9 ² Tɩ na-sɛba wuu n boe Zʋrdẽ zanõa bɔba wõm yel-sɛba wuu n ẽŋɛ. Ba de la Ititi dõma,la Amõorɩ dõma, la Kana dõma, la Ferezẽyẽ dõma, la Evẽyẽ dõm, la Yebuseyẽ dõma na-dõma. Ba kẽ’erɩ la zʋrdẽ zanõa bɔba, a tansɩ zuto, la a zẽ-sɛba n naa-taaba yɛga Meriterane mõgrɛ nã’arɛ halɩ ka paagɛ Liba tẽŋa nẽŋam. ¹ Tɩ ba lagsɛ taaba ẽŋɛ nõorɛ ayɩla tɩ ba zɛbɛ la Azoze la Ɩsrayɛlɩ dõma. ³ La Gaboniti dõma n wõm Azoze n ẽŋɛ Zeriko la Ayi se’em na, ⁴ Ba looge la yɛm tɩ ba ẽŋɛ yɛmkẽgsɩga la Ɩsrayɛlɩ dõma teege lɔgrɔ yɛ, dɩkɛ bor-zõra la dãan kõnko-kɛgsɩ zelge bõnsɩ. ⁵ Dɩkɛ tag-kɛgsɩ n ãasõm pire, yɛ fu-zõra, dee dɩkɛ borbori kẽ’esɩ n gũulum, ⁸ Sẽŋɛ Gilgalɩ tẽŋa zẽ-sɛka tɩ Ɩsrayɛlɩ dõma zĩ la, ka yele Azoze la Ɩsrayɛlɩ dõma yetɩ: «Tõma ze’el la zãazãarɛ sẽna tɩ tɩ sose ya tɩ ya bĩŋe nõorɛ la tɩ lɛ». ⁷ Tɩ Ɩsrayɛlɩ dõma lerge Eveyẽ dõma bãma yetɩ: «Tõma ka mĩ ya sãn dɛna tẽn-sɛba n lɛm wã nẽrba bɛla tõma ka tã wʋn bĩŋe nõorɛ la ya». ⁶ Tɩ ba lerge Azoze yetɩ: «Tõma boorɩ tɩ dɛna la fʋ tõntõnnɩba». Tɩ Azoze lerge soke ba yetɩ: «Yãma de la bãna, la yãma ze’ele la bɛ?». ⁹ Tɩ ba lerge yetɩ: «Fʋ tõntõnnɩba la ze’ele la tẽŋa n ba zãagɛ wa’am. Tõma wõm fʋ Nawẽnnɛ n ka tarɩ ba’asgɔ n ẽŋɛ Ezipti se’em, ¹⁰ dee wõm ẽŋa n ẽŋɛ Amõorɩ na-dõma bayi n diti nã’am Zʋrdẽ doone, la Asiyõ n de Ɛkɩbõ naba, la Aɔgɩ n de Basã naba n kẽ’erɩ Astarɔtɩ se’em ¹¹ Bɛla tɩ tõma nẽŋadõma, la tẽŋa la nẽrba wuu yele tõma yetɩ: dɩkɛ ya dia sore sẽnnɛ ĩyã, sẽŋɛ ya ka yele Ɩsrayɛlɩ dõma zẽ’am ka yele ba yetɩ: tõma boorɩ tɩ tɩ lebge la yãma tõntõnnɩba bĩŋa ya nõorɛ la tɩ lɛ ¹² Bɩsɛ ya tõma borborɩ wã, tõma n daan zẽ’ele yire tɩ tɩ sẽŋɛ wa’am yãma zẽ’am na, ba de la tʋʋlga tɩ tõma dɩkɛ sũm, la ban wãna lebge kɛ’ɛsɩ gũulum.» ¹³ Bɩsɛ ya tõma dãan kõnko’oro ( lasɩ) wã ba daan de la paala tɩ tõma dɩkɛ dãan sũm mĩ, la ba wãna n tãsɛ tãsɛ. Bɩsɛ ya tõma futo la tõma tagra n kʋrgɛ se’em so-woko tɩ tõma sẽŋɛ la ĩyã». ¹⁴ Tɩ Ɩsrayɛlɩ dõma to’oge ba dia la (di), dee ka soke Nawẽnnɛ n ka tarɩ ba’asgɔ lan de se’em (ẽn boorɩ tɩ ba ẽŋɛ se’em). ¹⁵ Tɩ Azoze bĩŋe nõorɛ la ba lɛ (ẽŋɛ sũmã’asʋm la ba lɛ) tɩ ba kãn kʋ ba, tɩ Ɩsrayɛlɩ nẽrba nẽŋadõma pɔɩ tɩ bãma wʋn ẽŋɛ nõ-bĩŋre la n yele se’em na. ¹⁶ Ɩsrayɛlɩ dõma n bĩŋe nõorɛ la ba lɛ dabsa atã poorʋm, ba wõm tɩ ba de la nẽrba n kẽ’erɩ lɛm ba so’olʋm ẽŋa pʋam. ¹⁷ Tɩ Ɩsrayɛlɩ dõma isge ba zĩ’irgo zẽ’am na sẽŋɛ dabsa atã wa’am tẽn-sɛba tɩ nẽrba bãma kẽ’erɩ la pʋam, la de la Gabaõ, la Kefira, la Beruti, la Kiriyat-Yerim. ¹⁸ La nẽrba la nẽŋadõma n daan bĩŋe nõorɛ la ba Ɩsrayɛlɩ Nawẽnnɛ n ka tarɩ ba’asgɔ yʋ’ʋrɛ la ĩyã, b aka kʋ ba. Tɩ nẽrba la wuu yõnna nẽŋadõma la. ¹⁹ Tɩ ba lerge ba yetɩ: «tõma bĩŋe nõorɛ la ba lɛ, la Ɩsrayɛlɩ Nawẽnnɛ n ka tarɩ ba’asgɔ yʋ’ʋrɛ, tõma ka tã wʋ ẽŋɛ nẽr-bãna be’em » ²⁰ La tõma n wʋn ẽŋɛ se’em n wãna: « Tɩ wʋ basɛ tɩ ba vʋa mɛ tɩ nõorɛ bĩŋre la ĩyã, sãn dagna bɛla, tɩ wʋ tarɩ la Nawẽnnɛ sɩbrɛ wa’am tɩ zuto» (tɩ wʋ ɛ la Nawẽnnɛ sɩbrɛ bɔ tɩ mẽŋa) ²¹ Tɩ nẽŋadõma la yele ba yetɩ: «Tɩ wʋn basɛ tɩ ba vʋa mɛ, la tɩ wʋn botɩ ba wãta la dɔɔrɔ dee ãgra ko’om bɔ’ɔra tɩ nẽrba la wuu. Nẽŋadõma la n looge yɛm se’em n bɛla». ²² Tɩ Azoze wi Gaboniti dõma tɩ ba tigse, tɩ a soke ba yetɩ: «Bẽm n soe tɩ yãma pã’asɛ tõma tɩ yãma ze’ele la zãazãarɛ dee kẽ’era kalam yɛnõorɛ? ²³ Lɛlɛɛ wã kã’a-be’ero n boe ya zuo, ya wʋn dɛna la yamsɩ wakatɛ wuu, wãta dɔɔrɔ, dee ãgra ko’om ɩta mam Nawẽnnɛ deego zẽ-sõŋɔ la pʋam». ²⁴ Tɩ Gadoniti dõma lerge ẽ yetɩ: «Se’ere n soe la, tõma wõm sõŋa sõŋa mɛ tɩ fõn Nawẽnnɛ n ka tarɩ ba’asgɔ n bɔ a tõntõnna Amoyisi nõorɛ tɩ a bɔ ya tẽn-ẽna wuu, dee yele ya tɩ ya sã’am (kʋ) a nẽrba wuu ya sẽnnɩ na pʋam. Bɛla Tɩ dabeem yõkɛ tõma zo’ozo’e, tɩ tõma zɔta tɩ ya sãn paam ya wʋn kʋ tõma, tɩ tõma ẽŋɛ bɛla. ²⁵ Lɛlɛɛ wã, tõma boe la fʋ nũ’usũm ẽŋɛ tɔ wʋ fõn boorɩ se’em». ²⁶ Azoze n ẽŋɛ se’em n wãna: «A gu mɛ tɩ Ɩsrayɛlɩ nẽrba ka kʋ ba, ²⁷ Dee basɛ (botɩ) ba wãta dɔɔrɔ bɔ’ɔra Ɩsrayɛlɩ nẽrba, dee ãgra ko’om ɩta Nawẽnnɛ deego zẽ-sõŋʋm na. Zẽ-sɛka tɩ Nawẽnnɛ looge bɔ ba, tõn-ẽŋa tɩ ba tõm halɩ wa paam zĩna ken tõnna».