¹ Pakuti umwe mwebene mumenye, bawamwitu, ukuti ukwiza kwitu ku kwinu kutakaba kwa bwaka. ² mumenye ukuti tukatamiwa sona nukubombeliwa mwa nsoni kuba filipu. tukaghoma mwa Chala ukunena kukwinu amazyu gha Chala mu nthamyo izikulu. ³ Pakuti ukughomya kwitu kutafuma mukupuvya, pamo ukufuma muchibibi, pamo ukufuma mubu myansi. ⁴ Mumalo mwache, ngati mo twitikiziwe nu Chala ukuba wa kusubaliwa mumazyu, po tukunena, ukuhobosya umunthu awe, loli U Chala. Weyo mwene yo akuyezya imyoyo yitu. ⁵ Pakuti tutakiza na mazyu aghakunozya, ngati mo munyanyile, pamo ukulangizya ubupafu- U Chala we kaboni withu. ⁶ Pamo ukulonda amapalo ukufuma ku banthu, pamo ku kwinu pamo ku banji. Ngali tulondite ivya kwaghamo ngati ba tumiwa ba Kilisitu. ⁷ Mumalo mwache, tukateba bwaka pakasi pa pinu ngati mwanakazi yo akutebezya abana bache. ⁸ Munzila iyi pakuti tukabapukwa .Twe bakuhoboka pakugabana numwe amazyu gha Chala ghene hagha loli namikalilo ghitu, pakuti mwaba mwe bamanyani hee ku kwitu. ⁹ Pakuti mukumbuka, ba wamwitu, i mbombo nu kufukafuka. Ubusika nu musanya twabombanga ukuti manyi chibe chivulalo kwa yumo po tukulumbilili ku kwinu amazyu gha Chala. ¹⁰ Mwe ba kaboni, nu Chala wepe, namo tuswepile, nu bugholosu, sona basita chifukwa yo yikaba nkhalo yitu kukwinu mwe mukivwila. ¹¹ Umwa kuyana bwaka mumenye mo tukabela na yumo uwa umwe, ngati we Tata ali na bana bache, ¹² ukubakwezya umwe nu kubakazya umwe sona nukubapangisya ichete ukwenda mu mikalilo gho ghiza gha Chala, yo akabitizya umwe mu bumwene bwache sona nu buchindamu. ¹³ Pachifukwa ichi nuswe tukupalizya U Chala kusita kuleka, pakuti bo mwapokela amazyu gha Chala, gho mukivwa ukufuma ku kwithu, muka ghitikizya ngati te mazyu gha munthu, loli ngati moghabelile mu bwana loli, amazyu gha Chala, gho ghali sona pambombo numwe mwe mukusubila. ¹⁴ Pakuti umwe, ba wamwithu, mukaba ba kukonka ama tempheli gha Chala gho ghali mu Yudeya mwa Kilisitu Yesu. Pakuti numwe mukatamiwa ivya kuyana bwaka ukufuma ku mutundu winu, ngati mo ba kababombela ukufuma kubayuda ¹⁵ bo bakakoma bonsi Umwene U Yesu na baghonela, sona bo bakatufumyamo. batakamuhobosya U Chala.Mu malo mwache, bakaba bakali ku banthu bonsi. ¹⁶ Bakatukanizya ukunena ku ba panzi ukuti bope bize bapone. Pachifukwa ichi ba kukwanisya imbibi zyabo ukufika pa bumalilo. Loli ubukali buzukubasenda mphaka kubumalilo. ¹⁷ Loli uswe ba wamwithu tukalekana numwe pakabalilo ka kuchepa, mu bunthu mu moyo hagha. Tukayezya, nukulonda ukukulu, ukuti tubalinge pamaso. ¹⁸ Pakuti tukalonda ukwiza kukwinu-naloli Une, Paulo, umwa kabili kabili loli U Satana akatwimika uswe. ¹⁹ Pakuti ulusubilo lo tuli nalo, pamo ubuhobosu, pamo imphumphu yakwitunvya panthanzi pa Mwene witu Yesu mukwiza kwache? ka te wewe? ²⁰ Pakuti uwe we buchindamu bwitu sona buhobosu.