¹ Iningat ni Apo Hesus ya mapu buy loway tagahunu nin pinaglamo dinyag na hila nin kapangyadihan nin mamalih ni nangadawak ya espirito, biha manabal nin haw hakit. ² Habaytsi ya ngalan nin taw-tagahunul na: hi Simon (ya ambanhagan nin Pedro), biha hi Andres ya patel na; ³ Si Felipe, buy hi Tomas, biha Mateo, ya maghingil nin buwih, hi Santiago ya anak ni Alpeo bihan hi Tadeo; ⁴ hi Simon yamahampat na tawo, bihan hi Hudas Escariote na ya nami padakip kona. ⁵ Pinalako ni Hesus ya mapu buy lowa ya tagahunul na. Hinabyanan na hila nin paan kaw maglako ha lugal nin haw Gentil, agkaw nin pumahok ha baw-banwa nin samaritano. ⁶ No alwan maglako kaw peteg ha nipangkaayin ya alalak alwan maglako kaw a peteg ha nipangkaayin ya alalak ni Israel. ⁷ Ipalateng moyo kol-la ya madani ya nay kaadian nin Apo Nakapanyag. ⁸ pahampatan moyoý main hakit, biyayan ya natsi tambalan ya main kaw-ketong, biha paalihin ya daw-demonyo. ⁹ Paan kaw mangalaga ni ginto, kuwalta o tanso, ha pag-alih moyo. ¹⁰ Paan kaw mangalaga ni balutan o hinuman ya uweh, sadal o tseken, ta malaki ya kalma nin maw magsirbi, ¹¹ Maski aydi kaw maglako ya baydo, tapuilin moyo ya mananggap komoyo anggan magalih kaw. ¹² Ha pumahok moyo ha mihay pamamali, ingaten ya ampag-paidi baydo. ¹³ Habyen moyo kol-la katanaan nin ihip ya mataanam la no mahampat hila. no mihay pamamali ya hepat, kilakoy katanaan, kol-la pedo no ahi-hilan hepat, mag-udong komoyo ya katanaan. ¹⁴ Hatoy ahi mipananggap komoyo o nal-lenge nin hinabi moyo ya habayto, ha pag-alih moyo ha mihay pamamali o banwa ya habayto, pagpagin moyo ya abo ha bitsin moyo. ¹⁵ kapetegan ya anhabyen ko kumoyo, mas et kapaingalo ya banway emen baydo, kisa Sodoma buy Gomora. ¹⁶ Ipagtan ka taw ha ya nipanad nin tupa ha gitna nin aho nin lale mag-en maihip kaw emen mihay utan, alwan nipanad kalapati ya nahakit manuka. ¹⁷ Pakatampa kaw ha kanayon ya tawo, ilako la kaw ha mamuun ta, paidapan la kaw ha sinagoga. ¹⁸ Biha kalgawen la kaw ha gobernador, ha adapan nin aw adi, bana kongko, ta hikaw ya mamapteg kol-la. ¹⁹ No gitan la kaw, agkaw malimo, paan moyon ihipan no hinoy habyen, diyanan na kaw nin bebey ya maghabi. ²⁰ Ta alwan nin hikaw ya maghabi ha taw-tawo, ta Espirito ni Bapa Nakapanyag ya maghabi Kol-la. ²¹ Mipapatsi ya mipapatel, bihan mitata-anak, makihulukan ya anak ha tua, biha mipapatsi hila. ²² Pagkahuluk kaw kaganawan tawo bana kongko; na hino man makalateng anggan kahuyutan, hiyan bengat ya mailigtas. ²³ No an-kamten la kaw na mihay banwa, maglako kaw ha kanayon ya lugal. ²⁴ ya mihay tagahuno ay ahe mas matag-ay ha manudo o mas matag-ay ya magsirbi ha amo. ²⁵ Hepat bengat ya tagahuno, ay mag-in kapadiho ni manudo kona, no mingat nin Beelzebub yan main ikon nin mihay pamamali, imbaydo et ya helek ha buon pamamali ²⁶ Labay tutulen, paan kaw malimo kol-la, ta ayin an elimid ya ahi anka muwangan, ta ayin an itago ya ahi maakit. ²⁷ Ya naihabi kumoyo ha nadigliman ay ibuhwag ha mahawang, buy no hino ya nakapey ya pal-lenge ay ibahwag na babun bali. ²⁸ Agkaw malimo ha mamatsi nin lawini, pedu malimo kaw ha kaya nin mamatsi nin kaelwa. ya hepat kalimwan, ay Diyos ya Nakapanyag ya kaya mangubuh kaelwa. ²⁹ Ta alwan ya loway layni ay mailako ha uybun alaga barya? peru ayin maskin miha kol-la, ya agna nin ang kamuwangan nin Bapa Tamoy Nakapanyag. ³⁰ Buy, maskin habut nin ulo moyo ay tanda na ya bilang. ³¹ Paan kaw malimo, mas maalaga kaw layni. ³² Labay tutulin kaganawan nin ampamalay kongko ha adapan nin taw-tawo, ay balayin ko ya adapan nin bapa ko ha langit. ³³ Pedu no hinoy may kadeng-ey kongko ha adapan taw-tawo, ikaw deng-ey ko ya et adapan nin Bapa koy Nakapanyag ya asti ha langit. ³⁴ Paan moyen ni ihipin magtaoy ako ha luta ta mam-e nin katanaan, Agko naglako baydi ha lota ta magkamain katanaan alwan pawa kiya. ³⁵ Ta naglako ko baydi ha luta imin pinwayin ya mita bapa, mi away ya mita indo biha mitata ampo babayi. ³⁶ Ya mihay ay mag-in kahuluk nin mihay tawo ay kalamo ha pamamali: ³⁷ ya ampandunong ha bapa na buy indo nin mi igit kongko ay ahi maadi kongko. ³⁸ Ya ahi manapwat kuduh buy ahi humunu kongko ay ahi maadi kongko. ³⁹ Ya ampandipen nin biyay a lalo maayinan pedu nu naayinan nin biyay bana kongko ay magkamain. ⁴⁰ No hinoy mananggap kumoyo ay ampananggap kongko hiya ey ya nananggap kongko ay nananggat etaman ha namalako kongko. ⁴¹ Ya mananggap mihay propeta bana ha propeta ya ay makakwa nin hambong bilang propeta. Biha ha mihay nananggap ha mihay tawoy natuynong ya biyay at makakwa ni hambong ya hepat ha tawoy natuynung ya biyay. ⁴² Hinuman ya mamangidi ha manga-idap ya tawo, maskin mihay baso lanem ya mainem, bana mihay yay tagahuno, habyan ko kumoyo, ahe maadi nin maayinan yan hambong ya makwa.