အမုဲင်ꩻ (၁)
1
2
3
1 အဝ်ႏဘုရာꩻသျင်ꩻ အသွဉ်းအသယ်ႏ 'ပေါလု' ထျꩻမꩻ တဲမ်းလွေꩻလိတ် 'တိတု' အထျꩻနဝ်ꩻသွူ။ ခွေသွဉ်းနဝ်ꩻလဲ့ꩻ ထွာ ကိုယ်ႏတောႏ 'ယေရှု' တပဲ့ꩻတောႏတဖြာꩻနဝ်ꩻသွူ။ ဘုရာꩻသျင်ꩻကလွိုက်ရွေꩻဒါႏလိုꩻဖုံႏနဝ်ꩻ ဖေႏကယွုမ်းပိုႏဘုရာꩻ သျင်ꩻအတွက်ဖေႏကဆွုံꩻမꩻသွဉ်သင်ဖေႏနဝ်ꩻ ဖာဘုရာꩻသျင်ꩻ အွဉ်ႏလွစ်လွဉ်ခွေသွဉ်းနဝ်ꩻသွူ။ 2 ခလားကပ်ကမ္ဘာႏယို နီသွဉ်းသီးနဝ်ꩻ နိစ္စထာဝရအသက်ယို အောင်ႏမျင်ႏလꩻဒျာႏကရိုꩻယို ဘုရာꩻသျင်ꩻဖေႏခါꩻဗျာဒိတ်နဝ်ꩻသွူ။ ဘုရာꩻသျင်ꩻ နဝ်ꩻ ထာꩻလဲဉ်ငဝ်းမုꩻသာꩻဖုံႏကြောင်းစင်ငါႏနဝ်ꩻသွူ။ 3 ကွဲတွော့ꩻအခိန်ႏမဉ်ႏတွိုႏအီႏဟောꩻမင်္ဂလာꩻတရာꩻတောႏဖုံႏယို တွမ်ႏထာꩻယွုမ်းအံႏထွဉ်ႏသေခွေသွဉ်းနဝ်ꩻသွူ။ နီသွဉ်းသီးဖုံႏယို ဖေႏကဟောꩻဖောႏထန်ႏကကယ်ႏဒင်ႏဒါႏဘုရာꩻသျင်ꩻ ပညတ်တောႏဖုံႏနဝ်ꩻလဲ့ꩻမိန်းသေꩻခါꩻနဝ်ꩻသွူ။
4
5
4 'တိတု' နာꩻနဝ်ꩻထွာခွေထာꩻယွုမ်းအံႏချက်အတွိုင်ꩻထွာလိုꩻ ယွုမ်းအံႏ သားတဲင်ကွပ်ရက်စွယ်ꩻနုဲင်းခွေပိုခိုရင်ꩻတဲင် လိတ်ယိုတဲမ်းပသာဗာႏနာꩻထျꩻနဝ်ꩻသွူ။ နီ သွဉ်းသီး ဖာဘုရာꩻသျင်ꩻတွမ်ႏ နီသွဉ်းသီးကယ်ႏဒင်ႏသျင်ꩻ 'ယေရှု' ခရစ်တောႏယိုသီဖုံႏအလောင်းထာꩻငိမ်ꩻချံꩻ၊ ထာꩻဟဝ်မင်္ဂလာႏယံကတွိုႏသွော့ꩻ ဟုဲင်း။ 5 ခွေသွဉ်းနောဝ်ꩻ အွဉ်ႏကုဲင်သေꩻနာꩻ 'ကရေတေ' ကျွန်ꩻရေꩻရွယ်ချက်နဝ်ꩻဝေင်ꩻတွိုင်ꩻအဖွဲꩻတောႏဖုံႏအတွက် ဘုရာꩻတရာꩻဖန်းဖြယ်ဆရာႏဖေႏကခံႏသေနွောင်ꩻတွမ်ႏခွေသွဉ်းတဆောင်ႏ
ရွက်နွောင်ꩻတဝ်းယိုလဲ့ꩻ ဖေႏကဆောင်ႏ ရွက်သမ်းနွောင်ꩻအတာႏနဝ်ꩻသွူ။
6
7
