¹ Hin naglunghan hi Apo Hesus ubat ha babo, malaki ya hinumunol kuna. ² Helken muyoy, mihay lalaki ya main ketong ya dinumani biha nagduko kuna, ya ampaki-iingalo, "Apo naen, no maadi dayi ay diyagin mo kon ayin yangat." ³ Tinalan ni Hesus ya gamet na biha hinabi kona, "labay kon humampat ka," hinimampat padah ya ketong na. ⁴ Hinabi kona ni Hesus, "paan mo pon habyen maski hino ya nadiyag. Mag udong kana ubatan mo biha magpaikit kana ha padi, ta magbi-i ka ayon ha utoh ni Moises, ta emen mamapeteg hila." ⁵ Pamaka-huwen ni Hesus ha Capernaum, Mihay mamuun nin hundalo ya napaidani kuna, ⁶ ya naki-i-ingalo kona, "Apo naen mihay magsirbi kongko ay main hakit, agyay nan makabita biha ang kaidapan ya". ⁷ Hinabi ni Hesus, "maglako ko bahen, ta pamahampatin ko ya." ⁸ Tsinumambay ya habaytoy lalaki, "Apo naen, Paulayan mo koyna ta alwa kon hepat mamalako komo ha pamamali ko, habyen mo tana ya humpat ya. ⁹ Ta hikoy mihay tawo ya main an hunulin ya mamuum buy mian sempre nin taw-tawo ya an humuno kongko. No habyen ko ha miha, maglako ka do, maglako ya baydo eteman, ha kaatag itaan, dumani ka dumani ya et eteman ya hinuman ya ipadiyag ko ay diyagen la". ¹⁰ Naka-epapah hi Hesus ha nalinge na. HInabi na kol-la, Ayin ako et naikit ya emen baydi paniwah ha buun Israel. ¹¹ Anhabyen ko komoyo, malaki ya lomateng ubat ha baytan anggan baba, umadap hila ha lamisawan ni Abraham, Isaac buy Jacob do ha langit. ¹² No-ag malaki ya maalih biha itapon ha nadiglim paawahin hila ha kaarian maski emen et ya tangih la." ¹³ Hinabi ni Hesus ha mamuun , mag-udong kayna ta indin anay labay mo, ayin na nan hakit ya magsirbi na nin habayto ya oras. ¹⁴ Nilumateng ni Hesus koni Pedro, nalating na ya ampo ni Pedro ya an umutin. HIn pamakayadi nin tinalan nin Hesus ya gamit na ay. ¹⁵ Tinalan ni Hesus ya gamit na, hinayngitan ya bayto nibangon ya ta inasikaso na hila. ¹⁶ Pal-lomateng yabi , in lateng koni Hesus ya taw-tawoy an hapatan anito. Pina-alih na ya aw-anito nin habi na biha pinahampat nay haw hakit la. ¹⁷ Na nangyari ya habayto, nangyari ya hinabi ni propeta Isaias, kinwa nay haw hakit tamo, biha gintan na ya aw- ankatanam." ¹⁸ Kalak-an, nin taw-tawo na dani na, hinabi na kol-la maglipay kitamo ha dagat nin Galilea. ¹⁹ Main nin dinumani ya eskiraba kona, Apo manudo hunuwin kata maski ato kan maglako, ²⁰ Hinabi ko kona, main yugmun ya lamidan main halay ya maw-manok manok, no-ag hay anak nin tawo ay ayin tanan mapag-unhaligan. ²¹ Main et taw tagahuno ya naghabi kona, "Apo naen, udungin naen pun dayi i-ilbing ya minatsi naan." ²² No-ag ni Hesus, kona "paulayan moyna ya matsi nin ihinop nin sadili lan minatsi." ²³ Panhumakay ni Hesus ha bangka, hinuno yan taw tagahunul. ²⁴ Naikit la anlomateng ya maghaw ya angin nangamo nahida nin dawuyon ya bangka, bengat ankatuloy hi Hesus. ²⁵ Nilako yan pinukaw nin taw-tagahunul na, "iligtas mo Apo manudo, matsi kitamoy nan kaganawan!" ²⁶ HInabi kol-la ni Hesus "paan kaw maluno mayamo talaga ya paniniawal moyo?" Niding ya ta pinatigen nay angin buy dagat. Nagtigen buy kaganawan. ²⁷ Naka-epapah ya law-lalaki kona, nahabi la bayto nin, "keh hino yay habaytsi tawo, kaganawan pastin dagat buy angin humunol kona?"