¹ Kabay hay kaarian nin langit ay imen nin mihay nag-ikon nin law luta, ya nag-awa kahambakan taen mangupa nin manyag na ubasan na. ² Pamakayade nan makihabe ha maw magtrabaho nin mihay denaryo ya upa la ha mihay al-lo, pinalako ha hila ha ubasan na. ³ Nag-awa yan uman hin alas nuweden nahambak boy nahilek nay kanayon ya ampanggawa ay nakaedeng bengat ta ayen anggaw-en ha panalewan. ⁴ Hinabi na kol-la maglako ka ha ubasan boy no honoy dapat komoyo ay iden ko.' boy hila ay naglako taen magtarabaho. ⁵ Nag-awa yan uman mag-aalas dose nin ugton al-lo boy hen mag-aalas tres nin mahilem boy imbaydo et ya ginawa na. ⁶ Biha mihaet ya pagkakataon hen nag-aalas singco nin mahilem, hiya ay nag-awa boy nahilek na ya kanayon ya naka eding ta ayen angaw-en. Hinabe na kol-la, 'Henta naka eding kaw bayde ayen iataman andyagenmahilem?' ⁷ Tinumbay hila kona atsi, 'Kay baydi ta ayin ampamatrabaho kon nawen,' Hinabi na itahan kunla, 'Maglako kaw et awod ha ubasan ko.' ⁸ Hen anyumabi hana, hinabe nin maen atag nin ubasan ha mangasiwa kona, 'Ingaten ya ampanggawa boy iden koy sahod ubat nahuyot anggan ha nauna.' ⁹ Boy hin hay ampanggawa ay inupaan nin mag-aalas singko ay nilumateng, bawat miha kol-la ay nananggap mani-mihay denaryo. ¹⁰ Biha hatoy nanga-una ya magtarabaho ay nilumateng , an ihipen ya mas-matag-ay ya mas matag-ay ya makwa la, noag ya bawat miha ay nananggap et nin mani-mihay denaryo. ¹¹ Hen nakwa lay na ya sahod, hela ay ampagreklamo ha maen ikon nin ubasan. ¹² Hinabe la, 'Hay na nangahuyot nagtrabaho ya taw tawo ay mihay mihay oras bengat nagtrabaho, noag pinapadiho no hila kon nawen ya, nangtan nin ubasan ha mamapa allo boy ha ampaka ulam ya umot.' ¹³ Noag hinabe nin naen atag nin ubasan boyampayuhabi nin ha miha kol-la, 'Patel, ayin a ko nin nadyagya nadawak komo, ta alwan napihabe kitamo ha mihay denaryo ha mihay al-lo? ¹⁴ Kuwen moyo ya pada komoyo boy mag-ali kawna. Kahiglawan ko ya may iden ha nahuyot nin maw magtrabaho ya an upaan nin kapadiho komoyo. ¹⁵ Alwan ban hepat kungko ya gaw-en ko no hinoy labay kon gaw-en ha atag ko? o hay mata mo ay nadawak bana ta hiko ay mahampat? ¹⁶ Kabay hay angkauna ay angkabuyot boy hay ang kahuyoy ay angkauna." ¹⁷ Hen hi Apo Hesus ay palako ha Jerusalem, hinagyat na ya labinluwa boy hin atsi hilay na ha daan hinabi la kol-la, ¹⁸ "Helken moyo, munik kita mo palako ha Jerusalem boy hay Anak nin Tawo ay idin ha paw padi boy eskriba. Ta hiya ay atulan nin kamatihan ¹⁹ boy indin ha haw Gentil ta en hiya ay daehen, patuken, biha ipako ha kurus. Noag ha ikatlon al-lo mabyay yan uman. ²⁰ Boy hay indo nin aw anak ni Zebedeo ay naglako koni Apo Hesus kalamo ya aw anak na. Nanduko hila ha arapan boy nakikwa nin mihay nagkahinoman kuna. ²¹ Hinabe ni Apo Hesus kuna, "Hino ya labay mon idin komo?" Hinabi na kuna, "Itudo moya luway anak kon makaikno ha kaadian mo, hay miha wanan ya gamet boy hay miha hay kaliwa ha gamet mo,." ²² Noag ha hinabyanan ya ni Apo Hesus Agmon angkamulahan nu hinoy ampakikwanan mo kaya mon imumen ya baso ya pamineman ko?" Hinabe la kuna, "Kaya nawen." ²³ Hinabe la kuna, "Hay baso ko ay peteg moyon ampameneman. Noag hay pamikno ha wanan boy kaliwa kon gamet ay ampag andaan nin bapa ko." ²⁴ Hin nalinge nin mapu ya taga hunol, hila ay ahe nahiglawan ha luway mi patel . ²⁵ Noag iningat hila ni Apo Hesus ta hinabi na kunla, "Ang kamulahan mo yo ya mamuon ha Gentil ay manlupig kunla, boy hay maw maalaga ya tawo ay ampanggamit kapangyadihan ta en hunulen hila. ²⁶ Noag ahe dayi mangyadi ha habaytsi komoyo, ta hinoman ya malabay nin pinaka maalaga komoyo ay hepat bengat mag-in taga hunol moyo. ²⁷ Boy hinoman malabay nin mauna komoyo ay dayi magin taga hunol moyo. ²⁸ Kapadiho nin Anak nin Tawo ahe yan naglako baydi ta emen nin pagsirbuhan, no alwan magsirbi boy taen idin ya biyay ya panubos ha kalak-an. ²⁹ Hin hila ay paali ubat ha Jerico, kalak-an tawo ya hinumuno kuna. Boy nahelek la ya luway buwag ya lalake ya nakaikno ha daan. ³⁰ Hin nalenge lan hi Apo Hesus ay magdaan hila ay nan-angaw boy naghabi nin "Apo Hesus, Anak ni David, maingalo ka kun nawen." ³¹ Noag hinabyanan hilan taw tawo nin paan malabak. Noag, mi angaw-angaw hilay nan bat nin makhaw boy naghabi nin "Apo Hesus, Anak ni David, maingalo ka kunawen." ³² Boy nagtegen hi Apo Hesus boy iningat na hila ya naghabi, "Hinoy labay mo yon gaw-en komoyo? ³³ Hinabi la kuna, "Apo Hesus Labay nawen makahelek ya mata nawen ay maluatan." ³⁴ Boy hi Apo Hesus, ay nakatanam nin pagkaingalo, tinalan nay mata la. Ha kapadahan ay nakahelek hila boy hinumunol kuna.