¹ yehova uatolilile Sala ngue muavikuaniene, keho yehova uapangelele Sala ngue mua mu tumbuile. ² Sala uakele nalimo keho mukemo mua themene kanike ua liala kuli Avilahama muvukulupe vuendi, kunthsimbu oyo vene yamulekele ndjambi. ³ Avilahama ualukile mona, ou uathemukilile kuliendi, ou uamuthemenene Sala, Isake. ⁴ Avilahama ualovuele munendi Isake muakele namatangua atanu na atatu, ngue muamuixikile ndjambi. ⁵ Avilahama uakele namiaka cihita mua themukile mona Isake. ⁶ Sala nguendi, ''Ndjambi nandjijoletha; nkala uoxe aviuvua andjijolethako.'' ⁷ Uakuania lalo nguendi, ''Iya nekuhandeka na Avilahama nguendi Sala a ka amueka vana, keho ngeci ndjina muthemena mona ualiala muvukulupe vuendi!'' ⁸ Kanike uakolele keho vamuxumuine, Auilahamo muakemo muapangele cilika hakuxumuna Isake. ⁹ Sala uamuene muna Hangale muka Ingito, uje uathemenene kuli Avilahama, a thembulula. ¹⁰ Keho uakuania na Avilahama, ''Tundithamo ou ndungo uamukentu namunendi, muomu muna you mukentu uavundungo kakakala suana namunange, na Isake.'' ¹¹ Evi viakolelele avilahama muomu munendi. ¹² Vuno honi Kalunga uakuaniene na Avilahama, ''Keti ukale navixoti muomu liouo munove, muomu lalo liova mukentu uandungo. Tolila vioxe viakuleka kuvitanga evi, muomu muli Isake muakemo mukavalukila mixovo yove. ¹³ Ndjikalingitha lalo munove uakali ndungo muxovo muomu nendi munove. ¹⁴ Avilahama uahindukile cimene mene cakama, uanonene viakulia nangalafa yamema, naku ihana kuli Hangale, namutuikayo hacithsili. Uamuhanene mona keho uamutuma kuako. Ua tundileko nakukendangana mumuthenge Mbeleseva. ¹⁵ Muahuilemo mema mungalafa, uathile munendi muvihumbu. ¹⁶ Keho uaile, uakatumama kuje kuna luxondoloka nendi, ngue ndavi vanaxa kulunguxa, muomu nguendi, ''Keci ndjimoneko muathsa munange.'' Mua tumamene thinia lije lia mona, uatambakanene nakulila. ¹⁷ Keho ndjambi uovuile lijui liakanike, nakangelu kandjambi uatambakanene Hangale, na kumuleka nguendi, ''Vitanga muka uli navio, Hangale? Keci uteue, muomu ndjambi novu lijui liakanike muje muali. ¹⁸ Katuka, hindula kanike, nakumukaniameka, muomu ndjika mupuitha muxovo uakama.'' ¹⁹ Keho ndjambi uemuine mexo endi, keho uamuene lithima liamema. Uaile uaka xulitha limungalafau na mema,keho uanuitha kanike. ²⁰ Ndjambi uakele hamo nakanike, noho uakulile. Uatungile mumuthenge keho uapuile ciyambi. ²¹ Uatungile mumuthenge ua Palane, keho vaina vamu uanenene mukentu mulivu lia Ingito. ²² Keho muviakele kunthsimbu ije Avimeleke na Fikole mukuluntu uavakandthzita vakuaniene na Avilahama, nguavo, ''Ndjambi ali nove muvioxeviupanga. ²³ Kehohoni lithinge kuli yange muli ndjambi nguove kuukalikuitha kuitha kupanga nange, nambe navana vange nambe navatekulu vange. Leketha kuli yange nacifuti cije ciuakele ngodhi ngue mundjaliuvuathanene nove naluthselelo lundja lekethele kuliove.'' ²⁴ Avilahama nguendi, ''Ndjina lithingi.'' ²⁵ Avilahama nendi ua tatokela Avimeleka kulithima lia mema lijje liva munyekele vindungo via Avimeleka. ²⁶ Avimeleka nguendi, "kunjadthivukile nguenge iya napanga cuma eci. Ku uavangele kunjileka; nolo njiviuvue mpano lelo lika." ²⁷ Keho Avilahama ua tambuile vingombe keho uavihanene kuli Avimeleka, Keho valiuvuathanene. ²⁸ Keho Avilahama uapanguileho vana vavinjui vatanu na vivali vialuhavo halikaliavio. ²⁹ Avimeleka uehuile Avilahama, "Vika vina languluka halievi vinjui via lunhavo vitanu na vivali viouna pangula halikaliavio?" ³⁰ "Ua mutava, "Evi vinjui vitanu na vivali via luhavo uka vitambula mulivoko liange, linga vika kale vukaleho vuange, nguavo yange nja lihinda lithima eli." ³¹ Keho mukemuo mualukile muhela uje nguendi Mbele-seva, muomu hakeho hova lithingile voshe. ³² Vakevo vahakele kuliuvuathana kuje ku Mbele-seva, keho lalo Avimeleka na Fikole, mukuluntu ua vaka ndthita, vahilukile ku cifuti ca Filisitiya. ³³ Avilahama ua tombekele citi ca tamalisiki mu Mbele-seva. Kuje uashangalele Yehova, Kalunga uamiaka yoshe. ³⁴ Avilahama ua kele ngue ngendthi mulivu lia cifuti cava Filisitena matangua amengi.