¹ Nejjata Rey itorroba baja raponü pekáe tuatsí nejja dajjita ancianawi judá Jerusalen pijiwí yájawa. ² Dejjüá kuijinaé tayójopaya rey Jehová piaja boyábetsia dajjita judá pijíwi, pejinawa. paewi Jerusalen jawata Sacerdote, profétawí,dajjita tomarra pijiwi tsikrri nüjji velia kuijinae. Ata pena verretsi nÜanü bajara jüa kuijinae yorroba pena kae tuatsí javata dajjita pejume bájjato pejume kowünütsi nejjaDioso pena matajjüna Dioso piaja bota. ³ Nonatapuna Rey nuka columna pemujjú neneta jumaitsi Jehová jawábelía, kajume kowünü tsianatsí dajjita matakabi nejja; jai Jehová jawabelía, bá rajané maje paka punaya jinawana paenatsí, paka jume kowünü tsianatsí paka nawajü kaenatsí jjamü jababelia rabaja ápo panawaü tsane, pataja jamatabü ütüto wetsina, dajjíta jumali wetsina kuijinae, ü pejüme kowünütsi nejja pajume beje kuaíkujai Jehová jawabelía, nejjata dajjita jiwiyóbeje najamatabíí jüpampejjaniá jaí kuene. ⁴ Rey nuta a Hilcia reye monae pitórrobinü nejja, baupa ewetsiwi pijinenia, pejukaenejja dioso píaja templo werrena dajjita pá wajji yóbeje Baal nejja Acera béje. dajjita pá estrella beje atjübütatsia rubeña. nejjata tó tajuita tajü Jerusalen wekua itsa unuábelia, cedron büjjü Fotuanü jawabelia, bajará werrena pepaju kapona Betel jawabeliá. ⁵ Nejjata wekua pitsapa sacerdotewi piaja Dioso nüjji pejjai naewi, bajará pamónae reyewi judá pita petajuitsí nejja tsakiá pajitsia tujjü juyi java, pejúma tsató nüjawa pamarranü jjaina Judá pijineniá matá toyó rotsía Jerusalen. ⁶ Júkae ejjana Asera dowatis pejumape Dioso piajabó wekua, Jerusalen tájü wékua cedrón büjjü toluanÜ javabelia, tajuíta baja rájota tajiya pébeno nákopata baja pabenota tsimata otloka daipa mutjuanü. ⁷ Irrajueta bépamóna táejitsia. Diosonü saikaya jota piajabó, jóta jjataba biaba petirriabí jjata bijjita Asera. ⁸ Junata dajjita Sacerdote niyobejé Judá tsiata pijiwi bijiana petsútuanü itsa jota sacerdotewi tajuita biaba, Geba werrena kuijinae áta beerseba jawata; tójjobaba penúbenaejawa baupa jawá penamata jjainae baupata Josué piaja baupata, pitórrobinü tomarra penukaejawa petsaweno neniá tomarra. ⁹ Itsiata baja rá sacerdotewí apo tó kopatsítsi petajuítsi nejja Dioso pproja altar Jerusalen jáwata, bajará pamonae malicika perri jjaine ü nake manae. ¹⁰ Josias Jofet jamabü bijiana, Ben Hinom bujjüfotuanü javatalia pena kojji rajatsi neniva isotuá belia be dajubi peto tajuítsi yeniva moloc nejja. ¹¹ Baja rá ponü kapona caballos bitsaüto reye mónae judá pé rajutsijawa mata kabí piaja jwameto. Baja ra pamónae nübena imojjoyo baupa baupa wekua. Dioso piajabó, imojjoyo jota majita biaba Natan malec wajabitsaúúúuÜ. Josias tajuita mata kabi piaja juameto piaja carruanü. ¹² Josías reinü tojjobabia jota tajuita biaba penübijava bójuma vetsika itsajota majita biaba Acaz, Judá paje peyevi petó ejjanae Javatsi, petajuíta reyevi biabí petó ejjanae Javatsi, petajuíta biabijavabeje Manasés pitsi java ajinia javabejé Dioso piaja bota. Josías tojjobabía pepanü penerraka cedrón bujji Fotua reka. ¹³ Reinü verrebiaba tajü tajjünaenü itsa vetsina pitsapa bíaba juameto pevajünae vetsina Jerusalén. Waüyá betsia pá unuanü abeje ejjana, Salom sión Israel piaja rey, peto' nakuene bí Java Astoret nejja apo pita jipae jumapianü sidoni pijivi: quemos nejja, apo pita jitsipae jumapianü Moab; pijinenia Milkon nejja apo pita jitsipae jumapianü amon piaja tomara puivi. ¹⁴ Penetsia pejumape nüanü ponüta nawajuka biaba baja rá pamonae pürrü bába pejumapíanümAsera baja rá pakowüta najumá kaetua tejeba júwisi. ¹⁵ Josías ata tójjo bába altar penúbee naejawa Betel jawátalia, penábi jawanü pijinenia Jeroboanm, pejünato Nabad (pemáta kaponaenü penawajükáe nejja dowati jwábelia) pé mata kobi jawa, piaja altar tó tajuita dé jota mawajüka biaba sta ü ipumana nakopata. pejamapenü Asera tajuita buata pona. ¹⁶ Josías naíta weneta, táne jiwi mütüanü unütalia', jiwi itórrobalia mutjü wetsia juka jiwisi tajuita altar jumawerreka tó bijianá jitsia, pakunia Dioso piaja profetanü tsippaeba pewajü naya má jjüá tane. ¹⁷ Bajar rá jjüá kwijináe jumaitsi:¿ dé pitsi monumento