¹ Mu mwenshi uwakulenga butatu abantu bakwa Isresali baile ukufuma mu mpanga ya Egypito, pali bulya bushiku, balishile ku matololo ya Sinai. ² Panuma yakusha Refidimu elo baishile ku matololo ya Sinai, balipangile insakwe mu matololo pa ntashi ya lupili. ³ Mose waile kuli Lesa. Yahwehwalimutumine ukufuma ku lupili elo walandile, ''Webo webe ing'anda yakwa Yakobo, abantu bakwa Isreali: ⁴ Mwalimwene ifyo nacitile ku bena Egypito, ifyo nebo naisendele pamapindo yakwa kapumpe nokuleta mwe kuli ne. ⁵ Elo nomba, umfwa mucumfwila mukokutika kwi shiwi lyadi no kulekusunga icipangano candi, elo mwebo mukoba icikwatwa icakucindama ukufma mu bantu bonse isonde lyonse. ⁶ Mwebo mukoba ubufumu bwakuba shimapepo elo icalo ca mushilo icandi. Aya emenshi ayo webo ukalanda ku bantu bakwa Isreali.'' ⁷ Eco mose waishile nokuleta abakulu ba bantu. Wo wapekenye pali bo fyonse efyonse ifyo Yaweh wamukonkomweshe. ⁸ Abantu bonse balyasukile capamo nokulnda ati, ''Tukolekucita fyonse ifyo Yahweh walanda.'' Elo Mose waletele ubukombe amashiwi ya bantu kuli Yahweh. ⁹ Yahweh walandile kli Mose, ''Nkoisa kuli mwebo mwi kumbi lyakutikama pakuti abantu kuti baumfwa ulo nkolanda kuli mwebo elo kutibakosumina lyonse.'' EloMose waebele amashiwi ya abantu kuli yahweh. ¹⁰ Yahweh walandile kuli Mose, ''Kabiye ku bantu ubalenge no kuwasha ifyakufwala fyabo. ¹¹ Uipekane pa bushiku bwa citatu, pantu pa bushiku bwa citatu Yahweh akoisa panshi pa lupili lwa Sinai. ¹² Ukapekanye imipaka ya bantu ukushinguluka ulupili. Landa kuli bo, 'Mube abakucenjela ukuti mwebo tamukoya pa mulu wa lulipi nangu ukwikata ku mupaka waluko. uyo onse uukekatako ku lupili mu cacinefye akafwa.' ¹³ Takuli ukuboko nangu kumo ukukekata umutnu uyo, icofye wo apo pene akapolwe amabwe nangu ukulaswa. Nangufye umuntu nangu inama, wo akepaiwe. ulo ipenga likomfwika akalamukila, bo kuti baisa ku mpelo ya lupili ¹⁴ Elyo Mose watentemukile ulupili ukuya ku bantu. Wapatwilile abantu kuli Yahweh no kuwasha ifyakufwala fyabo. ¹⁵ Ye walandile ku bantu, 'ipekanyeni pa bushiku bwa kulenga shitatu, tekwesho kpalamina ku bakashi benu.'' ¹⁶ Pa bushiku bwa citatu, muca lucelo, kwali ukubulukuta elo no kubyasha elo ne kumbi lyakutikama pa lupili elo ne siunda ca kulila ukukulu kwe penga. Bonse abali munkambi balitutumine. ¹⁷ Mose wafumishe abantu mu nkambi kukumanya Lesa, elo baiminine pa mpelo ya lupili. ¹⁸ Ulupili lwa Sinai lonse lwaiswilepo icushi pantu Yahweh waikilepo mu mulilo na mucushi. Icushi calikunina mumulu kubati cushi ca mwilungu, no lupili lonsefye lwa tenkene bubibubi. ¹⁹ Ulo Iciunda cepenga cakulishe, Mose wasosa, na Lesa walimwasukile mwi shiwi. ²⁰ Yahweh waikile paluoili lwa sinai, pa mulu wa lupili elo walikutile Mose pa Mulu. Elo Mose walilile pa mulu. ²¹ Yahweh walandile kuli Mose, ''tentemika no kucencesha abantu bepulinkanya kukulolehsa kuli nebo, ico bengi abakofwa. ²² Leka bashimapepo abo abakoisa mupepi kuli ne bo baiteyanye abaibela baipekanye ulo nkoisa pakuti nshibasanshile.'' ²³ Mose walandile kuli Yahweh, ''Abantu tekuti bese pamulu wa lupili lwa Sinai, apo walitukonkomeshe; 'pekanyeni imipaka ukushinguluka ulupili elo ipekanyeni ukupatuka kuli Yahweh.'' ²⁴ Yahweh walandile kuli wo, ''Kabiye, tentemuka ulupili elo ulete nobe pamo, lelo wileka bashimapepo na bantu bapulinkanye apa kucingilila ukwisa kuli ne, epali nabasansa.'' ²⁵ Elo Mose watentemukile ku bantu no kusosa kuli bo.