¹ Yuda, umuwomvi wakwe Yesu Kilisitu umunyina wakwe Yakobe, kuli yano yakwamwa, yakundwe muli Leza Tata, nukumusengwila Yesu Kilisitu. ² Uluse numutende nulukundo vivule ukwinu. ³ Yakundwe, lino nkhupanga chili chonsi pakulondesesya ukuti mbawalichile ukuya nuwupususi witu swensi, nazana mbalike ukwinu pakuwakomya ukulwa umwakuyipa pakuti isuwilo lyapelwa kuli lyonga pali vyonsi kuwansi ku wanthu yakwe Leza ayatiswe. ⁴ Pakuti ayanthu yamwi yatelemuchile munkhama pakasi pinu. Yaa ayanthu yano yasolwa ukuti ayaluyembu. Ayanthu yano yasipepa yachinzile inkhumbu zyakwe Leza witu muwupopo, nayano yakukana umukalamba witu wenga kwene na Mwene, Yesu Kilisitu. ⁵ Nomba nkhulonda ukuwakumbusya-napano wuli mwamanya vyonsi-ukuti Mwene wapuswisye ayanthu ukufuma munsi ya Igiputo, kweni ukuti pankholelo wawononyile wonsi yano yatamusuwile. ⁶ Nupya, ayangeli yano yatasunzile ivifulo vyawo ivyansambu, kwene yano yasile amasyo ayasuma ayakwikala-Leza wawasunga muminyololoiyamunthasila, mumfinzi iyikulu,pakupingula pawanda uwukalamba. ⁷ Kupya Sodomu na Gomola ni misumba yino yawazinguluka yapilwe yonga kuwawuchende ukusemuchila pakuchita ivya wuchende. Yakawomba ngati ichilanjizyo yano yakachula pachilambu cha moto wamunthasila. ⁸ Kweni munzila iyili yimwi, yakalota yaa yonona imyili yawo. yakayama amaka, nukutuka ayalungamane ⁹ Kweni na Mikayeli kwene umungeli umukalamba, lino akukanzinkhana na chiwa nukupwata nawe ukuyana nu mwili wakwe Mose, atasayile ukuleta ukutukana pakupingula pakulwana nawe. Mumalo mwakwe watili, ''Mwene akuwune!'' ¹⁰ Kwene ayanthu yaa yakutuka chonsi chino yatakuchuvwa; na vino yakuvwila ku mwili, inyama izyawula ukwelenganya, vii ali vinthu vino vikawonona. ¹¹ Umukosi kuli woliwo! Pakuti yapitanga munzila yakwe Kayini nukuti yaponela muwuchononyi wuno Balamu wachitanga ukuti yazane ivivule. Yononechile muwupiliwuchilo wakwe Kola. ¹² Ayanthu yaa amawe ayayipe palukundo lwinu pakulya, ukulya namwe ukwawula insonyi-yakachema yano yakayilisya sile wonga. ¹³ Amawingo yano yasi ni mvula yapepelukanga ukya ukutali; imiti ya chisanya, yisiya nivikomwa-kayi vikafwa, ukunyunkhula. Amawimbi ayakonona pali yemba, ukufulusya insonyi zyawo; inthanda izyakupitapita, pakuti avino wavisunjila imfinzi iyikulu sana yino wawasengwila umuyaya. ¹⁴ Enoki, wakwe chisano nayayili ukufuma kuli Adamu, wasesime uvwakwe woliwo, watili, ''Lolini! Mwene akwiza namazimbi ayawatiswe yakwe. ¹⁵ Akwiza pakululusya uwupinguzi pali wensi. Akwiza pakususya wonsi yano yasipepa nimilimo yawo yino yawomba munzila zya mukunthapepe, na vyonsi mumazwi ayakali yakwe yano yasipepa yachononyi yano yavwanzile uwuyipe wakwe.'' ¹⁶ Ayanthu yaa akononeka, ayakuyilizyanya, ukukonkha ivyakulonda vyawo iviyipe. Ayakuyitutumula sana, umwakuti yazana ivyakulonda vyawo, yakawazebeleka ayawuze. ¹⁷ Kweni mwemo, mweyakundwe, mwizuke amazwi yano yavwanzilwe muchisila na yalondezi yakwe Mwene witu Yesu Kilisitu. ¹⁸ Yatili kuli mwemwe, ''Munsita iyawumalilo kulaya ayakuseka awuze yano yalikonkha ivyakulonda vyawo iviyipe.'' ¹⁹ Ayakwene ya yano yakuleta ukupawululana; ayavyamunsi nukuti yataya numupasi. ²⁰ Kweni mwemo, mweyakundwe, muyizenge mwenga mwisuwilo linu ilitiswe sana, nukupepa mwisuwilo ilitiswe. ²¹ Yisungini mwenga mulukundo lwa mwenecho Leza, nukulindilila uluse lwakwe Mwene witu Yesu Kilisitu luno lukuwaletela mwemwe uwumi wamuyayaya. ²² Muye mweyaluse sana kuli yano yatakusuwila. ²³ Wapususyini pakuwafumya kunzi kumoto. Kuyawuze muye nuluse lwanthete.Mupate nichakuzwala kwene chino chononeka nu mwili. ²⁴ Nomba kuli wino angakwanisya ukusunga mwemwe ukufuma kuvya kuchinga nivyakupanjisya mwemwe ukwimilila pankholelo pawuchindame uwawula ukukanizyika nukuya ninsasa izikulu, ²⁵ kuli Leza wenga katula witu ukupitila muli Yesu Kilisitu Mwene witu muye uwuchindame, uwukalamba, amaka, insambu, kunsita yonsi, nomba, numuyayaya. Amene.