¹ Keho vanjihanene citi cije ca lifuile ngue citi cakuetheketha. Vanjihanene nguavo, "Ya uketheke njivo ya xukulu Kalunga namutula, nava vaje vali nakulemethela munjivo ya xukulu Kalunga. ² Vunoni keti ukayetheke yahanja yavo, muomu vana viana kuli vaka kujeneka kuthselela. Vaje vaka liatangela nganda ya kujela havingonde makumi auana na vingonde vivali. ³ Njikatuma vakaleho vange vavali vakathala vikeleya, vakambulula muthimbu ua Kalunga hamatangua aje akupua 1,260. ⁵ "Vaje vakaleho vavali vanapu viti vivali vije via olivela na vindeya vivali vije vinemanena kumexo amuene ua hanthi. ⁴ Nga umo aketheka kuva vulumuna, tuhia tukatunda mu tunua tuavo tuka nongetha vitothzi vavo. Mungila eyi vene uoxe aketheka kuvavulumuna vakamuthsiha. ⁶ Ava vakaleho vali nandthzili yakuvindika maxelua linga niondthzi keti inoke hanthsimbu yakuambulula. Vali nandthzili yakutengulula mema ahimpuke maninga nakuvihitha mavu namiyati yoxe natuyando muoxe muje muva nayongola kulinga. ⁷ Mova namanetha kuambulula lijui liavo, cikaxama uje akatuhuka kucina kacethi namathima akalua ndthzita navo. Aka vahiana nakuvathsiha. ⁸ Mivila yavo vakayala mucitavula yanganda yakama kuje kuvaxukikile muene uavo vayithivuka nguavo Sandoma nambe Engito. ⁹ Vantu vakumiyati yoxe nakuvindaka , nakuvifuti vioxe vakatala kumivila yavo. Kuvakavahana mpoko yakuhaka mivila yavo mumbumbo. ¹⁰ Kuvantu vatunga hanthsi vakalithamba hakuthsa kuavo nakujolela. Vakalitumina mavuana kuli umo namukuavo mukonda liava vapolofeto vavali vanehele tuyando kuli vaje vakala hanthsi. ¹¹ Kunima yamatangua atatu nahalufa mukuua muono uatundile kuli Kalunga uka vakovela, nakuimana hamahindi avo. Liova liakama lika uila vaje vavamuene. ¹² Keho vovuile lijui liakama liakutunda kuilu liahandeka navo ngualio, ''Ijeni kuilu kuno!'' Keho vakaya muilu muli xelua , omuo vitothi vavo vakavatala. ¹³ Havili ije hakele mandunduma akama, namutambela uamulikumi uangandanda uathiukile. vantu vakupua 7000 vakathsa kumandunduma, namukakuohiela akahana vumpahu kuli ndjambi uamuilu. ¹⁴ Kayando kamucivali kanahiti. Taleni! Kayando kamucitatu kalinakuindja. ¹⁵ Kangelu uamucitanu navivali uathikile cimpembo cendi, nalijui liakama liahandekele muilu ngualio, ''Ndthzili yakuniunga mavu mualolo ianapu ndthzili yandjambi nakilistu uendi, akayoya kumiaka yoxe yayaye.'' ¹⁶ Vakuluntu makumi avali navauana, vaje vatumamene havituamo viavo muciyongola candjambi, valiumbilile hanthsi navihanga viavo viakuatele milivu nakulemetha kalunga. ¹⁷ Vahandekele nguavo, ''Xukulu kalunga mukandthzili yoxe, uje aliko nou uakeleko, tukuvundila mounatambula ndthzili yove yakama unaxangumuka kusuana. ¹⁸ Vakakujeneka luthsilielo vaxulile navukalu omuo nthsimbu yavukalu vuove, nthsimbu yakuthompela vathsi nakuhana fueto kuvangamba kuli vapolofeto navantu vakalunga, navaje vakala naliova kuli thina liove, navaje kavethi naseho. Nthsimbu ineja yakuvihitha vaje vavihitha mavu.'' ¹⁹ Tembele yandjambi yamuilu vaixokoluele nacikasa cacimiijo vavimuene mba tembele. Keho kuakele kuviakula kuamihiato, majui, mandunduma, cindindimo naniondthzi yamavue.