¹ Umawa hi Apo Hesus ha Templo boy nagdiretso do ha lakwen na. Dinumani ya taw tagahuno ha emen ipaikit kuna ya templo. ² Noag tinumbay ya boy hinabi konla, awta ahe moyon ankaikit ya kaganawan habaytsi? Peteg habayte ya anhabyen ko komoyo, ayin maskin mihay bato ya mabalag ya nakapatong ha miha et ya mihay bato ya ahe nin mahida." ³ Habang Ampikno ni Apo Hesus ha bakil nin aw olibo, bawat mihay dinumani ya aw alagad kuna boy hinabi, "Habyin mo kunnawen, no makano manyari ya haw habyti? Hino ya maging palatandaan nin pag-udong mo boy hay kaanggawan nin mundo?" ⁴ Tinumbay hi Apo Jesus konin boy hinabi, "pakatampa kaw ya ta emen nin ayin makahagyat komoyo yametawen kaw. ⁵ Ta malake ya mako baydi ha ngalan ko. Habyin la, 'Hiko ya Kristo,' boy malake ya metawen . ⁶ Makalenge kaw gaw-gara boy baw balita patungkol ha gira. Helken moyo ya agkawnin mabalisa, noag kailangan mangyadi ya haw habaytsi; no alwa et habaytsi ya katapusan. ⁷ Noag milalaban ya mihay bansa, boy kaadian. Magkamain nin paw pamiluno boy law layon ha kanakanayon ya lugal. ⁸ Noag kaganawan haw habaytsi ay umpisa bengat nin hakit emen pangilab ya babayey manganak. ⁹ Pamakayadi, kalgawen la kaw kaidapan boy patsin kaw. Pagkahulok kaw nin kaganawan baw bansa bana ha ngalan ko. ¹⁰ Boy malake ya mipaduhog boy ipaglao bawat miha konla, boy pagkahulok lay bawat miha. ¹¹ Malake ya lumway gaw gabaw ya Propeta boy itawen lay malake. ¹² Kabay mawawa ya kadawakan, hay panlabi nin kanayon ay lumepet. ¹⁴ Noag no hinoy makagte-e angga nin kayadian, hiyay maligtas. ¹³ Hatsi ya ebanghelyo nin kaadian ay ibahuag ha buo mundo. Emen pumapteg ha kagawan boy pamakayadi nin habaytsi lumatenganay ya kayadian. ¹⁵ Kabay, no makit moyoy subday kadawakan ya hinabi ni propeta Daniel, ya nakaideng ha banal ya lugal (Intsindiwen hatsi nin ¹⁶ mamaha), Kailanagn muwayo hilaynay awatsi ha Judea palaku ha kabakilan, ¹⁷ Hay hatsi ha tag-ay nin bali aganim umaypa emen mangwa nin nikahinay atsi ha bali, ¹⁸ boy hatoy atsi ha gahak agan mudong emen mangwa nen dulo na. ¹⁹ Pedo maidapan hila ya naw nangabuktot boy hay aw ampagpahuhu nin aw anak la panaon ya habayto! ²⁰ Halangin nin moyo ya pantumakas moyo ay agya mangyadi ha panaon nin panlumay-ep o ha al-lo nin pagpanawa. ²¹ Noag magkamain ni mantindiy kaidapan ya ag-et angkaranasan ubat et ha umpisa nin mundo angga hapaeg, agan mangyade masken makano. ²² Maliban tana bungat no paipeken hay aw al-lon habayto, ayin maski mihay laman ya maligtas. Noag bana ha aw-iningat, hay aw al-loy habaytoy paipeken. ²³ Kabay ni main maghabi komoyo ya, "Helken moyo, atsi baydiy Kristo!" o 'atsabahen hay Kristo!' agkaw nin mintoo. ²⁴ Noag lumateng hay gaw gabaw ya atsi Kristo boy gaw gabaw ya propeta mapakit hila nin kaw kaipapa ya palatandaan boy kababalag-an, taen hawen, no maadi, pati ya aw iningat. ²⁵ Hilken moyo, impauna koyna nin habyin komoyo. ²⁶ Kabay no hinabi la komoyo, 'Hilken moyo, hay Kristo'y hatsi ha disyerto', agkaw mako mako ha disyerto. O, 'Hilken moyo, hay atsi hiya kwarto, agmoyo paniwalaan hatsi. ²⁷ Noag kapada nin panhumawang kilat ubat ha baytan boy panhumaneng palako ha baba, umbaydo et etahan panlumateng nin Anak nin Tawo. ²⁸ No atoy hatsi ya aw ayop, atsi et baydo ya baw buwetre. ²⁹ Noag pandumali nin kaidapan ha aw al-lon habayto, hay al-loy dumiglem, agan humawang hay buwan, matata baw bituen ubat ha langit, boy hay kaw kapanyadihan nin kalangitan ay mayegyeg. ³⁰ Pakayadi nin habaytsi hay palatandaan nin Anak nin tawo'y umawa ha angin, kaganawan nin taw tribo'y naalimwan. Maikit lay Anak nin Tawoý ya lumateng ubat ha langit main kapangyadian boy main mamteg ya kaluwalhatian. ³¹ Ihugo hay aw anghel ya main nin makhaw ya tunoy nin trumpeta, boy tsipunin lay kaganawan hinirang ha ubat ha apat ha aw angin, ubat ha mihay duyo nin kalangitan angga ha kapakan duyo. ³² Pagturuan moyo ya aral ubat hnama puon nin igos. Kabay nalalangto ya haw hanga boy ampipagsaringet hinay hatse, namulahan mo yo'y na ya madane hanay, tag-al-lo. ³³ Imbaydoman et mamulahan moyo ya madane hena, atsi ha pulta. ³⁴ Peteg ya hatsi ya anhabyen ko komoyo hay inapupo nin hatsi ay ahe maayen anggan mangyade ya kaganawan hatse. ³⁵ Maayen ya langit boy luta noag hatsi ya haw habe ko ay ahe nin maaleh. ³⁶ No alwan bana ha al-lo boy odas ya habayto, ayin ampakamula maskin aw anghel ha langit, o nin anak, Hi Apo Nakapanyag bungat. ³⁷ Kapadeho nin kapanaunan ni Noe, umbaydo et ya panlumateng nin Anak ni Apo Nakapanyag. ³⁸ Emen ha kapadeho nin al-lot bayo lumateng ya lanab, hila ayampepangan boy ampepan minom, boy mapepag-ahawa boy pinayagan ya aw anak la nin mag-ahawa angan pumahok hi Noe ha Arka, ³⁹ Ayin hilan kamuwang muwang anggan nilumateng ya lanab boy king-wa hilan kaganawan umbayde nin Anak Tawo. ⁴⁰ Ha panaon ya bayto main loway tawo ya atsi ha bakil - hay miha ay king-wa boy hay miha etaman ay mabalag. ⁴¹ Luway babaye ampan-geek ha geekan - hay miha ay kuwen boy hatoy miha itaman ay imbalag. ⁴² Kabay mangimaton kaw, ta agmoyo mamulahan no hinoy al-lo lumateng hi Apo Panginoon. ⁴³ Daye mamulahan moyo no namulahan moyon bungat nin amo nin kabal yan no hinoy odas lumateng ya man-nakaw ay ematunan na emen ahe ya makapahuk ha bale la. ⁴⁴ Kabay mangimaton kaw, ta lumateng hana ya Anak nin Tawo ha al-loy agmoyon an ingganan. ⁴⁵ Kabay hinoy peteg , naen dunong ya panitutudo ya dapat pagtiwalaan nin amo la ha bali la, emen hay ahe konla nin maekan ha taman panaon? ⁴⁶ Makalma ya utuhan ya habayto, ta nalatengan nin amo na ya ampang gawa ha ya panlumateng. ⁴⁷ Peteg ya anhabyen ko komoyo ya ipamahala nin amo kona ya kaganawan ya ikon na. ⁴⁸ Noag maen nadawak ya panitutudo ya maghabi ha nakem na, 'Napatigin ya amo ko,' ⁴⁹ boy nangumpisawan nangasok nin kapadeho nan pan-ipatutudo boy ampepanganboy ampepan-pinem ha maw mamiminom. ⁵⁰ Lumateng ya amo nin bale ya hayto ha al-lo ya ahe antaganan nin panitutudo ha odas ya ahe nan angkamulahan. ⁵¹ Piategen ya nin pan-itutudo ha luwa nin amo na boy gaw-en ha inaadap kapadeho nin pelakwan nin maw magabaw, aho man ay maen katange-tangehan boy pagkanginget nin guget.