¹ Avilahama uendele uendele uataleketha kucifuti caNagevu, keho uatungile hakati kaKandeshi naSulu. Endi uakele mungendthzi muGerar. ² Avilahama uatumbuile viakuhata kuli Sala mukentu uendi, ''Ou mukuendje uange uamukentu.'' Keho Abimelech muene uaGerar uatumine Sala nakumutambula. ³ Vunoni ndjambi uedhilekuli Abimelech muvilota muvuthsiki, nakuhandeka nendi nakumuleka nguendi, ''Tala, ove uathsa laja muomu ou mukentu you natambula uambala.'' ⁴ Ngeci Abimelech kedhile muhiehi nendi nakumuhandeka nguendi, ''Muene, ove nkuma kuthsiha muyati uli muvucili ndi? Nkuma kandjilekele nguendi mukuendje uange ndi? ⁵ Kuma keti vavena uandjilekele nguendishongo yendi? Nambe vavena nguendi ou munanana? Muomu mundja vipangele evimuvucili vua mbunge yange kondja pangele viakuviha?'' ⁶ Keho Kalunga uamulimbuluile mucilota nguendi, ''I cili, ndjina vidhivuka nguange ove uavipanga nalijui liacili lia mumbunge yove, nange lalo ndjavindikile kulinga mulonga kuliange. Ange lalo kundjakutavethele kumuhuma. ⁷ Mukemo muhiluithe mukentu uambala, endi mupolofeto. endi akulombelela, keho ukovoke. Amba kou muhiluitha, yove vene kuthsa yove vavena nalimbo liove lioxe mukathsa.'' ⁸ Abimelech muje muahindukile cimene mene cakama uathanene vangamba vendi voxe. Uavalekelevio mudhimbu uamulekele shuku, vakele naliova. Abimelech uathanene Avilahama nakumuleka nguendi, ⁹ ''Vika viou natupangela ngeci? Nange navantu vange tala tuna vulumuna kuliove nakuvumuene vuange ngeci una ndjinehela kuviha Ange nakuvumuene vuange kuviha kuakama? Evi viounapanga nga koviafuililile kuvipanga.'' ¹⁰ Vika vina kulingile upange viuma evi? ¹¹ Avilahama uamuleka, ''Ange ndjina thinganieka nguange, ''Vucili liova liakuteua shuku muno muhela liahimo. Nakulingila nga vandjithsiha muomu liamukentu.' ¹² Kutunduthako, ovio vucili ou mukuendje uange, munatata, vunoni ngecimunavanana, uapuile mukentu uange. ¹³ Omuo Kalunga uamilinga ndjitunde mbo liatata nakuendangana tunda muhela yamuhela, ndjahandekele nendi, 'Ndjilekethe ndjithelele ngohoni mukentu uange: Nkala kuoxe kutuya, kuania nguove, ''Ou munanana. ¹⁴ ''''''Keho Abimelech uatambula vintjui navingombe, navindungo vavamala navindungo vavakentu, uahana Avilahama. Keho uahiluitha Sala mukentu uendi kuli yendi. ¹⁵ Abimelech nguendi, ''Tala, livu liange eli, tunga kuoxe kunai mbunge yove.'' ¹⁶ Kuli Sala uahandekele nguendi, ''Tala, ndjinahana munanoko likulukadhi liavimbongo. Uavihanene mukudhimangana mulonga kumexo avantu vove navantu voxe, ngeci ndjina toketha lidhina liove.'' ¹⁷ Keho Avilahama ualombelele kuli Kalunga, Kalunga uakanguitha Abimelech, namukentu uendi, navindungo vendi vavakentu kulingila tangua vakanehe vanike. ¹⁸ Muomu Jehova uapuithile vakentu voxe vamuimbo lia Abimelech vajeneke kuthema , muomu Sala mukentu ua Avilahama.