¹ Elyo Mose alandile kuli Mose ati, ''Kabiye kuli Farao kabili umwebe ati, 'Yahweh alilandile ifi: ''Leka abantu bandi baye pakuti baye ba nshinshimune nebo. ² Nga wakana ukubaleka baye, nkoisusha icalo conse ne fyula. ³ Umumana walaisula ne fyula. Filefuma kabili fise mu ng'anda yobe, mu muputule obe, kabili napa kulala pobe. Fikaya naku mayanda ya basha bobe. ⁴ Ifyula fikakupakasa, abantu bobe, elo na basha bobe.''''' ⁵ Yahweh alandile kuli Mose ati, ''Landa kuli Aaron, tambalika ukuboko kobe kabili ne nkonto pa mumana, imifolo kabili ifishiba, elo no kuleta ifyula pamulu pa calo ca Egypto.''' ⁶ Aaron aishile kubika ukuboko kwakwe pa menshi yamu Egypto, elo ifyula fyishile kufuma pa mulu elo fyaishile kwisula mu calo ca Egypto. ⁷ Nomba abamayeye ba citile fimo fine namayeye yabo; baishile kuleta ifyula pa musumba wa Egypto. ⁸ Elyo Farao aishile kwita Mose elo na Aaronelo aisa kulanda ati, ''Pepeni kuli Yawe afumye ifyula muli nebo elo na bantu bandi. Elyo nalaleka abantu naleya, pakuti benga pela amalambo kuli ena.'' ⁹ Mose aishile kulanda kuli Farao ati, ''Kuti caba cisuma ngawa njeba inshita ya kukupepelako, abasha bobe, kabili na bantu bobe. pakuti ifyula fingafuma muli webo kabili ne ng'anda yobe elo fikalefye mu mumana.'' ¹⁰ Farao walandile ati, ''Mailo.'' Mose aishile kulanda ati, ''Nacibe ngefo walanda, eico wishibe ukuti takwaba nangu umo uwaba nga Yahweh, Lesa wesu. ¹¹ Ifyula fyala fuma muli webo, mung'anda yobe, mubasha bobe, elo namu bantu bobe. Fyalaikalafye mu mumana.'' ¹² Mose elo na Aaron baishile kufuma muli Farao. Elyo Mose aishile kulila kuli Yaweh pa mulandu wa fyula ifyo aletele pali Farao. ¹³ Yahweh aishile kucita ifyo Mose aipwishe: Ifyula fyali fwile mu mayanda, mumnsa, elo na mu mampanga. ¹⁴ Abantu balifilongenye pamo mu tupili, elo mu calo mwanunka. ¹⁵ Lelo ilyo Farao aishile ku mona ukuti apemwina, alikoseshe umutima wakwe elo taumfwile kuli Mose elo na Aaron ngefyo Yahweh alandile ifyo akacita. ¹⁶ Yahweh walandile kuli Mose ati, ''Landa kuli Aaron, 'Ikata inkonto yobe elo ume pa lukunu lwa mushili, pakuti lwingasanguka utuusu uku kumana mu calo conse ica Egypto.''' ¹⁷ Bacitile ifyo fine. Ilyo Aaron aimishe ukuboko elo ne nkonto yakwe elo auma pa lukungu lwa pa mushili, utuusu twaishile paa bantu elo na panama. No lukungu lonse pa mushili lwaishile kusanguka utuusu no kukumana icalo conse mu Egypto. ¹⁸ Abamalele baeseshe na malele yabo ukupanga utuusu, lelo tabacitile. Eico mwaishile kuba utuusu pa bantu elo napa nama. ¹⁹ Elyo abamalele baishile kulanda kuli Farao, ''Aya maka yakwa Lesa.'' Lelo Farao umutima wakwe wali uwaumalala, eico alikene ukumfwa kuli bo. Califye nga filya Yawe alandile Farao ukucita. ²⁰ Yahweh aishile kulanda kuli Mose ati, ''Ukashibuke ulucelo sana elo ukemanine ku ntanshi yakwa Farao ilyo akalaya ku mumana. Ukalande kuli ye ati, 'Yaweh alilandile ifi: ''Leka abantu bandi balekuya pakuti bakanshinshimun. ²¹ Nomba nga tawaleke abantu bandi baleya, nalatuma utusembele pali webo, abasha bobe, kabili na bantu bobe, elo namu mayanda yenu. Mwebena Egypto amayanda yenu muleisula utusembele, elo na pamushili pao munyanta pakesula utusembele. ²² Lelo pali bulya bushiku nka cenjesha icalo cakwa Gershom ifyaibelako, icalo umo abantu bandi bekala, eico tamwakabe utusembele mulya. Ifi fikacitika pakuti ukeshibe ukedhibe ukuti ni nebo Yahweh mukati kacino calo. ²³ Nkapanga ubupusano pakati ka bantu bandi elo na bantu bobe. Ici cishibilo ca maka yandi cili no kucitika mailo.''''' ²⁴ Yahweh aishile ku cita ifyo fine, elo no tusembele utukulu twaishile kwisa mu ng'anda yakwa Faraao elo namu ng'anda ya basha bakwe, no kwisula mu calo conse ica Egypto, ne calo calilubene pa mulandu wa tusembele. ²⁵ Farao waitile Mose elo na Aaron elo aisakulanda ati, Kabiyeni, kapeleni amalambo kuli Lesa wenu munomwine mu calo cesu.'' ²⁶ Mose aishile kulanda ati, ''tacili icalungama fwebo ukucita ifyo, pantu amalambo tucita kuli Yaweh Lesa wesu ni fimo ifyaibela ku bena Egypto. Nga twacita amalambo yalungama pa menso yabo aya pusana na bena Egypto, tabakatutobe amabwe? ²⁷ Awe, lwendo lwa nshiku shitatu mu matololo ilyo tufwile ukucita, pakutila twinga tula kuli Yaweh Lesa wesu, ngefyo atukonkomesha.'' ²⁸ Farao walandile ati, ''Nalasuminisha mwebo uluti muleya elo mukapele kuli Yahweh Lesa wenu mu matololo. Nomba mwebo tamufwiele ukuya ukutali. Mpepeleniko.'' ²⁹ Mose aishile kulanda ati, ''Nombaline ilyo nkaya nkafuma muli webo, nkapepa kuli Yawe ukuti utusembele tukafume muli webo, Farao, elo na basha bobe elo na bantu bobe mailo. Lelo webo taufwile ukubepa nakabili ukukana leka abantu bandi ukuya mukutula kuli Yahweh.'' ³⁰ Mose aishile kufuma muli Farao elo aishile kupepa kuli Yaweh. ³¹ Yahweh aishile kucita ifyo Mose alombele; elo afumishe utusembele muli Farao, abasha bakwe, kabili na bantu bakwe. Tamwashele nangu kamo. ³² Lelo Farao alikoseshe umutima wakwe iyi nshita nakabili, elo talekele abantu ukuti baleya.