¹ Eu son a vide verdadeira e o meu Pai é o labrego. ² Todo sarmento que non da froito en min, quítao; e todo o que da froito, pódao para que de máis froito. ³ Vós xa estades limpos pola palabra que vos din. ⁴ Permanecede en min, e eu en vós.Como o sarmento non pode dar froito por se mesmo se non permanece na vide, así vós tamén se non permanecedes en min. ⁵ Eu son a vide, vós os sarmentos; o que permanece en min e eu nel, ese da moito froito, porque separados de min nada podedes facer. ⁶ Se algún non permanece en min, bótase fora, como un sarmento e sécase; e recóllenos, bótanos no lume e quéimanse. ⁷ Se permanecedes en min e as miñas palabras permanecen en vós, pedide o que queirades e farásevos. ⁸ Nisto é glorificado o meu Pai, en que dedes moito froito, e así probedes que sodes os meus discípulos. ⁹ Como o Pai me amou, así tamén eu vos amei; permanecede no meu amor. ¹⁰ Se gardades os mandamentos, permanecedes no meu amor, así como eu gardeu os mandamentos do meu Pai e permanezo no seu amor. ¹¹ Estas cousas faleivos, para que o meu gozo esté en vós, e o voso gozo sexa perfecto. ¹² Este é o meu mandamento: que vos amedes uns aos outros, así como eu vos amei. ¹³ Niguén ten un amor amior que este: que un de a súa vida polos seus amigos. ¹⁴ Vós sodes os meus amigos se facedes o que eu vos mando. ¹⁵ Xa non vos chamo servos, porque o servo non sabe o que fai o seu señor; pero chameivos amigos, porque dinvos a coñecer todo o que ouvín do meu Pai. ¹⁶ Vós non me escollestes a min, senón que eu escollinvos, e chameivos para que vaiades e dedes froito, e para que o voso froito permaneza; para que todo o que pidades ao Pai no meu nome volo conceda. ¹⁷ Iso vos mando:: que vos amedes uns aos outros. ¹⁸ Se o mundo vos odia, sabedes que odioume antes ca vós. ¹⁹ Se forades do mundo, o mundo amaría o seu; pero como non sodes do mundo, senón que eu vos escollín de entre o mundo, por iso o mundo ódiavos ²⁰ Lembrade a palabra que vos dixen: "Un servo non é maior ca seu señor". Se me perseguiron a min, tamén vos perseguirán a vós; se gardaron miña palabra, tamén gardarán a vosa. ²¹ Pero todo isto faranvos por causa do meu nome, porque non coñecen quen me enviou. ²² Se eu non houbera vido e non lles houbera falado, non terían pecado, pero agora non teñen escusa polo seu pecado. ²³ O que me odia a min, odia tamén ao meu Pai. ²⁴ Se eu non houbera feito entre eles as obras que ningún outro viu, non terían pecado; pero agora víronas, e odiáronme a min e tamén ao meu Pai. ²⁵ Pero fixeron isto para que se cumpra a palabra que está escrita na súa lei: "Odiáronme sen causa". ²⁶ Cando veña o Consolador, quen eu enviarei do Pai, é dicir, o Espírito de verdade que sai do Pai, El dará testemuña de min, ²⁷ e vós tamén daredes testemuña, porque estivestes comigo dende o principio.