e canto se goza na túa salvación!,
2 Décheslle o desexo do seu corazón,
e non lle negaches a petición dos teus beizos. (Selah)
3 Con bendizóns saíches ao seu encontro,e puxeches na súa cabeza coroa de ouro puro.
4 Pediuche vida e décheslla,
días longos, por sempre eternos.
5 A súa groria é grande pola túa salvación,sobre el puxeches honra e maxestade.
6 Bendecíchelo para sempre;
enchíchelo de ledicia coa túa presenza.
7 Porque o rei confía en Iahveh,e pola misericordia do Altísimo,
non será abalado.
8 A túa man alcanzará a todos os teus inimigos;
e a túa destra alcanzará os que te odian.
9 No tempo da túa ira convertiralos en forno ardente,Iahveh tragaraos na súa ira,
e o lume consumiraos.
10 Destruirás o seu froito da terra,
e a súa semente de entre os fillos dos homes.
11 Porque amañaron o mal contra min,tramaron unha conspiración,
pero non perdurarán.
12 Pois ti farás que fuxan, cos teus arcos
apuntarás contra os seus rostros.
13 Engrandécete ó Iahveh, co teu poder, Canteremos e louvaremos o teu poderío.