Kujombolola muhato 10
1
Keho ndjamuene lalo kangelu mukuavo eja atunda kuilu. Uathalele lixelua nankongolo yamuthengelekele kumutue uendi. Cihanga cendi cafuile ngohoni litangua namahindi endi afuile ngohoni vinguthi viatuhia.
2
Uakele nakalivulu kakandende kakuthenga kaje kovafukuililile muli voko liendi. Uahakele lihindi liendi liacilio mumema nalihindi liendi liacimoxue hanthsi.
3
Uatambekele nalijui liakama ngohoni kuanena kuavindumba. Mua tambekele, mihiato yitanu nayivali yahandekele namajui avo.
4
Muoyahandekele mihiato itanu naivali, ndjakele mungila yakuthona, vunoni ndjovuile lijui litunda muilu ngualio, ''Niunga mbunge yove kuli vije viyinahandeka mihiato itanu naivali. Keti uvicange.''
5
Keho uje kangelu uondjamuene nemana hamema nahantunda uoluele livoko liendi liacilio muilu.
6
Ualithingile kuli uje ayoya kumiaka yoxe yayaye, uje uatangele lilu navioxe vilimo, namavu navioxe viliho, namema navioxe vilimo, nakangelu nguendi, ''Kukukakala lalo kuvihitha nthsimbu.
7
Omuo litangua liakangelu uamucitanu navivali ali muhiehi nakuthika lumbendo luendi, keho kalunga akajombolola lihungu navutumbe vuendi, ngue muambuluilile vangamba vendi navakakuimanena.''
8
Lijui lindjovuile liamuilu liahandekele kuli yange lalo: ''Kaye, tambula livulu liakufukula mulivoko liakangelu uje nemana hamema nahantunda.''
9
Keho ndjayile kuli kangelu nakumuleka andjihane kalivulu kakandende. Ua handekele kuli yange nguendi, ''Tambula livulu lianga ulie. ilinga limo liove likaxaxe, vunoni mukanua kove likapuelelela ngohoni vuki.''
10
Ndjatambuile kalivulu kakandende mulivoko liakangelu keho ndjakalile. Liatovalele ngohoni ngohoni vuki mukanua kange, vunoni kunima indjakalile, limo liange liatamekele kuxaxa.
11
Keho umo uahandekele kuli yange nguendi, ''Una pande kuambulula kuli vantu vavengi,nakuvifuti, nakuvindaka, nakuvimiene.''