¹ Uluntu ifi fintu fya citikile, ba cilolo balinkumenye elo balandile ati, "Abantu baku Israeli, bashimapepo elo na bena Lebi tabaipatulako abene ku bantu ba mufyalo elo ne fya muselu fyabo: abena Kenani, hitati, abena Jebusi, abena Amoni, abena Moabu, abena Egypto elo na bena More. ² Pantu bali pitilepo bamo pa nana babo abanakashi elo na bana babo abaume, elo balisankenye abantu ba mushilo mu bantu ba mu fyalo, elo ne ntungulushi na ba cilolo ebali pantanshi ya kutetekela." ³ Uluntu naishile kumfwa ici, naishile kulepula ifya kufwala fyandi elo no mukansu elo nalibeyele no mushishi ku mutwe elo ne myemfu, elo nalikeleko panshi, uwa kupeshiwa amano." ⁴ Bonse abali kututuma ku mashiwi yakwa Lesa wa ku Israeli palwa kubulwa ukukwata icicetekelo ku bali muli bunkole aba kolongene kuli nebo ulo nali ndikele uwakupeshiwa amano ukushintafye na ku bupe bwa mu cungulo. ⁵ Nomba mu cabupe ca mucungulo nalimine mu ncende yandi iyabulanda nefya kufwala fyakulepauka elo no mukansu wakulepanka, elo nalifukeme elo na limishe na maboko yandi kuli Yahweh Lesa wandi. ⁶ Naishile kulanda ati, "Lesa wandi, ndyumfile insoni elo no bulanda ukwimisha impumi yandi kuli mwebo, pantu ubupulumushi bwesu bulifulishe pa mitwe yesu, elo ne filubo fyesu filikilile ukufika na mu myulu. ⁷ Ukutula mu nshiku sha fikolwe fyesu ukushintafye ne liline twabafye ne filubo ifikulu. Mu bupulumushi bwesu fwebo, imfumu shesu, elo na ba shimapepo besu bali pelwe ku mfumu sha pali lino isonde, kulupanga, muli bunkole, mu kwibilwa elo musebanya wapa menso, ifyo tuli na lelo. ⁸ Nomba pakashita akanono, uluse ukutula kuli Yahweh Lesa wesu lulishile ukutusha nga babutukwa aba kushalapo elo no kupela ukwikala mu ncende yenu iya mushilo. Ecalengele Lesa wesu ukwisula amenso yesu ukutupela ukutusha ukunono mu busha bwesu. ⁹ Pantu tuli basha, lelo Lesa wesu tatulaba nomba alilundako icipangano caku cetekela kuli fwebo. Alicitile ici pa cinso ca mfumu yaku Persia pakwebati tupelwe amaka ayapya, ukuti tukule cipya cipya ing'anda yakwa Lesa wesu elo no kwimya ifya konaika. Alicitile ici pakweba bati atupele ukukosa no mutende mu Yuda na mu Yerusalemu. ¹⁰ Lelo nomba, Lesa wesu, findo twingalanda panuma ya ifi? Twalilaba ifyebo fyenu, ¹¹ ifyebo ifyo mwapele kubabomfi benu bakasesema. Uluntu mwaishile kulanda ati, "Ici calo mwalaingilamo ku kucikwata calo caku kowela. Cakukoweshiwa ku bantu ba mu calo kufya bunani bwabo. Bali ciwishemo kumpela kumbi ukuya kushinta ne mpela naimbi ku kukowela kwabo. ¹² Eico nomba, mwilakupela abana benu abanakashi ku bana babo abaume; mwilekuita abana babo abanakashi ku bana benu abaume, elo mwile kubafwaila umutende wakubapo elo no kucimfya, pakwebati mukabe abakukosa elo mukalye ne fya bune mu calo, pakwebati mukaleke abana benu bakacikwate inshita fye shonse. ¹³ Lelo panuma ya fyonse ifyaishile kwisa pali fwebo pamulandu wa fyakucita fyesu ifya bubi elo ne filubo fyesu ifikulu-apo mwebo, Lesa wesu, mulitubele uluse kubupulumushi bwesu elo no kutuleka ukuba aba kushalapo aba butukwa- ¹⁴ bushe nakabili tulekonula amafunde yenu elo no kulekupana na bantu ba muselu? Bushe tamwaka tufililwe elo no kutufumyapo ukwebati kwi kaba abakushalpo, ukwabula uwa kufyuka? ¹⁵ Yahweh, Lesa wakwa Israeli, uli mulungami, pantu twaikalaila nga kushalapo aba butukwa ukufia na lelo. Boneni! Tulishile kuli mwebo mu filubo fyonse, pantu takuli na ngula umo uwinnga talama kuli mwebo pa mulandu waici.