Pasal 6
(Bekin Asuser)
1
Minesya mokon mokoswaber nonggaku yos byeberin ronoe, min befir bebye rya mokoya mokofarkori kuker rur bebye rya. Bo moko man ryeri, bur maka kesos rarpur ro bye nawari.
2
Mokokin asuser moken fararurmuna be marbak saro kofirbe meke farari Printah Kristus ya.
3
Be nonggaku yos ibobo fyirtar robworiya. Ape bye ronobae nyanggar.
4
Re nari nonggaku yosyer-yosyer kyara farari romna byena fa saro namenis, wari tukarana kuker nonggakuno besei ro senaya.
5
Snar nonggaku yosyer-yosyer manggundi nari kyarem romna besasaweri.
(Bwe Farari Romna Be Bye)
6
Sei beswaber farkakor refo ryae, nari fyafana roberya naya fa nonggakuno besei, kuker nonggaku befarkoriya.
7
Saro nyanggarro asi wafaniak kuker Masyeren yaba, Snar nari winek romna kwer naya.
8
Nonggaku sei au bekekef wos rya kuker aromomen bwerya nari waswaber bon bebyeba bero karaf rya. Ape sei au bekekef wos rya kuker kakue nari waswaber baye be manau ba rya.
9
Kobe bebye nyafa nimanau ro, saro ras berama rya kopokfa ko kunem bon bebye rya.
10
Re rasos ribye, mo korama saro kofafana babye rya fa nonggaku be bwor.
(Vavas Bemanau Paulus)
11
Mokosayor reter ifas manggun dya, barana ma mokon nane nabwa.
12
Nonggaku be be fafana bebye rya, nari simoku yau fa saro bwe farari romna berosi, Snar simakak ai aprop Masyeren ya.
13
Nonggaku bebe Sunat Sya wero sibaran farari perintah ryaba, ape sibobo saro siwaber sadadik nonggaku bebe sunat koya.
14
Re asi iberono werba Snar Masyeren ya syaf aprop bakya kuker nonggoku berosop rine besiper.
15
Bebe Surat ke. Robake asadori sekor konbe nonggaku babyo.
16
Re, nari nonggaku musi bebaran farari roberya naya, nari babye bero Masyeren ya riri fasi ro sono Allah Israel ya.
17
Re rariare bur nonggaku no se warek ya ro, snar ibar bebye bero Masyeren Yesus rya ro karaf enene.
18
Saswar bero romau Masyeren keta rya re konso minesya mokon.