¹ Dumat jabon naa Noemí, Elimelec, bɤ̃i-ligli jajɤ̃, Booz itɤ̃m bon ushanbiri iwairig. ² Ruth, moabita.coula, jamogli Noemí-at: Dumat amauliɤ̃g anoglig oyat cajuashisugya awoca capɤ̃nat nat ebujɤ̃mrt niti-ot jáa. Ooprnatdawi ashinó dú-u jacrt-ɤ̃rm atduglig am ijeijaminɤ̃glig. Oyeri jamo Noemí: "maunog, alou." ³ Janogli Ruth oyat cajujasugli idcaliɤ̃gprn-ot nat mojɤ̃mca-ot capɤ̃nat nat ijɤ̃mrlat niti-ot jáa oyemdi jayú Booz niti-ot pei-jaá, oliwí Elimelec jɤ̃. ⁴ Amwi, Booz iyug Belén-nat oyat jamog nat ijɤ̃marlat: ¡olawi Biɤ̃i ishrig yajet! Jayerugcawaurgli:¡Biɤ̃yat yajaibendicia-ɤ̃g! ⁵ Oshrmdi Booz mog jaepin-nat naa calubo-omatdi nat ijɤ̃mrtat:¿Briríg bonat jalibr naa déntrtda?. ⁶ Jaepin iruboom nat ijɤ̃mrt jayerug jawauɤ̃g oyat jamog: Oowi dentrtda moabita-atwin upɤ̃tdi Noemí-jet Moab niti ja-at. ⁷ Oyera jamo: ijeimaumínrg amaulɤ̃g cajuiashuglig nat mojímcaot caprnat nat ijɤ̃mrt. Oyera jaminyuglig na oyat idbebat picum dumat patjeli, iyaijetda jija jalimono ja-otteja. ⁸ Oshrrmdi Booz mog Ruth-at:¿ayerugmajuyi, alou? Maupɤ̃inot oyat cajuimaushr mojɤ̃mcaot bɤ̃initijáa, jamacupririɤ̃brt naa niti. Opɤ̃nye, namdamaulí oyat imaubep detɤ̃tda-ot ibebetjet. ⁹ Jamaulug ijeijet naa yeu idjɤ̃m nat molat oyat maunog caprnat nat bɤ̃tdtpat. ¿cadapínrcat nat mot woja matɤ̃gshrt? oyat cawogshugbat, jatcɤ̃t-ng rt jriteg wamtee oyat jatshiwog naa ɤ̃t molat i-ógprn. ¹⁰ Oshrmdi jawopjog Booz ubata, cayagjetd niti jajúr. Oyera jamo:¿Brirígshrm jaalu ijei mabíg-uu naa woja maligjee ashrm, oje bryeatwine?. ¹¹ Booz-at jayerugwaurg oyat jamog: japishiawagla wrijin imaɤ̃gprndi jaɤ̃iquetyemdi mabonjin. Cadmaliɤ̃gli maí, maín oyat naa niti matɤ̃tprn mangjeeli malitan pɤ̃nat oyat mayugjee calicanat epin-ot pishimashanwajit. ¹² Biɤ̃iya mamishibrm imamínrgshrm.Brɤ̃ishrtya jamashiwauɤ̃ mamí juiruligjet, naa Isradelot jɤ̃i Dios, olawi dica macut. ¹³ Oyeja jamo: amuliɤ̃g jalugjee ijei mabig-uu, oɤ̃i, oshrm ijei maminrg ajet oyat mayat ajet ijaijet, maeoinadaja ashancugligshicom. ¹⁴ Jaminogbat jabigye jayewairig Booz jamog Ruth-at: Mauyug nan, oyat páu bɤ̃imauwog, oyat jamautɤ̃u-rg vinagre tee. ola iteg tɤ̃m-u cajet nat ijɤ̃mrt, oyat jatbɤ̃gli itɤ̃gli itɤ̃mmnog mojɤ̃mca itjɤ̃mrt, oyat jatwogli on jatetogca oyat japatjeisssholigli. ¹⁵ Oyem jajuimigli ebujuijashugjeeli nat mojɤ̃mcaot , Booz -at cacúi nat ibebed jan, jamog: jayauliɤ̃g cajuicashuglig mojɤ̃mca otpɤ̃i irig-ot ebushimayu-ottée, ¹⁶ oyat ɤ̃iira iep iyapinbrglig jan. Oyag yam brtyau-óbrgjan itrmnog-ot jan nat juiyashug-ot, oyat jayaulirg cajuijashug-jee. rira jayacrtnogglig. ¹⁷ Oyeriwi ebujuijashuglig niti jáa onyau icupa. oyatdi catejasheu mojrmcaot juyashugpɤ̃n-ot, oyat 13 kilios calínogli nat mojrmca-ot. ¹⁸ Ola cawryr-ɤ̃m oyat janog moyanshuwayat. Oshrmdi jalianat jalug nat jujashugprn-otdi. Ruth-lat jaógli-pɤ̃i mojrmca ijɤ̃iprn naa iddiɤ̃gprindi jawogtee oyat jatbrg jan. ¹⁹ Jamogli jalitan:¿Bɤ̃n cajuimashu mojɤ̃mca-ot shirú-u? ¿Rɤ̃n ebumabepno? Duo bon ijeimínr-rprn man oyera pɤ̃i ijei jawaurglig oat. Oshrmdi Ruth-lat japɤ̃n-r jalitan naa bon jaa jaɤ̃i naa noto ola imog:jatam naa bon jajɤ̃i naa niti ebuabep-prnali shiru-u Booz-da óo. ²⁰ Noemí mogli jawau-at: Oolawi ijei shiwauɤ̃-rm Biɤ̃i shrt, oowi jashandiɤ̃iri jamawat moubityu iyug-otjet oyat iɤ̃iprm-otpɤ̃i. Noemí mogli: jere bon bijɤ̃-la-óo, itɤ̃m bijɤ̃ ebupacrt-tɤ̃r bishrm. ²¹ Ruth Moabita-couta mog:oyat ijeijt, jamog an:inagjetdawi mashirí cashrt nat mot anyau jatertɤ̃ca cajuicashuglig nat ajɤ̃mca-ot. ²² Noemí-mogli Ruth-lat, jawau: jajeiwi, alou, majrg-u nata detrtda-ot ibeped-jet, iepcaminrgshrtya brt ebuijɤ̃moliprn-otta. ²³ Oshrmdi jalipa inagjet nat ibeped-daolat naa Booz oje cajuijashugjeeri mojɤ̃mca onyau cabecali nat mojɤ̃mca-ot. oyat jad-dushogli alitan-jet.