14 ⁵³ Inawidan iran si Jesus ko pkaunotan ko mga pari. Miyatimu-timo siran roo p'd iyan so mga pkaunotan ko mga pari, so mga tutu'a, ago so mga tata'o sa kukuman. ⁵⁴ Imanto na tumiyunog si Pedro a miyakapuon sa mawatan, taman ko untunda oh mga pkaunotan ko pari. Miyuntod skiyan p'd so mga sugu-suguan a marani ko apoy ah di pamakayaw. ⁵⁵ Imanto so mga pkaunotan ko mga pari ago so kalanguan na di pangilay sa makasaksi ki Jesus ka an iran mabuno. Uway na kagiya da ah miyatuon iran. ⁵⁶ kagiya madak'l ah dii tharo sa mga ribat phuon rkiyan, uway na kagiya so di-iran di tharuon na naba sumpa-sumpat. ⁵⁷ Tuminind'g so p'd ah mitharo sa naba bnar phuon rkiyan, pitharo iran, ⁵⁸ "Miyakin'g ami ah pitharo iyan, 'G'baan ko ah giyaya ah sambayangan ah pimbaal ah makaphuon ko lima ago so ikatlo gawii na pangbaal ako sa sambayanga ah naba pimbaal ah makaphuon ko lima.' ⁵⁹ Miyagiyuto pn, na naba miyakasumpa-sumpat so di-iran di tharuon. ⁶⁰ Tuminind'g so pkaunotan ko pari ago inizaan iyan si Jesus, " Ba da'a kis'mbag ka? Antunaa aya ah ditharuon ah mga taw ah makaphuon rka?" ⁶¹ Uway na da skiyan s'mbag ago da tharo. Inizaan skiyan pharuman oh pkaunotan ko mga pari, " Ska so Cristo, so wata a linimo?" ⁶² Pitharo e Jesus, " Uway saki. Na khailay niyo so wata a taw amay ko muuntod skiyan ko lima a kawanan oh phakagaga ago phakauma ko mga gabon sa langit." ⁶³ Ridit oh pkaunotan ko mga pari so mga bal'khas iyan ago pitharu, "ba kinanglan p'n so mga saksi? ⁶⁴ Miyan'g iyo so da tod iyan ah khataro ah pitharo iyan? Antunaa eh pandapat iyo ron?" Ago kiyapasadan kiran langon ah pakibuno iran. ⁶⁵ Ago piphuonan skiyan pandudaan oh mga taw ago siyap'ngan so paras iyan, bitay skiyan ago pitharo rkiyan, "Antuka nga!" Kinuwa skaniyan oh mga pupuro ago pisuntuka iran. ⁶⁶ Sako si-si'e sa didal'm ah patyo si Pedro, isa ko mga babay ah sugusuguan oh pkaunotan ko mga pari ah sumiyungon. ⁶⁷ Miyalay niyan si Pedro ah Tumitin'd'g ko ubay ah apoy ah di pamakayaw ago iilay niyan phiya-phiya. Kiyapasad uto na pitharo iyan, "P'd ka oh taga Nazaret ah si Jesus." ⁶⁸ Uway na piayawal iyan aya ago pitharo iyan, "Diko katawan ago diko sabut'n ah kaanan ah dii tharuon. ⁶⁹ Uway na miya-ilay skiyan oh babay ah sugo-suguan agu mipharoman tharo skiyan ko kipaka-titind'g roo, "Giya taw aya na isa kiran!" ⁷⁰ Uway na piyawal iyan bu aya paruman. Da mathay na pitharo oh mga taw roo ki Pedro, "Bnar ah isa ka kiran, kagiya miyaka phoon kabun sa Galilea." ⁷¹ Uway na miphoon skiyan taro-taro, "Diko katawan eh mama ah di niyo di tharoon." ⁷² So kiyapasad iyan na kumiyoko so lumsad sa miyaka-duwa. Agu kiya toosan eh Pedro so pitharo rkiyan eh Jesus," Anda dn eh ka-koko oh lumsad sa maka duwa, maka-t'lo ako nga eh-pawal." Agu kiyalkhan skiyan agu gumiyuraok.