¹ Pamakayadi impanganak ni Apo Hesus ha Betlehem ha lugal nin Judea, Nilumatengya mangadunong ubat ha baytan ya ampaghabi. ² Ayri impanganak ya Hari nin Judio? Nahilek nawen ya nawen ya bituin naglako kay baydi taen sambawin nawen ya. ³ Hin manlinge ni Aring Herodes nalimo ya boy kaganawan nin kalamo na Jerusalem . ⁴ Tsinipon ni Herodes ya pinakamatag ya pari buy eskriba ya taw-tawo pinastang na hila" atonin impanganak ni Kristo? ⁵ Hinabi la kuna ha Betlehem ha lugal nin Judea ta baydi inhulat nin propeta, ⁶ Hika Betlehem, luta nin Juda ya pinakamaidap ya pununo nin Juda, ta kumo nin ubat ya taw-tawo nin Israelita". ⁷ Ta inlimid na inpa ingat ni Herodes ya mangadunong ya kalalakiyan tain pastangin ni hinoy tama ya oras nin pan uman nin bituin. ⁸ Pinalako na hila ha Betlehem ta hinabi nila ya "mita kawna ta tsikapin mo hatoy anak. Nu natsikap moyo ya habyen moyo kongko taen sambawin koya. ⁹ Pamakayadi la nin manlinge ha hari nagpatuloy hila ha lakwen la, pinangunawan hila nin bituin ha baytan angga ha tumgin hila no ayri hatoy anak. ¹⁰ Hin mahilek laya bituin natuwa hila labis nin kasiyahin. ¹¹ Hila ay nita ha bali ta nahilek laya hatoy anak kalamo na ya indu na hi Maria. Nanduko buy sinumamba hila buy nam-ih hila nin hambong ya ginto, kamanyang buy mira. ¹² Hinabyan hila nia Apo Nakapanyag ha taynip nin aglay na mag-udong koni Herodes, kabay nanguman hila nin daan palako ha lugal la ¹³ Pangipatanda ni Apo Nakapanyag koy Jose ha paraan nin taynep patungkol ha anak, ta hay plano ni Ari Herodes ay patsin ya anak, kabay nag apurah hi Jose "nibangon ta naglako hilan mitataanak ha Egipto." ¹⁴ Ha yabin habayto kinwa nay anak buy indu na ta immalih hilan nakon ihipto. ¹⁵ Nanugel pon hila baydo anggan natsi hi Herodes. Dinyag nay hinabi ni Apo Nakapanyag nangyadi ya hinabin propeta ingaten koy anak ko ha Egipto. ¹⁶ Hin nakit ni Ari Herodes, pinahulok yan maw mangadunong ya law lalaki kabay nangituro yan patsin ya lalaki luway taon paaypa ha Betlehem boy ha kaganawan nin rehiyon. ¹⁷ Nalyadi ya hinabi ni propeta Jeremias, ¹⁸ " mihay tangih ya malinge ubat ha Ramah sobra-subran nameg-meg ya buke ni Raquel ha panangih na ha aw-anak na labay layan among-amungen pero agya napa amongmong. ¹⁹ Hin natsi hi Ari Herodes napakit ha taynep ya anghel ni Apo Nakapanyag koy Jose. ²⁰ Mibangon kata kuwen moy anak buy indu na ta maglako kaw lugal nin Israel, ta hay ampagbanta ha biyay nin anak ay natsi yana. ²¹ Nibangun hi Jose kinway anak buy indu na ta naglako hila ha lugal nin Israel. ²² Hin nabalitaan nay hi Arquelao ay ari ya napahili ha bapa nan nag ari ha Judea, nalimu ya binilinan yan Apo Nakapanyag ha paraan nin taynep, inmalih ya ta naglako ya ha rehiyon nin Galilea. ²³ Naglako hila baydon nanugel ha banwa Nazaret. Nangyadi no hinoy hinabi nin paw propeta ya hiya ay ingaten Nazareno.