. ⁴ Ino, bana bakeke, odini ba Njambe, na obalongini, atina bo iyo adi atei enu adi monene bono iyo odi ta ngondo. ⁵ Bo, badi ba ngondo ; natina emina batondoko natina e ngondo, pe ngondo ebakaka. ⁶ So bodi ba Njambe ; iyo ojebi Njambe abokaka ; iyo oditi o Njambe, ataka baka te : na nzea emina bojebi mwembo mo soti na mwembo mo libunga. ⁷ Bapalani, bopalana iso a iso ; zambi bwela bodi Njambe, na iyo okajime abotami na Njambe na pe ajebi Njambe. ⁸ Iyo te ajime te ajebiti Njambe, te ngasa Njambe adi bwela. ⁹ Bwela bo Njambe boneni atei esu na tina bo Njambe aloma mwana onde olinginda ta ngondo, natina bo bohele na nzea ende. ¹⁰ Na bwela ebima bodi, editi bo so bopala Njambe te, kasi yo apala sona alomea so mwana onde olongo mbeka e bososa masumu masu. ¹¹ Bapalani, bo Njambe amaka palaso, so koko esengi bo bopalana iso na iso. ¹² Pe moto ane Njambe ; bokapalana omoti na okina, Njambe adi atei esu, na bwela bonde bodi bopele nasu. ¹³ Bojebi bo bodi nande, pe adi a tei esu, pe api so mwembo monde. ¹⁴ Nasu boani na bojimi bo tata alomi mwana olongo Moheleja o ngondo. ¹⁵ Iyo oyambolaka bo Yesu Klisto adi mwana o Njambe, Njambe adi atei ende, pe yo adi atei e Njambe. ¹⁶ Nasu, bojebi bwela bodi na Njambe atina esu, na bolo jimei. Njambe adi bwela ; na iyo adi boda atei e bwela adi na Njambe, na Njambe adi atei ende. ¹⁷ Ndenge edi yo, ndenge edi so ta ndongo ye : na bowa bwela edi bopele nasu, bo bodie elikya ta busa bo bosambisama. ¹⁸ Bobanga boditi a bwela, kasi bwela bopele bodipaka bobanga ; tina e bobanga bokani etumba, na iyo obangaka aditi na bwela bopele. ¹⁹ Atina esu, bomopalini, tina bo apalaso yambo. ²⁰ Moto a kojobo: apali Njambe nayo ota lona mwa Ngwande, adi mokosi, na iyo opalati mwa ngwande, ndenge ndani apai Njambe obo ayi mawene? ²¹ Pe bo njoi na nde na lakoma na: iyo pali Njambe apele koka mwa ngwande.