¹ Pabumalilo, bawamwitu, tukubalenga sona nukubaghomya umwe mwa Mwene uYesu. ngati momupokelile indaghilo ukufuma ku kwitu mumo mungendela nu kuhobosya u Chala, sona munzila iyi enda, ukuti mubombe bunonyene ukupululila. ² Pakuti ukumanya indaghilo zyo tukakupa ukwendela mwa Mwene Yesu ³ Pakuti ubu bobo bwighane bwa Chala, nukwikola kwinu, ukuti muleke ukupanga ubwamalaya, ⁴ ukuti wensi wa umwe amenye mo angabela mu buswepu sona nukuchindikiwa, ⁵ mukunyonywa hagha (ngati bapanzi bo batamumenye u Chala). ⁶ Patakabe nayumo uwakumubombela umunyabo imbibi muchifukwa ngati ichi. Pakuti u Mwene anga nyosya ichibibi mu vinthu vyonsi ivi, ngati mo tukabasokela umwe sona nukubasimikizya. ⁷ Pakuti u Chala atakatwitizya uswe ku buchafu, loli ku buswepu. ⁸ Polelo, yuyo yo akukana ivi atakukana abanthu awe, loli u Chala, yo akupa u Muzimu u Muswepu ku kwinu. ⁹ Kuleke kuba nulughano mu ba wamwitu, patali ichifukwa nachimo ukuti yumo abasimbile umwe, pakuti umwe mwebene mubuziwe nu Chala ukughanana weka nu yunji. ¹⁰ Naloli, mukubomba ichi ku ba wamwitu bonsi bo bali ku Makedoniya. Loli tukubakazya umwe, ba wamwitu, pakubomba ivi nukupululizya. ¹¹ Po tukubakazya sona umwe ukwikala umwakufwasa, muchebe nkani pakubomba imbombo zinu, sona mubombe ni nyobe zinu, ngati mo tukabalamulila umwe, ¹² Ukuti mwende akiza pantanzi pa bakunzi sona mutalonde nachimo. ¹³ Tutakulonda mube basita ku manyisiwa, ba wamwitu, ivya bo bakusipula, ukuti mutakabe bakulila ngati bo bakughona utulo, bo bate nulwitiko. ¹⁴ Pakuti pala tukusubalila ukuti u Yesu akafwa nukuzyuka sona, nulu bwaka u Chala azukwiza nu Yesu ku bonsi bo baghonite utulo mu mwache. ¹⁵ Mu ivi tukunena ku kwinu mwizwi lya Mwene, ukuti swe ba bumi, swe tuswete mukwiza kwa Mwene, Naloli_loli tutazukutangila panthazi pa bo baghonite utulo. ¹⁶ Pakuti u Mwene u mwenencho azukwisika ukufuma ku mwanya. Azukwiza nu kukolomoka, na mazwi gha wanthumi usongo sona nipati lya Chala, sona bo bakafwila mwa Kilisitu bazukunyamuka pabwandilo. ¹⁷ Po twebonsi twebabumi, swe tuswete, poka tuzukuzompoliwa ukuya mumabingu ukukumana nu Mwene mu mphepo. muzula iyi tukuya pakuba nu Mwene bwile. ¹⁸ Polelo, muhoboswe weka nu yunji na mazwi agha