¹ Mweyana, wuvwilanji ayakwasi yinu muli Mwene, pakuti chii ichisuma. ² ''Chindika soo na nyoko'' (lino isunde ilyakutalika ilya lulayano), ³ ''umwakuti viye ningo nawe nukuti uyikale nuwumi utali munsi.'' ⁴ Yatata mutakalipila ayana yinu ukuti yasioke. Mumalo mwakwe, muwalele munkhalo na mumasunde yakwe mwene. ⁵ Mweyazya, muye mweyasuwaliwa kuyakalamba yinu ukulingana nukumwili nukuwachindika nukutetema, muwumolimo wamumwenzo wako. muyemweyasuwaliwa ngati kuli woliwo ndi vino mungaya mweya suwaliwa kuli Kilisitu. ⁶ Mutaya mweyasuwaliwa sile pano ayakalamba yinu yakulola, umwakuti muwasechelesye woliwo. Mumalo mwakwe, muye mweyasuwaliwa ngati mwe yazya yakwe Kilisitu, wino akachita ukulonda kwakwe Leza ukufuma mumwenzo wako. ⁷ Womba numwenzo wako wonsi, ngati ukuwombela Mwene ayanthu pole, ⁸ pamulandu wakuti twamanya kuno chili chonsi ichisuma chino umunthu wensi angawomba, alaya akapochele ichawila ukufuma kuli Mwene, napano umuzya nanthi umusapulwe. ⁹ Mweyakalamba, muwasunde ayazya yinu munzila yili yimwi. Mutawatinya. Mwamanya kuno wino umukalamba kuli swensi ali mwiyulu, nukuti pasi nuwakumukolanya nawe. ¹⁰ Pawumalilo, muye namaka muli Mwene namaka yakwe ayakulu. ¹¹ Zwalini vyonsi ivyakuyichinjilizya vyakwe Leza umwakuti munga kwanisya ukwimilila nu kwiminkhana nukukana ivyakupanzya vyakwe chiwa. ¹² Pakuti ukulwa kwitu asukwakulwa kumwili na kuwazi, kwene ukulwa nayakatungulula, ukulwa ni nsambu, ukulwa na maka papela pa mfinzi ya nomba, ukulwa na maka ya mipasi iyiyipe mumasho ya mwiyulu. ¹³ Apano nomba zwalini ivizwalo vyonsi ivyakuyichinjilizya Leza, ukuti mungimilila muwanda uwuyipe, ndi mwachita vyonsi mulimilila namaka. ¹⁴ Yimililini namaka nomba, numupango wawuchumi ukuzinguluka umutenzi winu, nukuya ichakuchinga pa chisawo ichawulungamane, ¹⁵ na matamba yinu yazwalikwe pakupekanyizya chino chikwiza pakufuma kwilandwe ilisuma ilyamutetende. ¹⁶ Munsita zyonsi nyamulini ichakuyichinjilila ichisuwil, chino chingiza chiye ichakufumizya amasumo wonsi ayamoto pali chononyi. ¹⁷ Sendini ichimphompho chawupusuchilo ni chipeni cha mizimu chino ali lizwi lyakwe Leza. ¹⁸ Nipepo lililonsi nukulenga, pepini insita zyonsi mu mupasi. Kuwumalilo wuu, muye mwe yakulolechesya lyonsi nukujimba muli vyonsi pano mukuyipela pakupepela ayanthu wonsi ayalungamane yakwe Leza. ¹⁹ Mwamphepela nani kwene, umwakuti izwi lingapelwa ukwane pano nkhuyula umulomo wane. Pepini umwakuti mphange ichimanyikwe ni chikanga chakuvwana nuwumolimo uwufisame wi landwe ilisuma. ²⁰ Apilandwe ilisuma lino ne mwimilili wino akusungwa muminyololo, ukuti ningapingula umwa chikanga, ndivino ningalonda ukuti vwange. ²¹ Tayichilasi, umukundwe wunji numuwomvi uwisuwilo muli Mwene, amawanena chili chonsi, umwakuti mumanye muno nkhuwombela. ²² Namutuma ukwinu pa ntchito yikweneyi, umwakuti mumanye muno tuyelile, numwakuti angakomya imyenzo yinu. ²³ Umutende luye kuwanji, nulukundo nisuwilo ukufuma kuli Leza Tata na Mwene Yesu Kilisitu. ²⁴ Uwila wuye kuli wonsi yano yakunda Mwene witu Yesu Kilisitu nulukundo ulwambula ukusila.