¹ Díxenvos estas cousas para que non teñades tropezo. ² Expulsaranvos da sinagoga; pero ven a hora cando calquera que vos mate pensará que así cumpre un servizo a Deus. ³ E farán estas cousas porque non coñeceron nen o meu Pai nen a min. ⁴ Pero díxenvos estas cousas para que cando chegue a hora vos lembredes de que xa vos falara delas. E non vos dixen estas cousas ao principio, porque eu estaba con vós. ⁵ Pero agora vou ao que me enviou, e ningún de vós me pregunta: Para onde vas? ⁶ Mais porque vos dixen estas cousas, a tristura encheu voso corazón. ⁷ Pero eu dígovos a verdade: convenvos que eu marche; porque se non me vou, o Consolador non virá a vós; pero se eu marcho, enviaréivolo ⁸ E cando El veña, convencerá ao mundo do pecado, da xustiza e do xuizo; ⁹ do pecado, porque non cren en min; ¹⁰ da xustiza, porque eu vou ao Pai e non me veredes máis; ¹¹ e do xuizo, porque o príncipe deste mundo foi xulgado. ¹² Teño moitas cousas máis que decirvos, pero agora non as podedes soportar. ¹³ Pero cando El, o Espírito de verdade, veña, guiaravos a toda a verdade, porque non falará pola súa propia conta senón que dirá só o que ouve; e revelaravos o que virá. ¹⁴ El glorificarame, porque tomará do meu e volo revelará. ¹⁵ Todo o que ten o Pai é meu; por iso dixen que El toma do meu e volo fará saber. ¹⁶ Un pouco máis, e xa non me veredes; e de novo un pouco, e verédesme. ¹⁷ Entón algúns dos seus discípulos decíansen uns a outros: Que é isto que nos di: " Un pouco máis, e xa non me veredes; e de novo un pouco, e verédesme" e " Porque eu vou ao Pai" ? ¹⁸ Por iso dicían: Que é isto que di: " Un pouco"? Non sabemos de que fala. ¹⁹ Xeús sabía que querían preguntarlle e díxolles: Estades discutindo entre vós sobre isto, porque dixen: Un pouco máis, e non me veredes, e de novo un pouco, e verédesme?. ²⁰ En verdade, en verdade vos digo que choraredes e lamentarédesvos, pero o mundo alegrarase; estaredes tristes, pero a vosa tristeza converterase en ledicia. ²¹ Cando unha muller está no parto, ten abatemento, porque chegou súa hora; pero cando nace a crianza, xa non se lembra da anguria, pola ledicia de que unha crianza teña nacido no mundo. ²² Por tanto vós agora tamén tendes aflición; pero eu vereivos outra vez, e o voso corazón alegrarase, e ninguén vos tirará o gozo. ²³ Naquel día non me preguntaredes nada: En verdade, en verdade vos digo: se pedides algo ao Pai, darávolo no meu nome. ²⁴ Até agora nada pedistes no meu nome; pedide e receberedes, para que o voso gozo sexa pleno. ²⁵ Estas cousas faleivos en linguaxe figurado; ven o tempo cando nos vos falarei en linguaxe figurado senón que vos falarei do Pai claramente. ²⁶ Nese día pediredes no meu nome, e non vos digo que eu rogarei ao Pai por vós, ²⁷ pois o Pai mismo ámavos, porque vós amástesme e crestes que eu saín do Pai. ²⁸ Saín do Pai e viñen ao mundo; outra vez deixo o mundo e vou ao Pai. ²⁹ Os seus discípulos dixéronlle: Velaí que agora falas claramente e non empregas linguaxe figurado. ³⁰ Agora entendemos que ti sabes todas as cousas, e non precisas que ninguén che pregunte; por iso cremos que ti viñeches de Deus. ³¹ Xesús respondeulles: Agora credes?. ³² Ollade, a hora ven, e xa chegou, en que seredes dispersos, cada un polo seu lado, e deixarédesme só; e porén non estou só, porque o Pai está comigo. ³³ Estas cousas faleivos para que teñades paz en min. No mundo teredes tribulación; pero confiade, eu vencín ao mundo.