8 ¹ Nawẽnnɛ n ka tarɩ ba’asgɔ yele Azoze yetɩ: «Da zoe dabeem, da zoe sɛla sɛla, isge fõn la fʋ sʋdaasɩ sẽŋɛ ka zɛbɛ la Ayi tẽŋa, se’ere n soe la, mam dɩkɛ Ayi naba, la a nẽrba, a tẽŋa,lav a so’olʋm na wuu bɔ fʋ mɛ. ² Fʋ wʋn ẽŋɛ Ayi la a naba wʋ fõn n ẽŋɛ Zeriko la a naba se’em na. La kalam ya tã wʋn to’oge ba bõntarsõm, la ba dũnsi tɩ ba dɛna ya bõnɔ. La basɛ ya tɩ sʋdaasɩ basɛba weege sʋgɛ tẽŋa la poorʋm». ³ Tɩ Azoze isge la sʋdaasɩ la wuu dɩkɛ sore wɛ’ɛsa tɩ b aka zɛbɛ la Ayi tẽŋa dõma. A loge la sʋdaasɩ kɛ’ɛndõma tʋs-pitã tɩ ba dẽŋɛ sẽŋɛ yʋ’ʋŋɔ. ⁴ Dee bɔ ba nõ-ẽna: «Sẽŋɛ ya ka sʋgɛ tẽŋa la poorʋm, da ba zãagɛ ya la ẽ, dee mãasʋm ya mẽŋa sõŋa gu’ura tɩ ya sõŋɛ». ⁵ La mam na sʋdaasɩ pãɩ wʋn lɛm tẽŋa la. La wakatɛ sɛka tɩ Ayi tẽŋa nẽrba wʋn yese tɩ ba zɛbɛ la tõma wʋ pɔspɔsɩ daarɛ la. Tõma wʋn zoe mɛ ba nẽŋam. ⁶ Ba wʋn taagɛ tõma mɛ digra, bɛla tõma wʋn tarɩ ba zoe zãagɛ la tẽŋa la. bɛla ba wʋn tẽ’esɛ tɩ, tɩ len zɔta mɛ ba nẽŋam, wʋ kʋrʋm na. ⁷ Wakatɛ ẽŋa mẽŋa, ya yõrgɛ yese ba poorʋm ya sʋka zẽ’a la toe tẽŋa la. Se’ere n soe la, ya Nawẽnnɛ n ka tarɩ ba’asgɔ dɩkɛ ẽ bɔ’ɔra ya mɛ. ⁹ Ya to’oge tẽŋa la ba’asɛ, ya yõ ẽ na bugum wʋ Nawẽnnɛ n bɔ nõorɛ se’em na. Mam nõorɛ n bɛla. ⁸ Bɛla poorʋm, Azoze btɩ ba sẽŋɛ ka sʋgɛ la Betɛlɩ la Ayi tẽŋasʋka, Ayi zanõrɛ bɔba, dee tɩ Azoze weege la nẽr-sɛba n deege la gã’arɛ yʋ’ʋŋ-ẽŋa. ¹⁰ Tɩ beere wiige tɩ Azoze isge bulika yʋ’ʋŋɔ yʋ’ʋŋɔ vẽesɛ a sʋdaasɩ la bɩsɛ dee lu ba nẽŋam tɩ Ɩsrayɛlɩ nẽŋa ¹¹ dõma kɔlgɛ ẽ, tɩ ba wɛ tɩ b aka zɛbɛ la Ayi. Sʋdaasɩ la wuu tɩ Azoze daan tarɩ wɛ’ɛsa la,sẽŋɛ mɛ ka paagɛ tẽŋa la zanõrɛ bɔba. Sẽŋɛ ka tɩɩgɛ zɛ Ay,i wẽntulle zʋʋgɔ bɔba tɩ zẽ-peele welge ba. ¹² Bʋraasɩ n daan paagɛ wʋ tʋsanuu tɩ Azoze botɩ ba sẽŋɛ ka sʋgɛ Betɛlɩ la Ayi tẽŋasʋka, tẽŋa la zanõrɛ bɔba. ¹⁴ Sʋdaasɩ la zo’ozo’e daan tĩ ba zẽ’a na tẽŋa la wẽntulle gɔbga bɔba, dee poorʋm gu’urba la bɔna a zanõrɛ bɔba. La yʋ’ʋ-ẽŋa Azoze sige la zẽ-peele tẽnŋasʋka tɩ a ka bãŋɛ n ãn se’em. ¹³ La Ayi naba n yẽ yelle la n ãn se’em na a yese mɛ la a bʋraasɩ tɔtɔ, kãbla tʋ’ʋsra Ɩsrayɛlɩ nẽrba la peelõm na pʋam, zɛbrɛ la zẽ’a. A ka tẽ’esrɩ tɩ ba wʋn botɩ nẽrba sʋgɛ tɩ ba zɛbɛ la ẽŋa tẽŋa la poorʋm. ¹⁷ La Azoze la Ɩsrayɛlɩ nẽrba ẽŋɛ wʋ ba yãŋɛ bãma mɛ na zɔta wɛ’ɛsa weem bɔba. Tɩ ba kaasɛ tagursi ke’enke’em wi nẽr-sɛba n weege tẽŋa pʋam na, tɩ bay ese wa’am tɩ ba digra ba ¹⁶ . Ba doose Azoze na-bara la bɛla halɩ zãagɛ la tẽŋa la. Bʋraaga ka deege Ayi tẽŋa la pʋam, kay ese digra Ɩsrayɛlɩ dõma. ¹⁵ Bɛla tɩ ba basɛ tẽŋa la yansɩ ka yʋ dee digra Ɩsrayɛlɩ dõma. ¹⁸ Tɩ Nawẽnnɛ n ka tarɩ ba’asgɔ yele Azoze yetɩ: «Tẽegɛ kolɔbga tɩ fʋ zãlɩ fʋ nu’usũm na tɔglɛ Ayi bɔba, se’ere n soe la, mam wʋn dɩkɛ ẽ mɛ bɔ fɔ. tɩ Azoze tẽegɛ kalɔbga la tɔglɛ tẽŋa la ¹⁹ Bilam mẽŋa, tɩ bʋraa-sɛba n sʋgɛ ba sʋka zẽ’am nay ese tɔtɔ zɔta wɛ’ɛsa tẽŋa la bɔba, ka kẽ tẽŋa la pʋam, toe tẽŋa la, dee yõ ẽ bugum». ²¹ La Ayi bʋraasɩ n wa gelge bɩsɛ poorʋm na, ba yẽ tɩ bug-zũ’usi n kɔ’ɔm tʋ’ʋra wẽnnʋm tẽŋa la pʋam. Tɩ b aka le tara wẽrgrɛ zẽ’a, poorʋm la nẽŋam wuu gu mɛ, se’ere n soe, Ɩsrayɛlɩ dõma n zotɩ nɩ wɛ weem tɩ ba digra ba la, le wẽrgɛ mɛ tʋ’ʋsra sɛba n digri ba la. ²⁰ Se’ere n soe la, Azoze la a sʋdaasɩ la n yẽ tɩ bʋraa-sɛba tɩ a botɩ ba sʋgɛ la to’oge tẽŋa la dee yõ ẽ bugum na, ba wẽrgɛ mɛ tɩ ba zɛbɛ la Ayi dõma. ²³ Tɩ sʋdaasɩ basɛba la n boe tẽŋa la pʋam na yese ka lagɩm na bãna la, halɩ gilge Ayi dõma basɛ tẽŋasʋka tɩ zẽ’a ka bɔna wʋn tole, tɩ Ɩsrayɛlɩ dõma kʋ ba wuu, dee ka basɛ bõn-vʋa baa ayɩla tɩ a põsɛ. ²² La ba daan yõkɛ Ayi naba la vʋa tarɩ ka bɔ Azoze ²⁶ Ɩsrayɛlɩ dõma kʋ sɛba n kẽ’erɩ Ayi tẽŋam na wuu mɛ, ba kʋ ba wuu la sʋkɔbrɔ lɛ halɩ ka paagɛ dãana, sãn dɛna sɛba n boe zẽ-peelʋm, bɩɩ sɛba boe weego la pʋam na. ²⁴ Bɛla poorʋm Ɩsrayɛlɩ bʋraasɩ wuu lebe la tẽŋa la pʋam ka kʋ nẽr-sɛba n weege la. Daar-ẽŋa daarɛ nẽr-tʋs-pia la ayi, bʋraaasɩ la pɔgsɩ tɩ ba kʋ la boorɩ tɩ la yetɩ Ayi tẽŋa nẽrba wuu. ²⁵ Azoze ka basɛ a kalɔbga la tẽerɛ halɩ ka paagɛ ban kʋ ayi nẽrba la wuu. ²⁷ La Ɩsrayɛlɩ dõma vaagɛ la dũnsi, la bõntarsõm sɛba n boe tẽŋa la pʋam na, wʋ Nawẽnnɛ n ka tarɩ ba’asgɔ n bɔ Azoze nõorɛ se’em na. ²⁸ Azoze yõ Ayi mɛ, a de la daboto wakatɛ wuu,a de la weego, a ken dɛna la bɛla wa paam zĩna. ³¹ Tɩ Azoze mẽ kãabgɔ bĩnbĩnne bɔ Nawẽnnɛ n ka tarɩ ba’asgɔ n de Ɩsrayɛlɩ Nawẽnnɛ Ebalɩ tãŋa zuo ³⁰ A mẽ ẽ wʋ Amoyisi n de Nawẽnnɛ tõntõnna n daan bɔ Ɩsrayɛlɩ doorɛ, tɩ gʋlsɛ ba ẽŋɛ Amoyisi lɔɔ gõŋɔ pʋam na. Kãabgɔ zẽ’a n mẽ la kuga mã’a tɩ kurgo sɛla ka kalɩm ẽ. Tɩ ba kãabɛ kãabgɔ n yõ’orɩ la bugum, naa-nõorɛ kãabgɔ (lagɩm taarɛ) bɔ Nawẽnnɛ n ka tarɩ ba’asgɔ. ³² Tɩ Azoze dɩkɛ lɔɔ gõŋɔ tɩ Amoyisi daan gʋlsɛ la, gʋlsɛ kuga zuto Ɩsrayɛlɩ dõma wuu nifum. ³⁵ Tɩ Azoze le karẽŋɛ Nawẽnnɛ lɔɔ gõnnɔ yetɔga, n de kã-sõma, bɩɩ kã-be’ero, wʋ la gʋlsɛ lɔɔ gõŋɔ la pʋam se’em na. ³⁴ A karẽŋɛ ẽ na Ɩsrayɛlɩ dõma wuu nẽŋam, pɔgsɩ,kɔma, la sãama sɛba n daan kẽ’erɩ la ba lɛ la, wʋ Amoyisi n daan bɔ nõorɛ se’em na karẽŋɛ ẽ ka zɔɔgɛ sɛla.