¹ Kunima yesu ukuanine methi acho, ua ile nava ndonge vendi musinya likuavo lia Kindone. oko kua kele liha omo mua kovelele yendi na vandonge vendi. ² Ngechi Yunda, ovo ua muendele vungungu nendi ue thivile muhela oho Yesu ue kuli uana muamuingi nava ndonge vendi. ³ Luhua Yunda ua tuamekele mbunga ya masualale navamo va ntuamena vaku tunda kuva mianganavava Sasendote nava Faliseo, vayile kuye nathi lambi namukuale. ⁴ Luhua Yesu uethivile vilinge vioshe via shokolokele kuli yendi uayile kulutue na kuvahula," Yiya muli kutonda?" ⁵ Vamu kumbuilile." Yesu ua Nzareta ." Yesu ua valekele," Yange vene." Yunda, ua muendele vungungu, nendi uemanene nama sualale. ⁶ Omo uava lekele," Yange vene; vahilukile ha nima na kuua hanthi. ⁷ Luhua ua vehuile lukuavo," Yiya muli kutonda?" vahilukila mo mukukuania," Yesu ua Nazareta" ⁸ Yesu ua kumbuluile," njina mi leka nguange yange vene,nga muli konjitonda lingeni tuye. ⁹ Evi linga va puithemo methi a kuaniene;" Aye omua nji hanene , na umo uahi njina thimbaletha." ¹⁰ Kunahu Simone ua kutumbula Petulu, Ou uakele namukuale, uao tuhuitile mo na kuluita ngamba uakama uava Sasendote naku muteta litui liendi lia kuchilio. ngechi lithina liovo ngamba yendi Maleko. ¹¹ Yesu akuaniene na Petulu, "Hiluithilamo mukuale mundalo yavo, kachitava nji kuanie kunganja oyo ya njihanene tata?" ¹² Mbunga ya masualale na mukuluntu uavo, na vakuluntu va vaYundeya, va kuatele Yesu na kumukuta. ¹³ Vamu tuamekele kuli Ananiya, omo yendi ishe muene ya kayifase, ovo ua kele sasendote ua kama ha muaka uacho, ¹⁴ Ngechi kayifase ua kele umo uava hanene manganakuva Yundeya nguendi chikala chachathi nguetu muntu umo athsile vantu. ¹⁵ Simoni ua kuluka Petulu ua suamene Yesu, na mekemo vandonge vakuavo vapangelema, ngechi ovo vandonge va va zhivukilile ku umo uava Sasendote uakama, na kukovela hamo na Yesu muimbo lia Sasendote uakama; ¹⁶ Vunoni Petulu uemanene hanja lia chikolo na vandonge vamo vazhivukile ka Sasendote uakama, ua tuhukile na kukuania nou mukakuimana kuchikolo, na kuneha Petulu munthi ¹⁷ Luhua vangamba va vampuevo, nou muka kuimana hachikolo, ua kuaniene na Petulu," Ove nove keti umo ua vayundeya vou liala?" ua kuaniene," keti yange." ¹⁸ Ngechi vangamba nava kuluntu vamanene oko, vasuamekele tuhia muomu kuakele lithika, na kuli tuimitha avo vavenia Petulu ua kele hamo navo, uemanene kuje nendi nakuli tuimitha ho. ¹⁹ Sasendote uakama kunahu uehuile Yesu kuchamena vandonge vendi na Valongishi vendi. ²⁰ Yesu ua mukumbuluile," Njina kuania kuthituka kumethi. Nja longethele nthimbu yoshe muvi Sinangonga namu vitembele oko va Yundeya voshe venthile kumo viahi njina handeka via muvusueke. ²¹ Vika unji huila yange? Yihula ovo vana njivu kuchamena vika njina kuania talavantu ovo vana zhivuka vika njina kuania ²² Omo Yesu uakuaniene evi, umo ualisualale uemanene kuye ua luithile Yesu na kukuania nguendi." Omo mukemo veku kumbulula Sasendota uakama?" ²³ Yesu ua mukumbuluile," nga njina kuania muaku viha. Sungametha kuchamene kuviha kuacho, vunoni nga vushunga vika una nji vetela? ²⁴ Kunahu Ananiya uamu tumine mu vinkute kumu tuala kuli kayifase Sasendote uakama. ²⁵ Ngechi Simone ua kutumbula Petulu uemanene na ku lituimitha endi vavenia vantu vamu hulile; Ove nove keti umo ua vandonge vendi?" ²⁶ Umo ngamba ua Sasendote ua kama, oa kuaniene nguendi." kunja kumuene mulihia hamo nendi." ²⁷ Kunahu Petulu ua livianene luhua; vuathi-vuathi ndemba uantambekele. ²⁸ Kunahu va tuamekele Yesu kutunda kuli kayifase kuya kumutue uakama ua nguvulu. Ovio viakele kuchimene mene. kuva kovelele kumutue uakama ua nguvulu linga keti vavi zualethe vunoni va vuahe kulia Pasovala, ²⁹ Pilatu ua tuhukile hali vavo na kukuania nguendi, " Vika muna vangeya ku neha ou liala ?" ³⁰ Vamu kumbuluile na kukuania nguavo, " ou liala nga keti muka kupanga vupi, nga kutua mu hanene kuli yove," ³¹ Pilatu ua lekele nguendi," Munoneni eni vavenia na ku pangula kusuama kulishiko lieni" Vayundeya vamu kumbuluile," ku kuethi lishiko kuli yetu kuhaka nkala muntu ku kutsa," ³² Va kuaniene evi linga majui a Yesu apuemo o akuaniene kuinikile ngue ku kuthsa muka akathse. ³³ kunahu Pilatu ua kovelele luhua kumutue uakama ua nguvulu na kuthana Yesu na ku muleka nguendi, " Ove muene ua va Yundeya?" ³⁴ Yesu uava kumbuluile, uli kukuania hali yove vavenia ndi vamo veka vana kukuania mo kutiamena ange?" ³⁵ Pilatu ua kumbuluile," ange keti ku Yundeya, Ange? vantu vove na mukuluntu uava Sasendote na njihane yove kuli yange vika una pange? ³⁶ Yesu ua mukumbuluile nguendi," Vumuene vuange keti vua chifuti chino nga vumuene vuange vuali vandakanene na chifuti echi kunahu vangomba vange kuatha kulua linga keti vanji hana kuva Yundeya, vunoni vumuene vuange keti vua ku tundilila hano," ³⁷ Pilatu ua kumbuluile nguendi, "kunahu ove umuene ?" Yesu uamu kumbuluile una handeka nguove ange nji muene. lia chikuma echi vanji vembela. na chikuma echi njinenja muchifuti, nji shungamethe vushunga, nkala umo ua tiamena kuvashunga evue kuli lijui liange. ³⁸ Pilato uamu kumbuile nguendi, "Vusunga vika" Omuo uovuile ahandeka evi, uatuhukile lalo ku vaYundeya nakuhandeka nguendi, "Kunja uanene mulonga ou liala. ³⁹ Vunoni muli nalishiko mukuttuhuitha muntu kuli yeni ha passovala. Muyongola njimi tuhuithile muene uava Yundeya kuli yeni? ⁴⁰ Keho vantu valilile lalo kutuvakana, "Keti ou muntu, vunoni Mbalanambasa." Ngeci Mbalanambasa uakele cilingilingi.