6 မဉ်ႏဖေႏအပ်အဖွဲ့ꩻခေါင်းဆောင်နဝ်ꩻ ထွားသွူဂွုဏ်ႏသတင်ꩻဟဝ်ဗွေစွုမ်ႏလိုꩻတဲင်၊ အိမ်ႏထောင်ႏရေꩻသစ္စာႏအဝ်ႏတွော့ꩻ ထွာဗာႏတဝါꩻတမာစနစ် ကျင်ꩻသွုံꩻလိုꩻနောဝ်ꩻသွူ။ လိုꩻစားနဝ်ꩻဖုံႏပိုခိုပိုမူႏဖုံႏနဝ်ꩻ ယွုမ်းအံႏသွူဘုရာꩻသျင်ꩻတွော့ꩻ နာꩻတဝ်းမွိုးဖာꩻဆွုံꩻမꩻငဝ်း၊ ထွာဗာႏတဝ်းလိုꩻရွိုင်ꩻစွိုင်ꩻဖုံႏ။ 7 အဖွဲ့ꩻတောႏအွဉ်ငါသား နဝ်ꩻထွာဗာႏဘုရာꩻအမုꩻတောႏယို စီႏမံႏဖန်းဖြယ်ကျပ်ထွားသားတွော့ꩻ မဉ်ꩻအွီႏအဝ်ႏဗာႏလိုꩻနောဝ်ꩻသွူ။ ဝွေꩻသီးဖုံႏယို သꩻလျားယိုလိုꩻ၊ သꩻဖြုံႏထိုလိုꩻ၊ လိုꩻအွသူႏရာႏ၊ ရွို့ꩻရန်ႏထွာလိုꩻ၊ ထွာလꩻတဝ်းလိုꩻလောဘတန်။
8
9
9 8 ထွာဗာႏလိုꩻနုဲင်းနဝ်ꩻ စားကိုယ်ႏစာႏဝွေꩻသီးဖုံႏနဝ်ꩻ ထေဉ်ႏဖုံႏယိုတွမ်ႏသꩻရောင်းသꩻရေꩻတဲင်ကျိုꩻဆွုမ်ႏသွူတွော့ꩻ ထွာဗာႏလိုꩻဝွတ်တရာꩻ ကေႏထေဉ်ႏ။ ဗွိုန်ဗန်ဗာႏသွꩻ
ဟဝ်စင်ႏစဲစ်၊ သင်းအုပ် ဆရာႏနဝ်ꩻဖုံႏနဝ်ꩻ ဗွေစွုမ်ႏဗာႏတွမ်ႏပညာႏသတိတွော့ꩻလိုꩻရိုꩻသာꩻ လိုꩻဝုဲင်ႏကုဲင်းဘုရာꩻ၊ ထွာဗာႏလိုꩻထိန်ꩻနွောင်ꩻနမ်းတွမ်ႏနမ်းနဝ်ꩻသွူ။ 9 အသင်ႏတောႏခေါင်းဆောင်ႏဖုံႏနောဝ်ꩻ သမ္မာႏ တရာꩻတောႏဖုံႏယိုခွုမ်ꩻခါꩻသွူစူကိုတဲင် ထွာဗာႏလိုꩻသွဉ်သင်သားဖုံႏနဝ်ꩻသွူ။ နဝ်ꩻတွော့ꩻအသင်းတောႏခေါင်းဆောင်ႏ ဖုံႏနဝ်ꩻတဖူꩻကလွဲꩻဒါႏလိုꩻတွိုင်ꩻဖုံႏယို ဖေႏကတွိုႏတဖူꩻစွို့ꩻအလောင်းတဲ့ꩻဖေႏဗာႏနဝ်ꩻသွူ။
10
11
10 လွိုဆန်ꩻသွူတရာꩻယိုဖုံႏ တွော့ꩻ တွမ်ႏအကျိုုꩻတအဝ်ႏတဝ်းငဝ်းဖုံႏ၊ လိန်ႏလဲဉ်ဒါႏလိုꩻအဝ်ႏအာမွေးငါႏနဝ်ꩻသွူ။ အထူႏတဗာႏလိုꩻစားနဝ်ꩻဖုံႏနဝ်ꩻ 'မေရှိယ' တပဲ့ꩻလွိုက်ဆချာသားဖုံႏယိုဖေႏကဖျက် အနာပီ ထွဉ်ႏဒါႏနဝ်ꩻသွူ။ 11 ပွိုးနဝ်ꩻတွော့ꩻကိစ္စယိုဖေႏကဒေါ့ꩻမွိုန်း ဝွေꩻသီးဖုံႏ ရဲးဗာႏနဝ်ꩻသွူ။ ဝွေꩻသီးဖုံႏနောဝ်ꩻ တသွဉ်သင်သင်ꩻတဝ်း ဝင်ꩻသꩻခရာႏအကျိုꩻကဆေ့ꩻအီဒါႏကိစ္စဖုံႏယို ကွပ် သွဉ်သင်တဲင် တလမ်းသားလွုမ်းထာꩻ
