¹ Afalisi nañolií hanatunda ku Jelusalema akuwana kumubaka mukaci. ² Amona alutiwa aye acili in alile esinkwa nama kaa aa, nokwakuywa, kutalusa nji kaku ywile. ³ (Afalisi nama Juda ose kalyanga weli konji akuywa kumakaa, kakuli akwata esizo noakulu. ⁴ Afalisi aba natunda ku musika, kalyanga weli konji akuywa, kame neli akwatanga inu ingi eina mamelanga, nokufeka sina kuyoisa makomoki, mipika, namapoto. namapoto nolima, neli monyiko na lyelanga.) ⁵ Afalisi na ñoli aibula Jesu, "ike alutiwa we abakanine kwendelela na sizo no akulu, kono alya engímia coo na makaa no kwa kuywa?" ^{6 7} Kono wambela nji "Isaya o napolofita wino ainu in Kuku kangabeka. Benji aba kunañoliwa, 'Aa angi ani kuteka na milomo coo, kono emucina woo waikala kule nge.' Kakusa emilumbeķo anibile, aluta emilao nwaanu benji tuto coo.' ⁸ Mu nabulama emilao ca mulimu nakukwata yonene esizo nwanu.” ⁹ Naye wambela nji, “Kubi okuwa nakukana emilao ca Mulimu naku teula esizo senu! ¹⁰ Sina Mushe aba namba, 'Okuteke sicwe na inawe,' kame, 'Oyu toya sicaye, kapa wianawaye mbaafa semwa.' ¹¹ Kono wamba, 'nji munu amba na sícaye kapa inawae, etuso cose muswamela kutambula o kwange Korbani,'" (oko kwamba nji, kubiwa kwa Mulimu'), ¹³ cwale kamuna miwitanisa kutenda sinu sosinu sasi caye kapa sa inawaye. ¹² Mwatenda elii lya Mulimu musizo senu namubaka basi. Namimona alelo noinu atenda." ¹⁴ Oisana esicaba kame nakuambela nji, "Muni tetece mose, naku yubisisa. ¹⁵ Kakusa esisikile banji nomunu esisitwesa kumu sinya aba singena omwaye. Esisitunda kumunu sonyiko sinu sinya." ¹⁶ Yose okwete matwi no kuyuba, ayube. ¹⁷ Cwale Jesu osiya esicaba nakuingena mu njoo, alutiwa ae amuibula einonguli. ¹⁸ Jesu wamba nji, "Nainu kamusiyubisisa kale? Kamumonine nji sose sisingena mu munu sibanine banji kasitwese kumu sinya, ¹⁹ Kakuli kasitwese kuca mumu cima waye, kono saca mulibumo nakubitelela musimbuzi?" Mwa makande Jesu wamba nji eilya yose ikenu. ²⁰ Wamba, "Ngeya elitundile kumunu yonyiko imusinya. ²¹ Kutunda kumunu, kutunda kumucima yonyiko itendile owui, lifa, umbui, ukebenga, ²² na lifa, na kulakaza, matalu, mabose, na ule, kooba, na kukumusa, nau a tanya. ²³ Ouyi ose wabana muno, usinya omunu." ²⁴ Otundoko na kuca kulitunga lya Tira na Sidoni. Oko na kaca mu njo, sasanji obi kapa obi nji alimuke oku aikile, abo katwesa kuku oleka. ²⁵ Kono wangu wangu, omukaci nokwata mwanae nomukacana noingeniwa o moya nokwakena omuyuba okeya nakungwela kumakondo aye. ²⁶ Cwale omukaci neli Mugerike wa mushobo wa Siro-fenisya. Omukaci omukumbelanji acice a madimona inji atunde kwa mwanae no mukaci. ²⁷ Omu ambela nji, "Olesele weli aikute. Ka kuswanelile kutaba anukana esinkwa na kusiyumbela ambwa. ²⁸ Kono walaba nakumuambela nji, "Eee, Mulena siwa ambwa mubasi notafule alyanga Oungulula umwakanga kwanukana." ²⁹ Omwambela nji, "Kambesi eyunamba, ona lukulu cuca. Omoya nokwiba unatundu kwa mwanwe no miikaci." ³⁰ Omukaci okucika kuno cae oka wana omwanukana onalala baulili nama dimona anaci. ³¹ Cwale yonga otunda munaa ca Tyre, oca ku kaingena mu Sidoni ku liwate lya Galilea kukakuma munaa ca Dikapolisi. ³² Amuletela samba Sakuutusesa kwamba, amukumbela nji amukwate nalikaa. ³³ Omusimba kumu twala kumukunda kumu tundisa bakaci nosicaba, abaka eminwe caye mumatwi aye, cwa osibula naku mukwata balu limi. ³⁴ Cwale yonga olela kuwilu, otula mebo, naku muamela, Effata, "Kuamba nji, "Kuyanjulula." ³⁵ Kanyonyo fela amatwi akwauluka, alu limi lutatuluka, nakutateka kwamba wino. ³⁶ Jesu wa laela nji kana ambela anu ei inatendala. Omu nalaelela, monyiko nai kucindilikecela. ³⁷ Neli aKomokisiwa enene, nakwamba,"Ona tende yose einu wino. Ona yubisa eicika matwi na kuambisa aa nokwaamba."