(Rem do Paulus) ¹ Ndo Paulus fakuak Mansren Yesus Kristus ro macyar Allah faro kawasa tbemnis ndo Efesus,irya kawasa bekiar faro Yesus Kristus. ² babie ma dorme nana maro mkon ndo Allah kma komdim ma Mansren Yesus Kristus. ³ Syom faro Allah ma kma ro Mansren akon dia Kristus Yesus,bebe nabye marokon do Kristus kuker nana bebye ro nanggie. ⁴ Snar imu fiafie kon Kristus ndo randak ndo suo de sane ko kan nabie ma komnis nde berpon airi,kuker saswar. ⁵ Imu dau kun ndo randek ma dou kon be romkun ndoi ndo Kristus Yesusu farari marisen ma mayar ndoi. ⁶ Imu biena farari syom babie ro i,narubu roima pa marokon ndo romkum sasuar airia, ⁷ Ndo I,kosuaber babye ro rik airiya rirya aser faro babyebe komia farari babae ra I. ⁸ Nari Allah rir maro kon farari suaruser ma kakara. ⁹ Imu sia sar marokun ro yakof ndari marisen ndoi ndo mayar bebye I sua ruser ndo Kristus. ¹⁰ Inari imbran ndo for rarama fawar fare faundur ro kiam ndo Kristus,bere nanggi ma ro dunia. ¹¹ Nndo Kristus,konsu konsua ro waris pusaka fasas kuar ndo randak ndari suaruser ndo i bebe ro bebuar ndo fawar marisen ndwi. ¹² Insane ken do randak bena kakiar ndo Kristus kofestin syom faro I. ¹³ Ndoi konsa faswar kom naf refo besren rirya,wos babie,ma kokiar faro i bero rur bebye faro rya ¹⁴ Rur bebye ria rimu ro kakuari isof fawar maro kon ma risyun rari ro kakuari ro Allah manggundi ma spemdik syom ndo I. ¹⁵ Ndo rine for yam naf kakiar aurie faro Mansren yesus ma saswar faro snonggu besren. ¹⁶ Yase yamnau ba asa syom faro au for yase yaswar epen au mdo nadi ro ya. ¹⁷ Abe nadi sane Allah ro Mansren akondia,Kristus Yesus kma ro samsyum bye faro au rur suaruser ma fafasna ro fafir faro I. ¹⁸ Abe nadi insane maman snewar auria riyar isof wasuaber suaruser suarepen berandum ndo auror ndoi,nana berandum ambe roka ruwa ro au faro kawasaa bemnis. ¹⁹ Ma papok be bua bekri faro kon ama bekiar,ndariari fiasna ro babua bebua papok ndo I. ²⁰ Babun bebua papok nokoi,infasna ro I ro abiber Kristus ndo farpsi snonggu gemar ma kanggon Airia ro rbar brakaku ro I ro sup nanggi. ²¹ Bebur ma bekrir dofan dona kiam,rosnon mundi risya,ro rasde riyerbe mbape rar berama ruaso. ²² Imu eri robebuat mundipa ro bab wena ma bye bakn durya bye mbu faro romundi pa faro jumaat. ²³ Baka airya,ma nana mirya nasya faro kyam ma rokyam.