¹ Kunima Yesu ua kuaniene ovio, ua talele mesho endi muilu na ku kuania, "Tata, nthimbu yineja, shangala munove na munove lalo aku shangale yove- ² ngechi mo ua muhana mpoko ku nthitu yoshe muku hana muono ua miaka yoshe ku nkala uoshe uje yo ua muhanene. ³ Ou u keuo muono ua miaka yoshe: Muku ku thivuka, yove lika Kalunga ua vuchili, kuli ou yo ua tuma, Yesu Kilistu. ⁴ Njaku shangalele hanthi. Njina mane vipanga vio ua nji hana yange nji vi pange. ⁵ Ngechi, Tata, nji shangale muli yove vavenia na vishangala vio njakele navio kulutue chifuti va chi pange. ⁶ Njina jombolola lizhina liove ku vantu vaje vo ua nji hana yange muno mu chifuti. Vakele vove, ua njihana vo yange, avo va niunga liji liove. ⁷ Mualolo vana thivula vioshe ovio vio ua njihana yange via tunda kuli yove, ⁸ Nja vahana vioshe nja vahana liji liove lio ua njihana yange. Va litambula na vuchili va thivuka nguavo ange nja tunda kuli yove, va vitava nguavo yove ua nji tuma. ⁹ Njiva lombela, konje ku lombela chifuti vunoni vaje vo ua nji hana, mukonda vakevo vove. ¹⁰ Vioshe viange viove, na viove naua viange, ange nji vishangala muli vikevio. ¹¹ Ange konja kele mu lifuti naua, vunoni avo va mulifuti, ange njija kuli yove. Tata ua kujela, va hake mu lithina liove olio lio ua njihana yange muku pua vamo lika, ngechi mo tua kala nove nange tuvamo. ¹² Omuo njili navo, njina va pungula mu lithina liove, lije lio ua njihana. Njina vanuingu vakevo na umo uahi na nthsi, kutundithako vana va ku tanganetha, linga mathona a pue mo. ¹³ Ngechi njija kuli yove, nange nji kuania vino vilinge mu chifuti linga va kale na kulithamba kuange muli yavo vavenia. ¹⁴ Njina va hana liji liove na chifuti china va zhindi vakevo, mukonda avo keti va ka mafuti. ¹⁵ Konja kuihuile yove nguange uva tundithe mu lifuti, vunoni yove uva niunge kuli uje mukua kuviha. ¹⁶ Avo keti va ka lifuti, ngechi mo nja kala yange keti muka lifuti. ¹⁷ Vahake ku mutamba ueka kuhitila ha vuchili, mukonda liji liove vuchili. ¹⁸ Ngechi mo ua njituma yange mu chifuti, nange njina va tumu lalo mu chifuti. ¹⁹ Mukonda liavo mukemuo njina li kundika ko ange vavenia, navo lalo va likundike ku vuchili. ²⁰ Njinalombo keti kuliyove, lika vunoni kuvoshe vatava yange kuhitila mliyo liavo. ²¹ Linga voshe vakale vamolika ngechi mouakala yove, tate muli yange nange muli yove, navolalo vakele muli yetu linga chifuti chitave nguacho yove uanji tuma. ²² Vishangala evi viouanjihana yange. Njina vahanavio kulingila vakale vamo lika, ngechimotua kala tuvamo; ²³ Ange mulivakevo ove muliyange mukuvaneha mukumanetha muvamo. linga chifuti chithivuke nguacho uanjituma, mbalalo vayongola ngechi mouanjiyonguele yange. ²⁴ Tata njiyongola ava ouanjihana yange konja kala nakumona kushangala kouanjihana yange mukonda uanjiyongola kulutue yaluvula lua chifuti ²⁵ Tate uavungalu, chifuti kochi ku thivuka yove, vunoni ange njikuithivuka; navovathivuke nguove yove uanjituma . ²⁶ Njinalingilithina liove valithivuke vakevo nachithango linga vathivuke linga chilemo ocho chouanjilema yange chikalemulivakevo, nange njikale mulivakevo."