¹ Inahabayto et ya odas, dinumani ya taw tagahunol ni Apo Hesus biha namastang, "Hino ya pinakamaalaga ha kaadian nin langit?" ² Iningat ni Apo Hesus ya mihay ya Anak kuna biha ingwa na ha buna nin malake ya tawo, ³ boy hinabi na , "Peteg ya anhabyen ko komoyo, nu hikaw ay ahe maghehe biha mag-in kapadiho nin mihay anak ay ahe kaw makapahok ha langit. ⁴ Kabay nu hino man ya in-iaypa ya sadili na emen mihay anak ya mayamo, hay tawoy habayto ay pinakamaalaga ha kaadian nin langit. ⁵ boy hinuman ay pananggap ha kapadiho nin nangayamo ya anak ya hatsi bana ha ngalan ko am pananggap kong ko. ⁶ Noag ay hinuman ay magin ubatan nin kadawakan nin miha ha naw nangayamo ya anak ampaniwala kong ko, mas mahampat kona ay taklen ya leey na nin malhay ya batoy pang-geekan, biha itataya ha malale ya dagat. ⁷ Ha idap kapapaingalo ya babon luta bana malake ya matukso! Malake ya makadyag kadawakan bana ha tukso noag mas kapaingailo nu hino ya ubatan nin tukso! ⁸ Nu ay gamet o bitsi ya ampangubatan nin pamakatukso mo yo, putuhen ya habain biha itapon moyo ha madayo. Mas mahampat pada komoyo ya pumahok ha langit ya main nin ayin bitsi o gamet , kisa itapon ha ayin aganan ya apoy ya main nin luway gamet o luway bitsi. ⁹ Nu hay maw mata moyo ay ampangubatan nin pamakatuso, alihin moyo hatsi ta itapon ha madayo. Mas mahampat pada komoyo ya pumahok ha langit ya main mihay mata, kisa itapon ha ayin angganan ya apoy ya main luway mata. ¹⁰ Helken moyo paan moyon daehen ya hinoman ya mangayamo ya anak. Kabay anhambyen ko komoyo ya du ha langit ya main hilan anghel ya ampakaikit ha lupa ni Bapa Nakapanyag ha atsi ha langit ( ¹¹ Kabay nilumateng ya nin tawo ta emen iligtas ya nakatak .) ¹² Hinoy ang ka ihipen moyo? nu main mihay tawo ya main mihay gato ya tupa, boy main mihay nakatak, alwa na ban ibalag ya siyam yapu boy siyam ya tupa ha buwed ta antsikapen ay mihay angkakatak? ¹³ Boy nu matsikap nay hatsi peteg anhabyen ko komoyo ikahigla nan nakem ya hatsi mas et ha siyam yapu boy ahe nakatak. ¹⁴ Ha umbaydo et kaihipan, alwa et nin hatsi ya kalabayan nin bapa tamo ya atsi ha langit ya hay mihay nangayamo ya anak ya hatsi ay maipadawak. ¹⁵ Nu hay patel mo hay nakadyag nadawak bana kumo lakwen mo, ipakit moy pagkakamali na ya hikaw boy hiyam bat. Nu manlenge ya kumo maipaudong mo ya patel mo. ¹⁶ Noag yan manlenge ko mo, ilamu mo et kumo ya miha o luwa et ya patel mo, taen ha pamagitan nin bebey nin luwa o tatloy makalenge ha bawat habi ya maadi mapaptegan. ¹⁷ Boy na agayanin malabay manlenge kol-la, habyen hatsi himbawan. Nu hiya ay ahe manlenge ha himbawan, ituwad moyo yanin mihay Gentil boy maningil nin buwi. ¹⁸ Peteg anhabyen ko kumoyo ni hinoman, ya igapoh mo yo ha luta at igapoh ha langit. Boy no hino man baw bagay ya ukalen ha luta ay ukalen et ha langit. ¹⁹ Ya miha et anhahabyen ko kumoyo, no hatoy luwa kumoyo ay nilumabay ha babon luta bana ha nagkahino ya anlawtan la mangyadi habaytsi kunla, bana ha Bapa koy atsi ha langit. ²⁰ Nu main luwa o tatlo ya ampitsitsipon bana ha ngalan ko ay atsi ko ha bunak la." ²¹ Pamakayadi, nagdani hi Pedro boy hinabi na kuni Hesus, " Panginoon, Ongnoy uman kunin patawaden ya nagkahala ya patel ko bana kong ko boy hiyay patawaden ko? Anggan pitoy uman?" ²² Hinabi ni Apo Hesus kuna , "Ahe kon habyen ko kumoyo ya pitoy uman, ni anggan pitumpot uman boy pito. ²³ Hapamikakatuynungan, hay kaadian nin langit ay dapay nin mihay adi ya malabay manudo ha katuynuman ha kaw katulong. ²⁴ Kaya bay inumpisawan ya panghubok main mihay pan itutudo ya gintan kuna ya main utang nin mapu ya liboy talento. ²⁵ Noag bana ka ayin yan maibayad, intudo ya nin amo na ni ilako kaganawan main ya, kalamoy ahawa boy anak na ta emen ya nin makabayad. ²⁶ Kabay nanduko ya pan itutudo, nanduko ha arapanna, boy hinabi , 'Pamikiamohan ko, pagtiehan moko ta bayadan kon kaganawan.' ²⁷ Kabay naingalo ya pamikiamuhan na ha pan itutudo na, imbuhan na ya boy pinaulayan nay na ya utang na. ²⁸ Noag nag-awa ya pan itutudo boy nahelek nay miha ha kapadiho nan pan itutudo ya nangutang kuna nin mihang gatoy Denario. Nilako na ya, niligek boy hinabi na 'bayadan mo ko ha utang mo ." ²⁹ Noag nanduko ya kapadiho nan pan itutudo bot nakihabi ya kuna "Pagtiehan mo ko bayadan kata.'' ³⁰ Noag ahe na labay ya naunan panitutudo. Nu alawan, nilako ya biha indin na ya ha udungan, aggan ha maiudong na ya inutang na. ³¹ Hen nahelek nin kapadiho nin paw panitutudo ni hinoy nangyadi, subran hilan nahulo. Naglako hila ay aw amo la boy hinabi ya kaganawan nangyadi. ³² Pamakayadi habayto, impaengat nin amo ya una nin panitutudo, boy hinbi na kuna, 'Nadawak ya ihep mon pan itutudo, pinaulayan ko ya aw utang mo bana nakihabi ka kong ko ya labay ko. ³³ Dayi ay naingalo ka et ha kapadiho mon panitutudo, emen nin pangingalo ko kumo? ³⁴ Nanulok ya amo na boy indin ya ha mamarusa anggan mabayadan nay kaganawan nin utang na. ³⁵ Kabay imbaydo et ya gaw-en nin bapa ko ya atsi ha langit no hay miha komoyo ay ahe ampagpatawad ha patel na nin ahe ubat ha nakem na.