¹ Yange chiti cha vuala vua chili, Tata ikeye vavenia lihia. ² Muntango uoshe ko e kuima vushuka muliyange, au tundithako; kehomuntago uoshe uima vushuka au vuahetha linga uime vushuka vu kiuavo. ³ eni muna toko laja mukonda lijui linji nakuaniene. ⁴ Kaleni muli yange , nange nji kale muliyeni ngue muntango ku uatha kuima vushuka lika liavo, kuvanga ukale muchiti cha vuala; ngoco eni kumuatha, kuvanga mkale muli yange. ⁵ Yange chiti cha vuala, Eni muntango.ou akala muliyange, nange nji kla mu li yendi, ikeye vene ema vushuka vua vuingi; mukonda muku litepa nange ko muatha na vuino viahi. ⁶ Nga umo kakala muli yange; vaka muimbila kuti ngue muntago, keho ulelenketa; keho vaka ikungila hamo va yumbila mu tuhia, keho ithilila. ⁷ Nga mukala muli yange, namajui ange a kala muli yange, lombeni nkala chuma cho muyongola. keho vaka milinga lavio. ⁸ Mukemuo muka shangalaTata,nga muima vushuka vua vuingi; hakeho vaka muthivukila nguovo muva ndonge vange. ⁹ Ngue amo Tata uanji yongolaange, nange nji miyongola eni; ¹⁰ Nga mu niunga mashiko ange, mukakala mu chilemo change; ngue omo njina nuingu mashiko a tata. mukemo njika kala mu chilemo chendi. ¹¹ Vuima evi vinja kuaniakuli yeni, linga kujolela chnge chikale muli yeni; keho ku jolela cheni vhi puithemo. ¹² Eli likelio lishiko lionge, linga muliyongole umo namukuavo ngue omo yange nja miyongola. ¹³ Na umo uahi ali na chilemo cha kama cha kutuvakana eli-umo atulile vava thamba vendi muono uendi. ¹⁴ Eni muvavu thamaba vange ngamu liga evi vinji na mu shika. ¹⁵ Konja mutambula lalo dthingamba vange, mukonda ngamba kathi vuka vije vialinga shokuina; mukonda vioshe vio nji novu kuli tata njina lekethavio ¹⁶ Keti yeni muanji hanguile ange, vunoni yage njami hanguile eni, na kuinika yove linga muye na kuima vushka, ngocho linga vushuka vueni vuka kaleleho; ngocho nkala chuma. cho mukalomba kulu tata muli dthina liange, akamu hanan vio. ¹⁷ Evi vikevio vuima vio nja mishikile, linga mu lileme umo na mukuavo ¹⁸ Nga vaka hanthi vaka nui zhinda, munathivka ngueni vana nji zhindi ange munthimbu kanda va ni zhinda yeni. ¹⁹ Nga muakele vaka hanthi, nga vaka hanthi vali yonguele ovo va venia. vuno mukonda yeni kati mu vaka hanthi, ngocho vene vaka hanthi vaka mi zhinda. ²⁰ Vulikeni lijui lio nja milekele, ngamba ka tuvakana shokuaina. nga yange vanji yandethele, nga vaka miyandetha nevi lalo; ngava nuingile lijui liange, vaka nuinga lieni lalo. ²¹ Vuno honi vaka linga evi vioshe nevi mu lizhina lionge, mukonda kova muthivuka uje ua nji tumine. ²² Nga konja thile nakukuania navo, nga kova kele na vupi; vuno honi mualolo kova haha ku liviana mulonga uavo ua vupi vuavo. ²³ Ou ua nji zhinda yange, azhinda tata lalo. ²⁴ Nga konja lingile vikuama evi hakati kavo nga naumo uahi nek vilinga, nga kovakele na vupi; vuno honi mualolo vana mono naku tu zhinda tu vavuoshe tu vavali nange na Tata. ²⁵ Vuno echi cha jomboloka linga chika pue ngue lijui lije lio va thonene mu lijui lia lishiko liavo, nguavo,vanji zhindi ngocho na kambalekelo kahi. ²⁶ Vuno omo mukauthi enja,, iye yo nji katuma ua kuli tata. ikeye, Sipilitu ua vusuna vene, atunda kuli tata ambulula vumbangi vuange. ²⁷ Neni lalo muka ambulula vumbangi, mukonda muma kala nange kutunda haku livanga.