¹ Kunima ya vuima evi Kalunga uathekele Avilahama. Ua handekele nendi, "Avilahama" Avilahama ua taveleka nguendi, " Yange uno". ² Kalunga ua mulekele, Tambula munove ua ndualume, ouo vene umo lika, uouayongola, Isake, na kuya kumuhela ua Moliya. Uka mukombeleye kupua nkombelo ya kuenyeka kumukinia, uje undji kakuleka, ³ Keho Avilahama ua hindukile cimene-mene cakama, ua kutile chindongi, ua tambuile vana vendi vava ndende vavali vaye nendi.hamo lika na munendi Isake. ua tavuile vikuni via nkombelo ya kuthsimika, mukemo mua tamekele vungendhi vuendi; aye kumuhela uje uamulekele Kalunga. ⁴ Kulitangua liamu chitatu Avilahama ua hetukile ua muene muhela uli hale hale. ⁵ Avilahama ua handekele navana vendi vavandende, " Thaleni aha nacindongi, Ange na munange tuyako,muku kamuthsikamena ndji keja ndjakumi uana, ⁶ Keho Avilahama uatambuile vikuni via nkombelo ya kuthsimika ua vituikile munendi Isake. Mukemo mua tambuile tuhia na mpoko; keho voshe va yile kumo. ⁷ Isake ua handekele na yishe Avilahama nguendi, " Tata." ua handekele nguendi, "Yange uno munange," ua handekele nguendi," Tala, ndjina mono lika manungu atuhia navikuni, keho kuiko ali muna yindjui ua nkombeloya kuthsimika. ⁸ Avilahama ua handekele nguendi ," Kalunga endi vavenia atuhana yindjui ua nkombelo ya kuthsimika, munange "keho vayile voshe kumo lika. ^{9 10} Keho mo vedhile kumuhela uje uava lekele Shuku, Avilahama ua tungile mutala kuje vene keho vahakeleho vikuni. Keho mukemo mua kutile munendi Isake, uamu langekele ha mutula, helu lia vikuni. Avilahama uoluele livoko liendi naku tambula mpoko a thsihe munendi. ¹¹ Keho kangelu ua Kalunga uamuthanene kutundilila muilu ua handekele nguendi, " Avilahama, Avilahama! " ua tavele nguendi " Yange uno, ¹² " Shuku ua mulekele nguendi, " Keti u kambeke livoko liove hamu nike, nambe chimo chakumu lemeka ikeye. ngeci ndjina dhivuka nguange ua teua Kalunga, Kalunga, na mono nguendi koua vianene, kutshiha munendiumo lika uaku tunda kuli yange. ¹³ Avilahama ua hetukile uatala kuilu, uatalele kunima uamuene cizamba ca yindjui uaku mbindomoka vimbinga mu cihumbu. Avilahama ua yile ua tambuile yindjui uamu hanene kupua nkombelo yaku thsimika ahingithe mumu nendi. ¹⁴ Avilahama ua tumbuile uje muhela, "Kalunga atu hana," uavi handekele kuli tangua eli "kumu kunia ua Kalunga ikeye uekuhana." ¹⁵ Kangelo uaKalunga ua thenene Avilahama nthimbu yamu civali muilu. ¹⁶ Ua handekele nguendi-ovu vukevo vumbangi vua Kalunga-Ndjina lithingi ange vavenia mukonda eni mna lingi evi, keho koua vindikile kundji hana munove umo lika. ¹⁷ Ndjika ku vuavuetha na kuilanethadhi ntekuluila dhove ngue dhi ntanga ntangadha muilu, ngue mudheke uli kumukulo ua ndonga yamema a Kalunga; Na dhintekuluila dhove dhika shoka cikolo ca vitodhi vove. ¹⁸ Muli dhi ntekuluila mishova yoshe ya hanthi yika vedhuka, mukonda unatava kuliyi liange. ¹⁹ Avilahama ua hilukile ku vana vendi vavandende vavali, vayile voshe hamo lika ku Mbeleseva, kuje kua tungile. ²⁰ Munima yevi viuma Avilahama vamulekele, nguavo, "Mileka ua themene vanike, nendi, kuli munanoko Nahole. ²¹ "Mbeli uze uakele, Buz munaina uamumala ua kele. Kamuele yishe ya Alama. ²² Kased, na Haze, na Yindelafe na Mbetuele. ²³ Mbetuele uakele yishe Lembeka, ava vakevo tukeke va themene mileka hali Nahole, Munaina ya Avilahama. ²⁴ Muka cihaleko cendi, uali dhina Leuma nendi ua thamene Teva, na Ngahame, na Tahase, na Maka.