¹ Mapeksina David Kawanilh xliputúm pulatamat: "Salomón kin Kgawasa wantr Dios lakg saknit xla kgawasaku chuni kgalhiy liskgalala chu umá taskujut snún lanka. xpalakata ama pulakgachixkuwi ni xla chatúm chixtu, wa xla " "puchina Dios". ² Chu akit snun tatliweklnit laki nak mamakgxtumiy xliputúm makglakaskinat xla pulakga chixkuwín xla ki "Dios". putsala wantu na makglakaskinankan kgalhiya oro, plata, bronce, likan chu pakglhat chuna lakuntla natalakaskra. Nachuná mastama lakg lilakgatit chiwix, chu wantú tlan kgalhiy xtapal, chu ihuwa chiwix wantu liskujkanit. ³ Chu xpalakata pi akit snun paxkiy chiki kim "puchina Dios " na nakg mastay wantu kila makinit wantu kgalhiy xtapal xla oro chu xa plata. Liuka kmastma umá, nachumá wantú mastanitú maklakaskinat laki na lay pulakgachiikuwinat. ⁴ Akgtutu mil tsinkan oroxla ofir, akgtujún mil tsinkan xa tlan plata laki na likaxtlawakan xmakni chiki. ⁵ Mastama oro wantu na litlawakan oro chu plata wantú na litlawakan makglakaskina xla plata xmákan káwilina wanti tlan liskujkoy xmakankan. Chu tiku lanchu mastaputun akgtún lilaketeín chu skujniputum "puchina". ⁶ Wanchú xalak puxku lilakgapasn: xa lakg purku xlikiltsukun xlikgapasni pulatamat Israel xa puxku makgtakgalna xla akgatúm mil chu akgatúm crento, chu wan xakgatsiwilakgolh xtaskujut mapeksina, chuna la makglkatsikgol. chuna mastakgolh. ⁷ Xlakan mastakgol xla xtaskujut xchiki PUCHINA DIOS akgkitsis mil tumin, akgaw mil tumín xla oro, akgaw mil tumín xla plata, akgkutsayan mil tumín xa bronce, chu akgitsis mil xa likan. ⁸ Chu amakgol wanti xkgalhikgoy xa lakglilakgatit chu lakgslipipi chiwix mastakgoy xa lakglilakgatit chu lakgslipipi chiwix mastakgol nakg xchiki PUCHINA DIOS, makamaxikgolh jehiel, chatúm xlilakgapasni Gersón. ⁹ Chu pulatamat paxawakgol xpalakata uma wantu xmastakgonit. Wanchú xliputum listaknikan xmakgmastakgonit. ¹⁰ Nachuná mapeksina David tlan lipaxawa, chu sikulanalil PUCHINA xlakatín putúm pulatamat chune wa: xa sikulanalan wix PUCHINA Dios xa pulh kintlatikan xla Israel Xa liankgalin. ¹¹ Mila "PUCHINA", xli lanka, xlitliweke, xlitalanka, xli tatlaja chu xli takgakni. xpalakata wantú wi nak akgapun chu nak katiyatni mila. nachuná wix milimalanat, wix xli tamalankit xliputúm. ¹² Xliputúm tamakg lakaskinat chu xli kgakni minachá nak milakatín, wix malanana xliputúm tachixkuwitat. nak mi lakatin, wix malanana xliputúm tachixkuwitat. Nak mi makan wi litliwere chu putúm tlan tlawaya. Wix kgaliya litliwere laki namalankiya pulatamat chu lata tiku na maxiya litliweke. ¹³ Chu lanchú, ki Dios, akinan kamaxiyan paxkat katsini, chu lakgachixkuwiyaw min takuni. ¹⁴ ¿Chu tiku akit chu tiku kimpulatamat laki tlan nak kamakamaxiyan xliputúm uma? xlikana xliputum milá, chu wantú makga makltinanitaw kamaxiyan. ¹⁵ Xpalakata akinan ni xa lau ka puntsu ktilamanaw, chuna la xalakgmakan kililakgapasnikan. Kilatamatkan nak kakalhtamaku, ka puntsu chuna la mastilek ni makgapalay. ¹⁶ PUCHINA ki Dioskan, mamakgxtuminitaw putúm uma makglakaskina laki nali kaxtlawakan akgtúm pulakga chixkuwin nak min takuni, milakatin minacha chu milá. ¹⁷ Akí Katsy ki Dios piwix putsaniya ki nakukan chu lipaxawaya akgxni xaakgstitúm makglaya,xpalakata akit xa akgstitúm ki naku makamaxinitan putúm uma, chu lanchúukgxilha pi umá pulatamat nak katapxawan taminit chu tamakamaximan lilakgateín. ¹⁸ PUCHINA Dios xla Abraham xla Isaac chu xla Israel Kintlatikan xa lak makgan. katlawa pi xa liankgalihín kalakapastakgol umá min pulatamat. kakapulalipi xlistaknikan nak milaktín. ¹⁹ Kamaxi Salomón kingawasa akgtum nakú xa akgstitum lakí na makgantaxtiy milimapeksín xa sasti minatalk'kaxlan chu min ta akgstakyaw, chu laki xla na kaxtlawiwillinit. ²⁰ Chu alistalh David kawanil tachixkuwitatt "chu lanchu ka sikulanalitit mi Dioskan" xhu xputumkán sikulanalikgol PUCHINA. x Dios xtlatikan xa lakg makgan, takilhputakgolh chu lakgachixkuwikgolh PUCHINA chu mapeksina. ²¹ Xlichalí, xlakam makgnikgol xtakgalhinkan chu lilakgatey kglh PUCHINA, chu mastakgolh lilakgateín xa ihkún. mastakgolh akgtúm mil wajax, akgtúm mil xa chuchut uva chu ihuwa lilakgteín xliputúm pulatamat Israel. ²² Chu amá kilhtamaku wayankgolh chu kgotkgolh chu kgotkgolh x latín PUCHINA chu paxawankgolh xlakan tlawakgolh Salomón mapeksiná xlimakti chu sikulanalikgolh nak xlitliweke PUCHINA laki xla na malanan, chu sikulanalikgolh sadoc chuna la xpalakachiwina PUCHINA. ²³ Wanchú Salomón tawi nak xpumapeksin PUCHINÁ chuna la mapeksina, anta ni xwi xtlati chu xla tlan aninil chu xliputúm pulatamat Israel Kgalhakgachixkuwil. ²⁴ Chu putúm, xa lakg puxku, chu makggtakgath. nanín chu xliputúm amakgaptsín xkaman David, litayakgol pi na kgalhakgaxmatkgoy mapeksina Salomón. ²⁵ Wanchú PUCHINA malankil Salomón xlikalana pulatamat Israel chu maxil tlakg litliweke nix xtachuna wantí xtitaxtukgonit mapeksinanín nak pulatamat Israel. ²⁶ David xkgawasa Isaí malanal nakg xlikalanka pulatamat Israel. ²⁷ David malanal tatipuxam kata nak Israel, malanal akgtujún kata nak Hebrón chu 33 - nak Jerusalén. ²⁸ Chu xla nilh akaxni kgplhuta xwanit, tlak tilatamal, chu tlan tikgalhil lakuan chu wantú xkgalhiy xtapalh. Chu talankit. ²⁹ Chu wanti titlawal mapeksina David, tatsoknit nak xlikgalhtawakga Samuel xmakatsinina PUCHINA, nak xlikgaltawakga natan xmakatsininá PUCHINA chu nak xlikgaltawkga Gad xmakgatsinina PUCHINA. ³⁰ Anta tatsokgtawilanit wantú tihawal akgxni xmalanama nak Israel, chu wantú titaxtulh ama kilhtamaku nak Israel chu wantú titaxtul ama kilhtamaku nak Israel chu hachumá wantú xtitaxtuma alakatunú kachikinín.