¹ Ishi entungulushi sha fikolwe mundupwa shabo elo iyi enkulo yabo abashile Babiloni pamo na nebo ilintu imfumu Artaxerxes alikteka. ² Kubana bakwa Fineasi, GershomuKubana bakwa Itama, Danieli. Kubana bakwa Davidi, Hatushi. ³ Kubana bakwa Shekaniya, abo abafumine mu bana bakwa Paroshi, Sekaria, elo pamo naye kwali abaume 150 abatantikilwe mu nkulo yakwe. ⁴ Kubana bakwa Pahati-Moabu, Elieoenai umwana mwaume wakwa Serahiah elo pamo na ye kwali abali imyanda ibili abaume. ⁵ Kubana bakwa Satu, Ben Yahasiele elo pamo na ye kwali abaume imyanda itatu. ⁶ Kubana bakwa Adini, Ebedi umwana mwaume wakwa Yonatani elo kwali abaume abali na ye abatantikilwe amakumi yasano. ⁷ Kubana bakwa Elamu, Yeshaiah umwana mwaume wakwa Atialiah elo pamo na ye kwali abaume amakumi cine lubali abatantikilwe. ⁸ Kubana bakwa Shefatiah, Sebadia umwana mwaume wakwa Maliko elo pamo na ye kwali abaume amakumi cine konse konse abatantikilwe. ⁹ Kubana bakwa Yoabu, Obadia umwana mwaume wakwa Yehiele elo pamo na ye kwali abaume 218 abatantikilwe. ¹⁰ Kubana bana bakwa Bani, Shelomiti umwana mwaume wakwa Yosifiah elo pamo na ye kwali abaume 160 abatantikilwe. ¹¹ Kubana bakwa Bebai, Sekaria umwana mwaume wakwa Babai elo pamo na ye kwali abaume amakumi yabili na cine konse konse abatantikilwe. ¹² Kubana bakwa Asigadi, Yohanani umwana mwaume wakwa Hakikatani elo kuli ye kwali abaume 110 abatantikilwe. ¹³ Aba bana bakwa Adomikamu baishile panuma. Aya emashina yabo: Elifaeleti, Yeuele, elo na Shemaiha elo pamo nabo paishile abaume amakumi mutanda. ¹⁴ Kubana bakwa Bigivai, Utali elo na Saka elo pamo na ye kwali abaume amakumi cine lubali abatantikilwe. ¹⁵ Nakolonganike abalendo pa mumana uwalola ku Ahana, elo twaikele kulya inshiku shitatu. Nacecete abantu elo na bashimapepo, lelo ntasangile nangu umo uwamu bana bakwa Lebi kulya. ¹⁶ Eico nakutile Elieseri, Ariele, Shemaiah, Sekaria, na Meshullamu-abo abali intungulushi ba kafundisha. ¹⁷ Umuku wakonkelepo naishile kutuma Ido, intungulushi ya mu Kasifiya. Nabebele ifya kuya kulanda kuli Ido na kuli balupwa bakwe, ku babomfi ba mwitempele abali kwi kala mu Kasifiya, elo pakwebati, batume kuli fwebo ababomfi ba ma ng'anda yakwa Lesa. ¹⁸ Kanshi batumine mukubo kwa bune kwakwa Lesa umuntu ishina ni Sherebiah, umuntu uwamano nganshi. Uwali wa mulupwa lwa Maili umwana mwaume wakwa Lebi umwana mwaume wakwa Israeli. waishile na bana baume ikumi limo na cine konse konse elo na ba wabo. ¹⁹ Pamo na ye waishile na Hashabiah. Kwaliko na Yeshaiah, umo uwa mulupwa lwa kwa Merari, wali na ba wabo elo na bana baume bamo, bali amakumi yabili bonse pamo. ²⁰ Abo abalembelwe ukulabombela mwitempele, abo Avivi elo na ba cilololo bapele ukubombela abena Lebi: 220, cilaumo pali bo balembele na mashina. ²¹ Eluntu na bilishe ukuleka ukulya ku mumana wa Ahava pa kuicefya fwebene ku cinso cakwa Lesa, ukufwaya inshila iya