Por que me desamparaches?
Por que estás lonxe da miña salvación,
e distante das miñas palabras de clamor?
2 Meu Deus, clamo de día, e non respondes,
e de noite, e non hai acougo para min.
3 Porén, ti es santo,que moras entre as louvanzas de Israel.
4 Confiaron en ti os nosos pais;
confiaron, e ti libráchelos.
5 Clamaron a ti e foron librados,
confiaron en ti e non foron avergoñados.
6 Pero eu son verme, e non home;desgraza para as persoas
e desprezado do pobo.
7 Todos os que me ven me menosprezan,
fan moca cos seus beizos,
moven a cabeza, dicindo:
8 Encomendouse a Iahveh, que El o libere,
que El o rescate,
pois nel se compracía.
9 Porque ti sacáchesme do ventre,déchesme confianza desde que estaba sobre os peitos da miña nai.
10 Desde o día do meu nacemento, a ti fun entregado,
desde o ventre da miña nai, ti es o meu Deus.
11 Non te alonxes de min, porque a angustia está perto,porque non hai quen me axude.
12 Arrodeáronme moitos touros,
Fortes touros de Basán cercáronme.
13 Abren a súa boca contra min,
como león voraz que roxe.
14 Son derramado como augas,e todos os meus ósos están dislocados,
o meu corazón derrétese como cera,
dentro do meu peito.
15 As miñas forzas secaron como peza de oleiro,
a miña lingua pégase ao ceo da boca.
Puxéchesme no po da morte!
16 Porque cans arrodeáronme;cercáronme un bando de homes malos,
perforaron as miñas mans e os meus pés;
17 Podo contar todos os meus ósos,
eles míranme e obsérvanme.
18 Repartiron entre si as miñas roupas,e sobre a miña túnica botan sortes.
19 Pero ti, ó Iahveh, non te alonxes,
miña forza, bule a socorrerme.
20 Libra a miña alma da espada,e a miña vida do poder do can.
21 Sálvame da boca do león,
e dos cornos dos touros bravos;
respondíchesme!
22 Anunciarei o teu Nome aos meus irmáns,louvareite no medio da congregación.
23 Os que temedes a Iahveh, louvádeo,
glorificádeo toda a descendencia de Xacob,
e temédelle, toda a descendencia de Israel.
24 Porque non desprezou nen rexeitou a dor do aflixido,nen ocultou o seu rostro del,
senón que cando clamou a El, escoitouno.
25 De ti ven a miña louvanza na congregación grande,
cumprirei as miñas promesas diante dos que o temen.
26 Os aflixidos comerán e fartaranse;os que buscan a Iahveh, louvaranno.
Viva o voso corazón para sempre!
27 Lembraranse e voltarán a Iahveh
desde todos os límites da terra,
e todas as familias das nacións
postraranse diante túa.
28 Pois o reino é de Iahveh,e El goberna ás nacións.
29 Todos os grandes da terra comerán e adorarán;
todos os que descenden ao pó, postraranse ante El,
aínda os que non poden conservar viva a súa alma.
30 Unha semente escollida servirao.Isto dirase do Señor até a postreira xerazón.
31 Virán e anunciarán a súa xustiza,
a un pobo aínda non nacido,
anunciarán que El fixo isto.