¹ Ngoco omo miaka iavali ya mutuntu ena ehiti, Falao ua lotele ijozhi; Taleni ue manene ku ndoga ya Nile. ² Taleni kundonga ya Nile, kua tuhukile vingombe vitanu na vivali, via ku lelema viaku hindala; Keho via lile muila mu chihongo. ³ Taleni, vingombe vikuavo vitanu na vivali via tuhukile ku ndonga ya Nile, Kunima kuemanene vingombe, via kutuakuluka, na ku konia; Keho viemanene hamo na vingombe vikuavo viemanene ku mukolo ua ndonga. ⁴ Keho vingombe vije via kuluakuluka viaku konia via lile vingombe, viye vitanu na vivali viaku lelema na ku hindala, Ngoco Falao ua tungumukile. ⁵ Keho ua lilile mu tulo ualotele njozhi nthsimbu yamu chivali; taleni uamuene makathi atanu na avali a vimbuto a shokele ku cisati cimo lika, vikevio longela vino na via cili. ⁶ Taleni, aje makathi atanu an ivali, aku hekuiya via kuthilila na mpundzhi ya tundile kuvu kilo, via shokele kunima yavio. ⁷ Keho makathi aje aku hekuiya, aminine aje makathe atanu na avali via kulongela vuino na vinona, Keho Falao ua tungumukile, taleni ei yakele njozhi. ⁸ Keho ca kele ngeci omolia kile cimene spilitu yendi ya lungalile; Keho uatumine vaka thanene vimbanda voshe vamu Ingito, nava kamana voshe; Keho Falao uavalekethele njozhi yendi; vunoni ka kua kele naumo uahi ua hathele ku ilangulula vuino kuli Falao. ⁹ Mukuluntu uava kaku makela via kulia ua handekele na Falao nguendi, nji na vuluka monja kele mu milonga yange litanua lia lelo; ¹⁰ Falao ua handukile vukalu na vangombe vendi, vanje shokele muka menga munjivo ya Kapitau uava ka nuinga, yange na mukuluntu uaka kupanga mbolo; ¹¹ Netu tua lotele vinjozhi ku vuthsiki vumo lika,nendi nange; kumuntu ku muntu tua lotele vinjozhi ngue kuki langunuka ca njozhi yendi. ¹² Kuje kukanunge tuakele na umo mukuenje,ua ka Hevelu, ngamba ya Kapitau mu ka kumi nuinga; Keho tua mulekele, na ikeye uatu languluilite vinjozhi vietu; Kumuntu-kumuntu ua mu langulule ku tuala ku njozhi yendi. ¹³ Mukemuo mo ca kele,muje mutua languluile, mu via puile; Ange vanji hiluithilile ku vipanga viange,na vamu thsihile. ¹⁴ Keho Falao ua tumine na kuthana Yosefe, keho vamu tuhuithile vuathi muka menga; ikeye vamu teuile mu njezhi uendi, na ku tungulula vi zhala viendi, na ku kovela kuli Falao. ¹⁵ Falao ua handekele na Yosefe nguendi, ange njina loto njozhi,ka kuethi na umo uahi ahatha kuilangulula; njina kuvu kuvantu nguavo ambe unov njozhi u hatha ku ilangulula. ¹⁶ Yosefe ua kuaniene Falao nguendi, Evi keti kuli yange vavenia, Kalunga aka hana kuli Falao kumu limbulula mu chiyulo. ¹⁷ Falao ua kuaniene na Yosefe nguendi, Tala, mu njozhi yange, ange nje manene ku mukulo ua ndonga Nile. ¹⁸ Taleni, ku ndonga ya Nile,kua tuhukile vingombe vitanu na vavali, viaku hindala na ku lelema; vilia muila mu cihongo. ¹⁹ Taleni vingombe viavio vitanu navavali via tuhukile ku nima yavio, via ku viha via ku konia, muaka via ku tuakuluka, na kuviha kuavio kanda nji vi mone lumo mu chiluti coshe ca Ingito. ²⁰ Na vingombe via kukonia, via ku luakuluka via lile vingombe vije via ku livanga via kuhindala. ²¹ Omo vana vili; laja, vioshenjua, muntu kathele kuvi zhivuka nguendi vana vili; Vunoni nolo vene kuvimona via fua kuluku, ngue muje movia kele laja, Ngoco nja tungumukile. ²² Vikevio vi nja muene mu njozhi yange, Taleni makathi atanu na avali via shokele ha cishati cimo lika, viaku shula navinona via cili. ²³ Taleni vije vitanu na vivali via makathi via kuthithua, via shokele ha nima yavi kuavo. ²⁴ Aje makathia ku thithua a nuinine aja makathi atanu na aval aku tnginia, Keho nja ilikele kuli vimbanda; Vunoni kokua kele na umo uahi uathele kunji languluilayo. ²⁵ Yosefe ua handekele na Falao nguendi, " Oyo njozhi yove Falao ikeyo inapi ino lika. Vije Kalunga via yongola kupanga, vikevio na leketha ku liove Falao. ²⁶ Vije vingombe vitanu na vivali via kuvuaha vikevio vinuka miaka itanu na ivali; a aje makathi mutanu na ivali via kuvuaha, vikevio vino ika miaka itanu na ivali; Njozhi ya co ikeye imo lika. ²⁷ Vije vingombe via ku konia na ku fuakuluka via tuntukile kunima ya vikuavo ikeye inuika miaka iatanu na ivali, Na aje lalo makothi atanu na avali aku thithuana ku thilila ku mpunzhi ya ku tunda kuvu kilo; Ikeyo inapu miakaiatanuna ivali va njala. ²⁸ Vikevio vije vio nja handekele na Falao; Vije Kalunga ayongola kukapanga navi lekethe laili Falao. ²⁹ Tala ku keja miaka itanu na ivali; ya cindambo ca kama kucifuti coshe ca Ingito. ³⁰ Keho kunima yayo kenja miaka itanu na ivali ya lilumbu lia kama; voshe va kevala mucifuti coshe ca Ingito; na njala ikalia cifuti' ³¹ Na cindambo cije vuluka omo njala ika shuamako; mukonda ika vihitho muakama. ³² Evi vikevio njozhi viye thilile luvali kuli Falao, mukonda Kalunga navi handeka, keho Kalunga aka vineha vuathi-vuathi. ³³ Ngoco vene Falao ua hanguile mumala umo ua ku zhangama uamana, keho a muhingithe mu cifuti ca Ingito. ³⁴ Keho Falao avihinge, A hangule nzhi ntuamena mu cifuti, na kuvaleka vaku nguiye vimbuto kumu tambela uamu citanu ua cifuti ca Ingito ku miaka ije itanu na ivali ya cindambo. ³⁵ Eceleni vakevio vakunguiya vimbuto vioshe ki miaka ya cili ci ikeja kulutue na kupungula vimbuto ku mpoko ya Falao,ovo via kulia vio vaka pangetha muimbo. Vana pande kuvi nuinga vuino. ³⁶ Na via kulia vio tuka vazhelamu cifuti mu miaka ci itanu na ivali va njala ika kala mu cifuti coshe ca Ingito. Munjila ci vene cifuti linga keti vaka landuke ku njala." ³⁷ Aa mana akele cili mumatua Falao namu matui vangamba vendi voshe. ³⁸ Falao ua handekele na ngamba vendi nguendi, Etu tuatha ku uana mumala umo muli Ikeye ua kala na Spilitu ua Kalunga? ³⁹ Keho Falao ua handekele na Yosefe nguendi; omo Kalunga liketha vioshe vi, Ngoco kokuethi uaye uaku zhangama, ua mana ngeci muove. ⁴⁰ Ove uka tumina mu njivo yange, ngue kulizhi liove uka tumina na vantu vange voshe; kuvanga lika ha ci tuano cange ca vamume yange lika nja ku tuvakana. ⁴¹ Falao ua lekele Yosefe nguendi," Tala ange nji na ku hako helu lia cifuti coshe ca Ingito." ⁴² Falao ua tundithile mumunga uendi ua cizivukitho ku livoko liendi, na kuuzhika ku livoko lia Yosefe, na kumu zhika vi zhala via linu vua ku vuaha. vamu zhikile lilenge liendi lia mucivali mu bthsingo yendi. ⁴³ Keho ua mucendethele mu litemba lia mucivali lije lia kele na lio; Keho va tambekele ku lutue luendi nguavo, thsika ; Keho vamuhingithile mucifuti coshe ca Ingito. ⁴⁴ Falao ua lekele Yosefe nguendi, ange yange Falao, Ko kuethi muntu na umo uendi aka zhundula livoko liendi nambe muonja uendi mucifuti coshe ca Ingito kuvanga vove lika. ⁴⁵ Keho Falao ua mulukile Yosefe lizhina lia Zafenate-Panea; keho vamu hanene Asenate akale mukentu uendi, ikeye muna Poti-Fela Sasendote ua one, keho Yosefe ue ndanganene mu cifuti coshe ca Ingito. ⁴⁶ Na Yosefe ua kele na miakamakumi atatu omo ue manene kumesho a Falao muene ua Ingito. ⁴⁷ Mu miaka ije itanu na ivali miaka ya kuvuaha mucifuti vonguluile via kulia mucifuti muakele lipemba. ⁴⁸ Endi uonguluilevia kulia vioshe via miaka ije itanu na ivali viakile mucifuti ca Ingito na ku pungula via kulia vije mu membo; na ku pungula ku nkala limbo via kulia via shulile kuoshe mucifuti ca Ingito. ⁴⁹ Yosefe ua punguile vimbulo via vingi kuilana kuavio ngue musheke uaku lifuta, noho va likelele ku itanda, mukonda koya tavele ku tanda. ⁵⁰ Yosefe ua kele na vana vendi vavali vava mala tekonda uhete miaka ya Njala, Ikeye Asenate, muna Poti-Fela sasondote ua One, Lishima liange. ⁵¹ Yosefe ua hilukile mona ua mbeli Manase. Ua handekele nendi," Nguendi, Kalunga nanji valetha ku vitanga viange vioshe na ku njivo yoshe ya Tata. ⁵² Keho ua lukile mona ua mu civali ua lizhina lia Efalimi; Ua handekele lalo, Nguendi," Kalunga nanji hana vanike mu cifuti ca tuyando tuange. ⁵³ keho miaka ije itanu na ivali yali pemba mu cifuti ca Ingito ya huile. ⁵⁴ Keho omo miaka Itanu na Ivali ya njala yashangumukile kuinjam ngue mua handekele Yosefe; Keho kuakele njala mucifuti coshe'; Vunoni mucifuti coshe ca Ingito muakele viakulia. ⁵⁵ Omo cifuti coshe ca Ingito co vuile njala, vantu voshe va tambakanene viakulia kuli Falao; Keho Falao ua handekele na vaka Ingito voshe nguendi," Yeni kuli Yosefe; Vije via ka mileka vilingeni. Na njala yakele hano hanthsi hoshe; Keho yosefe ua shokuelele vishete vioshe viaviakulia na kuli landetha kuli va Ingito; ⁵⁶ Na njala yelanene mu cifuti ca Ingito. ⁵⁷ Keho vifuti vioshe viezhile mu Ingito kuli Yosefe muku landa via kulia, muomu njalaye lanene hamo hanthsi hoshe.