kutambalala ukufuma kuli ye pali fwebo, pa banono besu, elo na kufyuma fyesu fyonse. ²² Nebo nali ne nsoni ukwipusha imfumu palwa bashilika nangu baume ba pali bakabalwe ukutucingilila ku balwani munshila, pantu twalandile kumfumu ati, 'Ukuboko kwa kwa Lesa wesu kwaba pali bonse abamufwaya mubune, lelo amaka yakwe no bukali fyaba pali bonse aba mulaba.' ²³ Kanshi twalifungile ukulya no kwipusha Lesa pali uyu mulandu, lelo alyumfwile ipepo lyesu. ²⁴ Ukukonkapo nalisalile abaume ikumi limo na babiili ukuba bashimapepo ukubafumya muli ba cilolo: Sherebiah, Hashabia, elo ne kumi limo aba muli ba wabo. ²⁵ Nalibapimine silfere, golide, elo ne fipe no mutulo wa mu ng'anda yakwa Lesa untu imfumu, ba cilolo na bakwafwilisha, elo na bonse abena Israeli bapele mukuipelesha. ²⁶ Kanshi na lipimine mu maboko yabo amatalanta 650 ifya silfere, amatalanta umwanda umo uwa silfere wa fipe, amatalanda umwana umo uwa golide, ²⁷ imbale amakumi yabili isha golide ishali pamo ishafinine ikana limo ilya dariki, elo ne fipe fibili ifya pangilwe bwino ifya mukuba ifyali ifya bune kwati ni golide. ²⁸ Eluntu naishile kulanda kuli bo ati, ''Muli abashila bakwa Yahweh, elo ne fipe ifyo , elo na silfere na golide fya bupe fya kuipelesha fye kuli Yahweh, Lesa wa fikolwe fyesu. ²⁹ Fiboneni elo no kufisunga mpaka mukafipimine pali bacilolo ba bashimapepo, abena Lebi, elo ne ntungulushi sha fikolwe umukowa wa kwa Israeli mu Yerusalemu mu miputule ya mu ng'anda yakwa Lesa.'' ³⁰ Bashimapepo na bena Lebi balipokele silfere, na golide ifyapiminwe, elo ne fipe pakuti bafitwale ku Yerusalemu, ku ng'anda ya kwa Lesa wesu. ³¹ Twalifumine ku mumana wa Ahava pabushiku ubwalengele ikumi limo na shibili mu mwenshi wakutampilapo ukuya ku yerusalemu. Ukuboko kwakwa Lesa wesu kwali pali fwebo; alitucingili ukufuma ku maboko ya balwani nakuli onse uwafwaile ukutufisamina mu nshila. ³² Kanshi twaingile mu Yerusalemu elo twaikele kulya inshiku shitatu. ³³ Eluntu ubushiku bwa lenga shine silfere, golide, ne fipe fya piminwe ukufuma mu ng'anda yakwa Lesa wesu, mu maboko yakwa Meremoti umwana mwaume wakwa Uriah shimapepo. Pamo na ye kwali Eleasari umwana mwau e wakwa Fineasi, yosabadi umwana mwaume wakwa Yoshua, na Noadiah umwana mwaume wakwa Binui umwina Lebi. ³⁴ Fyonse fyali Pendelwe no kupimwa. Ukupimwa kwa fyonse kwali lembelwe panshita ilya ine. ³⁵ Na onse uwabwelele ukufma mu busha, bantu ba bunkole, baishile kupela icabupe ca koca kuli Lesa wakwa Israeli: ing'ombe ishilume ikumi na shibili kuli bonse abena Israeli, amakumi pabula na mutanda basukusuku, impanga ishilume amakumi cine lubali, elo ne mbushi ikumi limo na shibili ishilume nga icabupe cape sambi. Fyonse fyali fya koca kuli Yahweh. ³⁶ Eluntu bapele ifya bupe fya mfumu kuli ba cilolo ba ku mfumu elo na kubalashi ba citungu pantanshi ya mumana, elo ba afwile abantu elo ne ng'anda yakwa Lesa.