¹ Cithivukitho cakama cajombolokele muilu: kuakele muna mukentu umo cikovelo cendi litangua, nangonde yakele munthsi lia miandja yendi nacilongo cavintangantanga likumi navivali viakele hamutue uendi. ² Uakele namivila ivali, ualilile muomu tuyando namisongo yakulileluka. ³ Cithivukitho cikuavo cajombolokele muilu: Taleni! Kuakele mukithi ngombe uakama uamitue itanu naivali navimbinga likumi, uakele navilongo vitanu navivali hamutue uendi. ⁴ Uakokele mutambela uamucitanu uavintanga ntanga namukila uendi kuvitunditha kuilu nakuviumbila hano hanthsi. Mukisi nemana kulutue lua uje muna mukentu uje uakele muhiehi nakulileluka, muomu mualileluka, ngeci alie uje munike. ⁵ Ualilelukile kanike, kanike uamumala, uje akathika vifuti vioxe nangola yacikungu. Vunoni kambututu uje v amuteuethele nakuutuala kuli kalunga nacituamo ceni, ⁶ muna mukentu uateuelele muthindundu, kuje kalunga kuamuvuahethelele muhela hamatangua akuheta 1,260. ⁷ Ngeci muakele ndthzita muilu. Mingeli natujngelu vendi valuile ndthzita nauje canda ngombe, uje canda ngombe natungelu vendi valuile. ⁸ Vunoni uje canda ngombe kakele nandthzili yakufunda. Ngeci kumuakele lalo muhela muilu uendi natungelu tuendi. ⁹ Uje canda ngombe uakama -uje linoka ualaja uje uvatumbula nguavo citothi ndi satana, uje uakuithile mavu oxe- vamumbilile hano hanthsi natungelu tuendi tuoxe. ¹⁰ Keho ndjovuile lijui liakama muilu: ''Mualolo kuna hete vuovole nandthzili navumuene vuakalunga ketu, mualolo uakuvuavuetha uendi namuetha mpoko yendi. Omuo muka kukuitha navamunaina vanavombila hanthsi, uje uekukuitha ndjambi yetu mutania navuthsiki. ¹¹ Vamuhianene namaninga amuna mpanga nalijui liavusunga vuje vuambuluile movakele nacithango cakuecela miono yavo noho kuthsa. ¹² Vuaheleleni yeni melu neni muakalamo! Vunoni tuyando kuli yeni hano hanthsi nakumema , muomu vitothi vanaxuluka hanthsi kuli yeni naxulu na ¹³ Omuo uje canda ngombe uamuene nguendi vanamumbila hanthsi, uaxangumukile kukava uje mukentu uasulumuine munendi ualiala. ¹⁴ Uje mukentu vamuhanene vimbava vivali via ngonga uakama ngeci uapuluile kumutamba uendi muthindundu kuje vakamulelela hamiaka itatu navingonde vitanu naimo muku muamena kuvusonde vua uje canda ngombe. ¹⁵ Uje canda uaxangalele mema akutunda mukanua kendi ngue ndonga, kuxuama uje mukentu ngeci livathi liamema likakupule uje mukentu. ¹⁶ Vunoni mavu akuathele ujemukentu. Mavu axokoluele kanua nakumina mema aje ajekuile uje canda ngombe. ¹⁷ Keho canda ngombe ualuvalelele uje muna mukentu uahilukile nakukaluitha visupo via uje mukentu vije viathaleleho, kuli vaje voxe vononoka kumasiko endi nakuononoka kuvusunga vua yesu. ¹⁸ Keho uje canda ngombe uakatukile kumuxeke uamema akalunga.