má nejjata ma tanji? júme kanawiatatsi tomarra pijiwi: Dioso rá piajiwitón ü pemütü juda wrrena peponaenü, pekatsi paebinü Juda Werrena peponaenü, pekatsi paebinü náyanDioso piaja jieitonü abajjü tajuitsi nejewamü altar júma wérreka Betel jawáta. ¹⁸ Josías Jumaitsi: " jimá táema. Kaenü ata ápo tijjibi tsane pejuma werreka pebobé náe si, profetanü pesí bobena samaria werrena peponaenü." ¹⁹ Dajjita bonü petsuto jumá tomarra pijiwi penube naewi samiriana. Pé werreba bejpáwa reyes mónae israelwi anaya ejjanaejitsia, tijjiba pijinenia Josias pakuénia itsí Betel jawátá. ²⁰ Beyejeba dajjita sacerdote niyóbeje petsúto jumá penube náewimi kactuata tejewa pematsünü werreka pesi tajuitijitsia baja rá pamónae. baja rá jjüá kuijinae naita wenta Jerusalen ja'wabelia. ²¹ Nejjata itórroba rey dajjita jiwi, jumaitsi: fiesta jawata pa barruyá mürre pane tó kapane paejjae a Jehova wajja Dioso. Pakuenia najume yakina ruta ley bájjüta pane júme kowütsinejja. ²² Kaeto ata ápotó ejjanae Fiesta pé nakanabi jjae Dioso pwünüta Jueces matakabi jebi kwijinae itorróba wanapa Israel, reyes monae ata ápo itsi Israel Judánü. ²³ 18 pá waibeje jjaína rey Josias pakuijina'e tó ejjana fiesta Jehová Jerusalen jawata. ²⁴ Baja rá pakuenia werre biaba Josías pejorrabiwi pékana üjübiwi atjübü pijiwi, dajjita waya ita júnawi jawanü waja taejawa Judá piaja irrata, Jerusaalén waja jume kowünü tsinejja ley bájjüto pajumé yakina ruta, pá bajjüto pítabuata sacerdote, hilcia Jehová piajabóta. ²⁵ Ajibi itsa rey pewajü naya, pejume kowünütsínü a Jehová pejamatabü ütüto werrena sajjita jumálita, dajjita saüta pakuenía itórroba Moises ley bájjuto jawáta; baja rá Moises kaijinae itsanü áta abajjü ápo naitajütsi pakuenia Moises. ²⁶ Baja rá pakueniá áta. Jehová ápo jamatabü anáe werrewerrékae pakuijinae bitso anaepana pakuíjinae anaya ejjanatsi barrá anaepana judá pena wajüka'ejjae doowati jumapewi jawabelia Manasés kujarruba nejjata bajará ponü anaya ejjana. ²⁷ Baja rá pakuenia Dioso jumaitsije: judá rabaja ápo netáe tsane awünüjibia ejjanae najü Israel. jjuabianajü ma pa tomarra taita petsiwi a Jerusalen, pabó pikaní jjanü jumaitsinü má jita jjanü nawünü rutsia najÜ. ²⁸ Itsa Penakuenebí jawanü Josías, pesaüta, ¿ápo tóna yakina ponaetsi ponaetsi itsa jota reyewi nawünü yakina pona biaba, apo ná wünü rúbenae baja rá palibrota Rey Judá jawata ?. ²⁹ Baja rá pamatabi jawá Faraón Necao rey Egipto pijinü barrü pona piajiwi tseko naejitsa rey Asirianü Eufrate mene jawabeliá. ³⁰ Josias rey copiá pilia Necao pena tseko nae jawata, Necao beyajjuaba Meguido jawata. Josias piájiwi kaponatsi petüpaenü Meguido jawa werrena Jerusalen jawá berrena mütütasi piaja irrá berrena. baja ra jjüa kuijinae pá tomarra pijiwi itapetsí Joacaz pejjunato Josias. unjibatsí rey tsanukáe pekowüta pajja. ³¹ Pawaí béje jjaina pakuijinae tajjüjüaba pito' robi jawa Jerusalen. Itorroba akueyabi pá waibeje. Penami pewünü haumatal: pejjunatoyo Jeremia libna pijinümi. ³² Baja rá ponü pebijia kuene tó tanetsi Jehová, pakuenia piaja monaemi kuijirru tane. ³³ Nejjata tó nanekonita Faraón necao ribla Nakuata Hamat piaja irráta, pená itorrobi yeniba Jeresulen; baja pá irránmultá biá ejjana pewekua pitsi nejja 100 talento palata kae oro pijinenia. ³⁴ Nejjata Farón necao nuta rey a Elia pejjünato Josias. Josias kowüta pájjami, wünü kambiaba baja ra jjüájittsia ajena Konajjae pewü Joasim; wáetaba a Joacaz kápona Egipto Jawabelia baja ra jótalia tüpa. ³⁵ Joasin matamota palat, orota a Faraón baja ponü matamo juta de' pakuenia namatámota baja pá írra pematanejja. Pakuenia Faraón jumaitsi jukáya ejjana palala, oro baja ra pa nakua írra jawata itirroba baja ra nakua írra jawata itorroba baja rá patomarra jiwi kaenü kana kuijitsiá jutapona pe rajutsi nejja a Faraón Necao. ³⁶ Joasin pakuijinae jjaina 25 pawai beje tajjü jjuaba pitó róbijawa (11) pawaiyobeje ná itorroba Jerusalen. penami pewünü. Zebuda pedias pejjinátoyo ruma jawata pé pónaponaenü. ³⁷ baja ra poyó ná akuiji rúbeje pakuijina'e Jehová yajáwatsi. Baja poyó ápo kuene jjüába póna ponae pakunía piaja monaemi jina wanapa.