ယွုမ်းအံႏကုဲင်ပြဲင်ꩻဗာႏနဝ်ꩻသွူ။
12
13
12 ပညာႏသျှိပရောဖက်တဖြာꩻနဝ်ꩻ "ကရေတေ ကျွမ်ꩻသားဖုံႏနဝ်ꩻလဲဉ်တသေႏဒါႏထာꩻနဝ်ꩻသွူ။ ဗွိုန်နုဲင်းတိရိစ္ဆာန်ႏရွိုင်ꩻတခြာထာꩻအံႏတန်သွူတွော့ꩻထွာလွလိုꩻထာꩻ လွꩻတန်ဖုံႏ" အွိုးတလဲင်ႏမိန်းရိုꩻခါꩻဖိုနုဲင်းနဝ်ꩻသွူ။ 13 အမိန်းအရိုꩻနဝ်ꩻနဝ်ꩻ ထွာအမန်ႏနဝ်ꩻသွူ။ လိုꩻလွꩻနောဝ်ꩻဖုံႏဖေႏ ကယွုမ်းအံႏလွဘုရာꩻတဲင် ထာꩻယွုမ်းအံႏ
ချက်ဖေႏကတဉ်ႏခွေါင်အတာႏ နိုꩻဆောႏဖေႏဗာႏနဝ်ꩻသွူ။
14
14 ပညာႏတအဝ်ႏ တဝ်းလိုꩻ 'ယုဒ' လိုꩻမျိုꩻဖုံႏယိုတွမ်ႏဒဏ္ဍာႏရီႏငဝ်းပွုံႏခြုဲင်းဖုံႏ၊ လိုꩻဖုံႏကပြောင်ꩻလုဲင်ႏခါꩻဒါႏ ပညတ်တောႏတရာꩻဖုံႏယို အာရွုံႏတွမ်ႏတွိုႏမွိုန်း။ နဝ်ꩻဖုံႏနဝ်ꩻသမ္မာႏတရာꩻတောႏတလွိုက်ꩻနာႏတဝ်းလိုꩻသားဖုံႏ ထွာပြောင်ꩻလုဲင်ႏခါꩻဒါႏပညတ် တောႏဖုံႏဒျာႏနဝ်ꩻသွူ။
15
16
15 သူႏတောႏစင်သီးသꩻရင်ꩻနဝ်ꩻဆဲင်ႏလဲင်ꩻစင်ႏကြယ်ႏငါႏတဲင် လိုꩻနဝ်ꩻဖုံႏအတွက်စꩻစꩻရာႏရာႏ ဆဲင်ႏလဲင်ꩻစင်ႏ ကြယ်ႏနဝ်ꩻသွူ။ ကွဲတွော့ꩻနမ်းကျင်ꩻတရာꩻကုဲင်ဘုရာꩻသျင်ꩻယိုတယွုမ်းတဝ်းလိုꩻဖုံႏအတွက် တမုဲင်းမꩻ ဆဲင်ႏလဲင်ꩻ စင်ႏကြယ်ႏမုꩻတအဝ်ႏတဝ်း။ လိုꩻသားနဝ်ꩻဖုံႏသꩻရင်ꩻ တွမ်ႏဟီရိ သဩတ္တပ္ပ တရာꩻနီမျိုꩻလွုမ်းကုဲင်ဗာႏနဝ်ꩻ သွူ။ 16 ဝွေꩻသီးဖုံႏနဝ်ꩻတွမ်ႏဖြောင်းတဲင်ကေႏညိုႏသွူဘုရာꩻတွော့ꩻ အမဲဉ်ႏနဝ်ꩻထွာလိုꩻလွိုဆန်ꩻဘုရာꩻဖုံႏနောဝ်ꩻသွူ။ လိုꩻနုဲင်းနဝ်ꩻစား ဖုံႏနဝ်ꩻ ထွာလွအီသံခရာႏဟဝ်လိုꩻဖုံႏနဝ်ꩻသွူ။ လိုꩻသားနဝ်ꩻဖုံႏနဝ်ꩻလွိုက်နာႏတဝ်း ဘုရာꩻသျင်ꩻဩဝါဒ ဖုံႏတွော့ꩻ အီႏမာꩻထာꩻဟဝ်တစူးတစိပေႏတဲ့ꩻထွာလွလိုꩻတသဉ်ႏလျောႏတဝ်းဖုံႏနဝ်ꩻသွူ။