¹ Kwa wensi umuputi usongo, yo akasaliwa kubanthu, asaliwe ukubomba mu malo gha banthu mukasi muvinthu ivya kwavwana nu Chala, ukuti angamupa vyonsi ivya bupi sona nivya kwiyipa ku mbibi. ² Angabomba akiza nabo batakumanya nachimo sona na kubo bakapusikiwa, chifukwa umwene bwandilo ku ba dedebazu. ³ Pachifukwa ichi, wepe akulondiwa abike ivyabupi ukuyana ni mbibi zyache, ngati mo akabombela ku mbibi zyabanthu. ^{4 5} Te mwene yo yumo angasenya umuchinzi ughu. Mu malo mwache, itiziwe nu Chala, ngati mo u Aloni akabela. Munzila iya kuyana, u Kilisitu atakikwezya mwene nukwipanga ukuba muputi usongo, Mumalo, mwache uwakunena nawe akatu, '' we mwana wane; Ilelo naba ne Tata wako.'' ⁶ Vili ngati mo akunenela mubuyo ubunji , ''We muputi wa bwile mu bwikazi bwa melekizedeki.'' ^{7 8} Mumasiku gha kabilo ka mubili wache , U Kilisitu akabika vyonsi inyiputo sona ukulenga umwakola nukulila amasozi kwa Chala, Napo buli akaba mwana wa Chala, umwene akamanyila ukwivwila ukwendela mukuyimba kwache. ⁹ Akapangiwa ukuba wakufikapo sona nukuba, wa wensi yo akumwivwila yuyo, chifukwa cha bumi bwa bwile. ¹⁰ Akasaliwa nu Chala ukuba muputi usongo mu bwikazi bwa melekizedeki. ¹¹ Tuli ni vinji ivyakunena ivya Yesu, loli chighomu pa kulingania pakuti mwe bapotwe pakwivwa. ¹² Nukuti napo akabalilo kano inthi mube mwe bamanyisi, muchili mukulondiwa ukuti yumo abamanyiswe ivimanyisyo ivya kwandila mazyu agha Chala. mukulonda ulukama, ichakulya ichighomu awe! ¹³ Pakuti wensi yo Pakuti wensi yo akulya ulukama lwene atakuba wa kumanya inthumi ya bu gholosu , chifukwa achili mwana munandi, ¹⁴ Loli ichakulya ichighomu cha bobakulite. Bobala bo chifukwa cha bukuzi bwabo bali nukwivwisya kwa bumanyili bwaku pambania ubwiza nu bubibi.