¹ N'edheli Yezu amaasi pe motindo na bhayekoli bhonge zumi na mibhale, atoyea wo, nakwate awanisii pe akpetee a bha gbata bhaya mokili. ² Pa Za awoi ange boloko ensale wa Klisto, oteya bhayekoli bhonge bhampaga: ³ Wendo akonga ete adoo, to akonga ete tan'lambee maada? Yezu osisia: Geani mantangusiagi na Za ye mawoi pe ye mameni: ⁵ bhato bha bhazibe bhadele bhamena, bhato bha bhegopi bhadele bhatanga, bhato bha kebhu-kebhu bhadele na nzoe enza, bhato bha mangbongi badele bhawoo, bhato bhekwa bhadele bhazuzua, pe sangi enza bhakpetii le na bhato bho bhazangi. ⁶ Endengeleage na moto mo nakwa enge me tede nde ego tagwe tenge! ⁷ Ge bhagbaanagindo, Yezu abhandindo adhela na bhato bhebua:Etee temagi mamonde a wuma? Gbakaa yabhina na mopepe? ⁸ Kasi , magi mamonda etee? Molo atubha bhangombe ya entio? Mondani, bho bhatubha bhangombe ya entio bhaale a bha ngbale ya bha mogoto. ⁹ Magindo manmonde kane? plofeta? Hein , namopaga, pe ansoito plofeta. ¹⁰ Nakwate yi nde bhakolinde kwa enge: Mondani, naale nantea entetelee mongame ambola miso mongoo. Nakwa abhongisi peesi engoo ambola engoo. ¹¹ Namopagale soolo, kati-kati ya bho bhapupi asopo ya bhakabha, moto bhole pokedhe te ka apupili na'soo nabhokpe Za Mobhatisi. Kasi, moto mo okedhe patoa legoto la koogo ansoito yi na bhokpe. ¹² Bhanda entango wa Za-Mobhatisi tii eloo, legoto la koogo ale bhazunia, pe bhato bhayimbi nde bhagbula lu. ¹³ Nakwate bha plofeta bhazu bhatungusiagi tii na Za; ¹⁴ pe, o mabhayi ete mayibi, yi nde Elia mo akukinde ete adu. ¹⁵ Mali na matewu akwate awoo awo. ¹⁶ Na kane nangemisiagande lekopo le? Ale ge bhami bhekeke bhepii ansenge osi, pe bhadhelaga na bhami bhaada, ¹⁷ bhapaga: tamobomili piololo, kasi maabhini te; tanduu maleli ma kpongo maagami te. ¹⁸ Nakwate Za adu, go kayayi te to kani te, et bhapaga : aale na sumui. ¹⁹ Mima ma moto adu, pa ayayea pe ano, pe bhu bhapaga: ayayea pe ano maana, pombode na bhato bha leta pe bhato bhakwane. Kasindate amenani na ensale onge. ²⁰ Antide yia aponga ogbogmeaga bhagbata yende azi bhakwa eyema ebua nakwate bhabhayi paase enmeleme te. ²¹ Bhodogi naawe, Korazini! bhodogi naawe Betesayida!nakwate, o alitonde bhakwa eyema azanani bii engbanu alinde a Tili to a Sidoni, ebi kala-kala bhapasile enmeleme, bhatubha saki pe lebule. ²² Nakwayia nde namopagale: biti ya ngbange, Tili na Sidoni bhoteneleande ngbange kalinde ekpekpe ge bhino. ²³ We Kapalanawumu, odhaatonde na koogo tii a engali? te, bhokisande naase ti asoe ya kuwa epii aso; nakwate, alito bhakwa eyema ye azanani ankpoto ongo azananinde a Sodoma , ebi epiinde tii elo. Kwayia nde nopagale: mokili ma Sodoma bhantenelea nde ngbange kade ekpekpe ge we. ²⁵ N'edheli yo, Yezu ava enzombi pe apaga: nopa lekumu, Abo, Kumu ma engali na dhoote, nakwaate osomisi bhakwa bhaye na bhato bha ndate pe bha mayele, pe owanissi kwayia na bhami. ²⁶ Hein, Abo, nopa lekumu nakwate we ndo obhayinde go. ²⁷ Bhakwa bhayazu bhalepi na Abo, pe moto man anyiba Mi kale, o kali Abo te; moto bhole pomoti lokola kanyibi Abo te, o kali Mi pe mo Mi an'bhayi wanisie. ²⁸ Dooni bi engame, bhino bhazu bho makodhogi pe makumbale, pe namopa yombie. ²⁹ Vani ensongo ongame agunale engbanu pe zuani motindo mongame, nakwate me naale olemana pe na enmeleme onza; pe matanea yombie ya molimo mongbanu. ³⁰ Nakwate ensongo ongame olemana, pe enkumbe ongame bhe popolo.