¹ Booz jon mopajaa oyat oira jaté. Ishaibat, Booz jɤ̃i jet ayatdi jajanaryugjalica. Booz mog:"Ajɤ̃-r , mamaunarg oyat naira mau-té. Naa bon jajanrg oyat jateg. ² Oshrm Booz-lat caogli diez mot quepa-ot natmoyan shuwai tepin-ot oyat jamog: "Nairajauté". Ooli categlig. ³ Booz-mogli jajɤ̃-at inacat jashrt: Noemí, uprtdi Moabita-ot yanat, jadvende-rgla niti pei bipewai Elimekec pinjin. ⁴ Abig-ashagli ya-apínrglig oyat amog: jamiyaubrg itdugjet dut iteg-olat nam oyat itdugjet pɤ̃i quepaot ayancou-ot. Mamat jamíbrgshug-u, jamímaubɤ̃g. Oyat jamimashanbrgshut-u, amaoín-rg, japishiawagjee, bɤ̃irutda jamibrmshii oyem mamwi, oyat amda mapɤ̃nat. Oshrm bɤ̃i bon mog: amda jamishibɤ̃m. ⁵ Oshrm Booz mog: Oolou wrju jamimabrg niti Nomeí dao-uat, jamashipɤ̃i-ogla Ruth moabita coula, jaújin naa bon iɤ̃prnjin, ojewi jainotdilouniri jatam irigli jalica. ⁶ Oshrmdi jajɤ̃inag-jashrt jamog: jaashancrt-ɤ̃tda jamiabɤ̃g-u aleyatwijaep-ɤ̃gshrt aleipin iríg-alica. ⁷ Dumat ojera it-ɤ̃li bɤ̃nwin-olat Israeta ebumincabɤ̃g-batdi oyem itbebat o jatcambia-ɤ̃gbat caép-u. Rjet camogbat caebu-otshrm, itɤ̃m bon catjalɤ̃u jashimyag-ot oyat catjabɤ̃g jamaupinat; oola naa it-ɤ̃gli itɤ̃mjani ijeijet Israel-ta. ⁸ Ojeri jamo naa jajɤ̃inag jashrt Booz-at: jamimaubɤ̃g maleyatwi. oyat oliwi jashimyag-ot jalrulíg. ⁹ oshrmdi Booz mog mog quepa-olat oyat wrijín epin-olat: yamda japishiwajat shirú-u jamiabɤ̃glig wrijín Elimelec pínjin oyat pɤ̃i Quelión pinjin oyat Mahló pinjin Noemí dáp-uat. ¹⁰ Ooja-at patjei ja-jáa pɤ̃i jeúlila-amat aú jayawaná, oje amolouni jaacrt-ɤ̃glig jawrjɤ̃glig jatam naa bon iíprnjin ebuligli, oje jat-ógshrtya jatam japetwat-tee oyat molugliprn naa jalilíprn.Yamda jalujut shirú-u. ¹¹ Weijin epin-ot irig-otdi molugliprnye oyat equepa-otpɤ̃i camogli: Bit-utda jalujut.Biɤ̃iyat jaminɤ̃gjeeya naa denat ilugli ma-otteja oje Raquel-ni oyat leani pɤ̃i, icau-ot jamín-rtdi jaot naa Israel. Oyat jajutanogjee Efrataja oyat ojeyawi jajutashinoglig Belén-na. ¹² Maot ojeya jashirí fares otni, obatdi tamar tɤ̃i-shíi ooli judá, jajɤ̃inog-otyeriwi Biɤ̃iyat ibrgli naa déntrt-dajet. ¹³ Ojeri Booz-at jaóglig Ruth, oyat obatdiwi jaúja jalí. Ooli ióu jajet, oyat Biɤ̃iyat jaliɤ̃gli japupdiglig oyat jatɤ̃iligli. ¹⁴ Detpat mogli Noemí-at : Olawi Biɤ̃i majaishibendiciaɤ̃iya shirú-u jɤ̃iijet inagwi, óo naa tácrt. jatamya inotshirig Isarael-tee. ¹⁵ Oolawi mawairiyu shibrmya majuyu-at oyat odawi mashiwawaya quepaja malicat-u, mawáu, mayíruju, oo naa mamat ijeibrg nat siete itog-ot shrt matɤ̃i-ot, naa itɤ̃tdi. ¹⁶ Oshrmdi Noemí-at jaóg naa tɤ̃iwai, jatpeu japag-uye, oyat jaijajeuli. ¹⁷ Oyat jamaupin-daot, jatamcabrgli, camogli: Itɤ̃m jawáa itɤ̃t Noemí. Otda jatam min-rt Obed. ooli jaí naa Isaí, ooli jaí naa David. ¹⁸ Dumat otdanat jajɤ̃inog-ot naa Fares: Fares-di jaí naa Hezrón, ¹⁹ Hezrón-di jaí naa Ram, Ram-di jaí naa Aminadab, ²⁰ Aminadab-di Jaí naa Naasón, Naasón-di jaí naa Salmón, ²¹ Salmón-di jaí naa Booz, Booz-di jaí naa Obed, ²² Obed-di jaí naa Isaí, oyat Isaíli jaínaa David.