¹ Polelo, baswepu ba wamwitu,mwe mwitiziwe ni vya kumwanya. Mwinong'one ivya Yesu, umutumiwa sona umuputi usongo yo tuka mwitika mu lwiputo. ² Akaba wa kusubaliliwa nu Chala, weyo akamusala, ngati we Mozesi yo akaba wakusubaliliwa mu nyumba zyonsi izya Chala. ³ Pakuti U Yesu akapimika ukuba wakubaghiliwa mu bu mwene ukulusya u Mozesi, chifukwa yo akuzenga inyumba akuba wa kuchindikiwa ukulusya inyumba iyene. ⁴ Pakuti inyumba yonsi yikuzengiwa nu munthu yumo, loli yo akuzenga vyonsi we Chala. ⁵ Pakuti U Mozesi akaba mubombi umusubaliwa mu nyumba ya Chala, ukuba kaboni pa vinthu vyo inthi vize vineniwe kunthanzi. ⁶ Pakuti U Kilisitu mwana wa kusubaliliwa yo we songo mu nyumba ya Chala. Swe nyumba yache nanthi tukolelela ukuba ba chikanga nu kubusila vyo tukuvilindilila. ⁷ Polelo, vili ngati mo umuzimu ughuswepu ghukunenela: ''Ilelo, nanthi mukwivwa amazyu ghache ⁸ mutakaghomye imyoyo yinu ngati bakumung'anamukila, pakabalilo ka kuyeziwa mu nkholongo, ⁹ Kakaba kabalilo ko abasekulu binu bakambika mukuyeziwa, sona popo pa myaka fote bakalinga imbombo zyane. ¹⁰ Polelo nkhakalala ni mphapo yila. Nkhanena, Akabalilo konsi bakusobela mu myoyo yabo. Batamenye inzila zyane. ¹¹ Mubukali bwane nkhalapa ukuti: Te bakinjile mu butuzyo bwane,''' ¹² Muchebechebe, ba wamwitu, ukuti mukasi mu mwinu mutakabe yumo uwa moyo ughubibi uwambula kusubalila, umoyo ghoghukufuma kwa Chala uwa bumi. ¹³ Mumalo mwache, isiku lyonsi mube bakukazania po muchili ukwitiziwa, ''ilelo,'' ukuti patakabe nayumo mu mwinu uwakughoma nu bumyansi bwa mbibi. ¹⁴ Pakuti tukomana mwa Kilisitu nanthi tukukolesya ulwitiko lwitu mu mwache ukufuma pa bwandilo mphaka pa bumalilo. ¹⁵ Ngati mo kukuneniwa ukuti, ''Ilelo, nanthi mwivwa izwi lyache, mutakaghomye imyoyo yinu, ngati lyolila ilyakumung'anamukila.'' ¹⁶ Ka wewenu yo akivwa izwi lya Chala nukumung'anamukila? Te bo bala bonsi bo bakafuma mu Iguputo ukwizila mwa mozesi? ¹⁷ Ka te bo bakamukalalizya U Chala mumyaka fote? Te bo bala abananzi, bo imibili yabo yikamalila mu nkholongo? ¹⁸ Ka kokwawenu ko U Chala akabalapila ukuti te bakinjilemo mubutuzyo bwache, nanthi bobala bo bakaleka pakumwivwila? ¹⁹ Tukulinga ukuti bakapotwa ukwinjila mubutuzyo bwache chifukwa chakuleka ukumwivwila.