¹ Moode, Gaiyus, mwelo ya loundo, oyo lenangi laa omoongo. ² Mwelo ya loundo, kamo yambo oe oboso laa ndjaso la obe la boumi bolo obona ehoa moolo mwaye. ³ Leheneli obwiya, ekeka yebwesi beelo basu la batondoli lita la omoongo. ⁴ Leti la enyange ya bweti boowi mbo bana bale beende la mbowa ya omoongo. V 5 Mwelo ya loundo, ole oende tondoyo laa eyi yitonga aye lita la beelo basu ango nde lita la mihende, ⁶ eba batondoli lita la loundo lwa ye oboso ya linginda. Okela bono bolo bobongesi loendo lwa bu la elenge yeengani la kamo ya Mungu, ⁷ Lita lambo la lina Yesu Kilisito nde bai, toohanya luba ale ebaitshimeli Yesu. ⁸ Toengani boluteli bato bilenge bibo mbo to be laabu bato ba lisala la omoongo. ⁹ Lsihi ndambo ya maohi la linginda ango ho Diotefele, oyo anangi mbo abe oboso yabu, ailutele iso ango konu. V 10 Obona ambeke lenanga boeni ino, lelubesa bono ndjaso yitonga inde , la maohi mabe, tohenela la yo, ailutele beelo, la eba banangi mbo batonge, ale etuwesa ibo la bohuhi ibo laa linginda. ¹¹ Mwelo ya loundo, otshutshele obe nde tutsha bolo. Oyo ekela bolo ale la Mungu; oyo ekela obe aaeni Mungu ango kunu. ¹² Isi fee, la moongo yaho angene, bale betondolo lita la nde la olubimbo litonoli lasu lile la omoongo. ¹³ Leba bono la maliba ma mosihi la mosihi. V 14 Lele lehenya boeni aye mbisa konu, la toasesana bono. ¹⁵ Seinye mbo ehole yebe la ye. Babiya bao paya aye. Paya babiya Omoti la omoti.