¹ Namere in wa kpila kibinai ning likot nan ba kuru ndak kitimine tutung nanya piu sa nanya tinana nayi ba. ² Andi wa nan za minu ukule ,gyari ma tiiyi nhsau kibinai ame ule na inlanzaghe ukulere? ³ In wa yertin nafo na inasu bara inwa dak kitii mine na among mine ba lanzu ukule ba na a nunghere ma tiyi ayiaboo. Idinin likara kibinai kiti mine vat bara na mmang nighe mi rummere nan yinu vat. ⁴ Bara indin yertu minu nanya nijase idia nin nayi asirne , nin mizin midiya ,na idinin iti minu inpiu ni dawo ba .Bara nanin iyinin incancam nsu ule na dimu kiti mine. ⁵ Wase umong lanzai ukul, na alanza miyari cas ba , bara nani inkon kubi na adinin su atiminu gbagbairyari vat ba . ⁶ Ule uburne le unite na ibureghe mbatina. ⁷ Nene uworu ule uwahale shawan nin ning , umong na ataa i nunkughe kibinai , bara ingetek kibinai wa teghe ayiairne gbardan . ⁸ Nani idin timinu likara kibinai i dursughe usu na anit ba yenju. ⁹ Ulena unnare wati inyertin minu bara inan dumun minu nin yinu sa idinin kudurtin [biyaya]nanya nimong vat. ¹⁰ Andi ishawa nin kulapin nanit vat , men ma ma shawu mung ma, ilemon na inshawa mung , inshawa mun ma ,imini shawamu bara anighere nbun Krisri. ¹¹ ilele kiden ghere bara shitan wa su narin tikanci , bara na titani imong ele na idi kibinai ba. ¹² Bara na Ucife wa punin kibulun kubi kona inwa dak nanya Troas unwaazinlirin Kriste kikane. ¹³ Nin nani wan, na inse uno kibinai ba , bara na iwa yene gwananin Titus kikane ba,intina kpila udu Umakadoniya. ¹⁴ Bara nani uzazunu Kutelle ri ulena adi nanya Kristi na adin cinu nin narik udu linbun, nanya bite uliru umang din nudu anit lanza kauley. Bara tidi Kutelle mamas nin Kristi, vat nanya na le na ina tucu nani nin nalena Yesu na tucu nanin ba ima tii anan kul. ¹⁶ Udu nalena idin kuzu ima imon immang ghari unuzu kul udu ukul. Udu nale na inatucu , unuzu inlai udu lai, ghari dinin su nilemong ghe? ¹⁷ Bara na aari di nafo anit gbardan na idin lesu uliru Kutelle isesu ikurfun ba.Nanya nani , nin lau kibinai , na ina tuu unuzu Kutelle , nanya mmuro Kutelle , ti din nlirun Kristi.