¹ N'edheli yo, Elode mogoto ma ekisa, o awoyi sangi ya Yezu, ² opaga na bhato bhonge bha ensale : Ale Za-Mobhatisi! Yi nde azuzu ankpoto wa bhato bhekwa, pe kwayia nde azanana ange mabhoo bhakwa ye eyema. ³ Nakwate Elode, monde an'bhandi Za , ankandinde bhagbe pe ayingisa na boloko, na kwa Elodiase, enka ma Filipo, mame, ⁴ nakwate Za alinde apaga: mobeko kabhongisi te ete onve yi ge enkala. ⁵ Alinde akabha ete anmomisi, kasi alinde obhanga bhato bhebua, nakwate bhato bho bhalinde bhamena Za ge plofeta. ⁶ Kwayia nde, n'edheli bhalinde bhalaa biti bhabhoti Elode, minka ma Elodiase abhinando a miso ma bhato bhonde bhadu, pe ansonelea Elode, ⁷ na ndenge ete ampagea na lape ete yi ampa yaazu ya akongande. ⁸ Na simbisi ma ame, apaga: Lepa wane bhe , agunale saani, enmoe wa za - Mobhatisi. ⁹ Mogoto awoo bhodogi bhekpekpe; kasi , nakwa seleka pe bhato bho bhadu nde, oteya bhato ete bhanveleage yi tu, ¹⁰ pe oteya bhatena enmooe wa Za a boloko. ¹¹ Emoe onge bha doo nawu a saani, pe bhapa na minka, nde an'valeaga amee. ¹² Bhayekoli bha Za bha va nzoe enge, pe bhanlumbando. Bhageando bhantangusiaga na Yezu. ¹³ Na sangi yo, Yezu atoya wo na ekolongba, nakwate epii payi mamoti a soe ya kongo; pe bhato bhebua, o bhayibi, bhapupa a bhagbata pe bhan'guga na matindi. ¹⁴ o apupi a ekolongba, omena bhato bhebua, owolea bhodogi, pe owuusa bhato bha egoni. ¹⁵ Pa gogoe ade, bhayekolo bhesesia ebina nayi pe bhapaga: soe ye aale kongo, pe saa asoyile mingi; osisa bhato, nakwate bhage na angi, nakwate bhasombe eyeli. ¹⁶ Yezu osisia: Kangole ete bhage te; opani bhino bhamamoti eyeli. ¹⁷ Kasi bhansisia: Taale wane pa na mampa metano pe bhasi bhebhale. ¹⁸ Opaga: Leveleagani. ¹⁹ Opiisa bhato bho a lembasa , an'va mampa metano mo pe na bhasi bhebhale byo, pe pa atomba miso na koogo , asambelea. Antinde yia anbhunaga mampa pe opa bhayekoli, bhu bhan' gbalea na bhato bhebua bho. ²⁰ Bhato bhaazu bhayayea pe bhakuta, pe bhakongelea bhembe zumi na mibhale atumi na bhandambo ya atigande. ²¹ Bhato bhonde bhayayi bhalinde bhalo enkoto metano, go bhootangi bhakabha na bhami. ²² Na bhogala-gala antide yia, opa mobeko na bhayekoli ete bhadaa na ekolongba pe bhazabe na ebii taada, pa n'edheli yi ali osisa bhato. ²³ o osisi bhato, adhaa na a gangala, nakwate asambele na enkpengbe; pe, ge gogoye adendo, epii wo yi mamoti. ²⁴ Enkolongba , palea ankpoto wa libha la enkwe, ali eboma na empipo atuusi ebii tada. ²⁵ Na a ya mine bhanda gogoye, Yezu agea bii engabhu, pa atanga agunale ya libha la enkwe. ²⁶ N'edheli bhayekoli bhameninde atanga agunale alibha la enkwe, bhade na bhoo pe bhapaga: ale malengbango! Pe na bhoo bhongabhu, bhagamuaga. ²⁷ Yezu opangando pa na bhogala-gala: kisagani enmeleme, aale me, kaa mali na bhoo! ²⁸ Petolo ansisia: Kumu o ali we , pa mobeko ete nadu nabi engo agunale ya libha. ²⁹ Pe apaga: Doo! Petolo apupa a ekolongba, pe atanga agunale libha, ete age bi ya Yezu. ³⁰ Kasi po ameni ete empipo ali okpekpe, ade nabhoo; pe ge abhandi ameya libha, agamuaga: Kumu, lewuusa! ³¹ Pa na bhogala-gala Yezu amaa ebho, pe an'bhanda, ampaga: Moto ma bhoyambi bhokedhe, kwasina ode na ndundu? ³² Bhadhaando na ekolongba, pe empipo asia. ³³ Bho nde bhepii ankpoto waekolongba bhaddo bhagbumaga ambola Yezu, pe bhapaga: We ole solo Mima Kuunzi ³⁴ Antinde bhazabagi libha la enkwe, Bhadoondo a mokili ma Genezalete. ³⁵ Bhato bho bi yo, o bhan'yibi Yezu, bhoteya bhantetelee bhabiibhayaazu, bha'veleage bhato bhaazu bha egoni. ³⁶ Bhankongelea yi ete odhe bhapote ata sunge ya ngombe enge. Pe bho bhaazu bhapoti yi bhawoa.