¹ Ngeci linoka lia na mana amengi ku tuvakana tuthitu vakuavo vaje va tangele Kalunga. Ua handekele na mukenu, " Kalunga vene ua handekele nguendi, keti mu kalie ku nkala chiti vene liha? ² Mukenu ua handekele na linoka," Tu kalia vushuka vua ku viti viamu liha, ³ Vunoni kutuala ku muti ua hakati ku liha, Kalunga nguendi, " keti tulie ko, keti k kuata ko, ndi Utsa." ⁴ Linoka ua handekele na mpuevo, "Vushunga chili kou katsi, ⁵ Muomu Kalunga na tivuka nguendi litangua muliako mesho eni kashaka, muka kala ngue Kalunga kuthivukavia vingulu nevi via vuvi," ⁶ Omo napuevo ua talele kuchi ti chakele mua mungulu ku via kulia, chamu lekethele muachili ku mesho endi, na chiti cha yonguethele umokuthangama, ua tambuileko vushuka vumo ua lile, kunahu ua hanene ko lalo kumu mala uendi, ovo ue kele nendi, na kulia ko. ⁷ Mesho ava asukile, va thivukele nguavo vali mushe ngashenga. vali tongelele vimaho via muku vavali fuike avo vavenia. ⁸ Vo vuile Kalunga ali na kuenda muliha ku chinguethi cha litangua, liala nampuevo yendi va vandale ku mesho a Kalunga mu kati ka viti viamu liha. ⁹ Kalunga ua thanene liala na kumu leks nguendi, "Kuiko uli" ¹⁰ Lialo ua handekele, "Njina kuvu mu liha, njina kele na liova, mouma njili mushengashenga. ngechi njina vandela," ¹¹ Kalunga ua handekele nguendi yiya na kuleke nguendi una kale mushengashenga? munali ku chiti chiye nja ku lekele nguange keti ulie ko." ¹² Liala ua handekele, " mukenu ou ua njihanene ku kala hamo nange, Ikeye na nji hane vushuka vua kutunda ku chiti, ngechi njinali," ¹³ Kalunga ua handekele na mpuevo nguendi," Vika evi una panga?" mukenu ua handekele. " Linona lina nji kuitha ngeci njina li," ¹⁴ Kalunga ua handekele na linoka, "Muomu una pange evi, Una lithingi ove vavenia ha kati ka vimuna vioshe na tuthitu voshe vamu liha. Na li kungu ukalia matangua oshe aku yoya chove. ¹⁵ Njika haka vutothi ha kati kove na mukenu na ha kati ka mbuto vove na mbuto yendi aka pupa kumutue vove , nendi aka ku shuma ku lilumba," ¹⁶ Ku mukenu vamu lekele ngundi, " Njike lanetha ku vuvala kua kama muku uana vanike. Chiyongola chove chika kala kulila liove, vunoni aka ku tumina." ¹⁷ Andama , vamu lekele nguendi, " Muomu una tolila ku lijui lia mukenu uove, ngechi unali ku chiti, ku kundama ku yije njami shikile kuhandeka nguange keti mu kalieko, Livu lina li thingi muomu love; kuku panga kuove ukalia kuma tangua oshe amuove uove. ¹⁸ Njika haka vutothi na kayando muomu hali yove, na kulia vishoka via mu liha. ¹⁹ Na li tukuta lia kuchihanga chove u kalia via kulia. noho uka hiluka ku livu, muomu ku keko va ku pangela. Muomu ove uli kunge na ku likunga uka hiluka," ²⁰ Kunahu liala uathanene yi mukenu uendi ua lithina Eva muomu endi ua puile va Yina vamu shovo yoshe. ²¹ Kalunga ua pangele Andamuna mukenu uendi vuthalo vua Chikanda naku vathaleka. ²² Kalunga nahandeka nguenndi, " Ngechi muntu na lifu ngue yetu honi, kuhivuke via vingulu nevi via vuvi, Linga keti vamu tavetha livoko liendi kuheta ku chiti cha muono alieko, naku yoya kuka lelelaho." ²³ Ngocho Kalunga uva tundithilemo mu liha lia Endeni, vaka lime kulivu liye kuva tundile. ²⁴ Kalunga ua tundithile mo liala muliha, naku mu haka kumu hela ua Selumbini uaku va chelo ua liha lia Endeni, na mulengi ua muele ua tengulukile nkala kuoshe, Chikuma muku takametha vingila viaku chiti cha muono.