Kujombolola muhato 8
1
Omuo muna mpanga uavatuile cije cithivukitho camucitanu natuvali, muilu muaholokele kulu ngohoni kunthsimbu yamutamba ua olu.
2
Kuakele tungelu vatanu navavali vemanene kumexo aKalunga, vavahanene maluneta atanu na avali.
3
Kangelu mukuavo uje uakele nalilonga liakuendjekela vihemba, uethile nakuimana kumutala, vamuhanene vihemba viavingi ngeci avuethelele kumalonga avana vaKalunga voxe nakulambula hamutula uangolinde uje unemana kulutue luacituamo.
4
Keho muinthi uavihemba viakuendjeka uakandukile muiluhamo nakulomba kuavantu vaKalunga kutunda mumavoko auje kangelu uemanene kumexo aKalunga.
5
Kangelu uanonene lilonga liakuendjekela vihemba nakulitunditha kutuhia tuakutunda kumutula. vaviumbilile hanthsi, kuakele kuthima kuaKalunga namajui, namuhiato, namandunduma akama.
6
Vaje tungelu vatanu navavali vaje vakele namaluneta atanu na avali valivuahethelele lumo laja ngeci linga vembe .
7
Kangelu uakulivanga uembile muaso uendi, kuanokele niondthzi yamavue natuhia viakulilumba namaninga. vietikilile hanthsi mutambela uamucitatu uahanthsi liendjele ndjaua, namutambela uamucitatu uaviti uauemene uoxe uakuthivuluka liauemene tooo...
8
Kangelu uamucivali uembile muaso uendi, cuma cimo cakulifua ngohoni mukinia uakama uli nakuxukuma mutuhia vaumbilile mumema aKalunga. Mutambela uamucitatu uamema aKalunga ahimpukile maninga,
9
mutambela uamucitatu uavikaxama vakuyoya mumema vathsile, mutambela uamucitatu uamavuato anongele.
10
Kangelu uamucitatu uembile luneta luendi, ntanga ntanga yakama yauile kutunda kuilu, yalaitile ngohoni lambi, mitambela uamucitatu uavindonga nahamahima amema.
11
Lithina lia ije ntanga ntanga likelio muaze. Mutambela uamucitatu uahimpukile muaze, vantu vavengi vathile kunua mema aje muomu axaxele..
12
Kangelu uamuciuana uembile luneta luendi, mutambela uamucitatu ualitangua valipupile namutambela uamucitatu uangonde namutambela uamucitatu uantanga ntanga. Mutambela uamucitatu uavo uatengulukile muthithi; mutambela uamucitatu ualitangua namutambela uamucitatu uavuthsiki kukuakele ceke.
13
Ndjatalele, keho ndjovuile ngonga uje uapuluile kuilu havukambuela uahandekele nalijui liakama nguendi, ''Kayando, kayando, kayando, kuli vaje vakala hanthsi, muomu majui akuavo aluneta atungelu aje vatatu vakathika lalo...