¹ Omo Avilama ua kele makumi-atanu na auana na miaka itanu na iuana, Kalunga ua jombolokele kuli Avilama na kuhandeka kuli ikeye, "Yange Kalunga ua kulela. Enda kumesho ange, keho janguluka. ² Keho nji ka linga liuvuathano hakati kange nove, keho nji ka kuilanetha muakama." ³ Avilama ua tuile mavuli endi na chihanga chendi hanthi keho Kalunga ua kuaniene nendi, nguendi, ⁴ "Ngechi muange, tala, liuvuathano liange lili nove. Uka kala ishe ya mishovo ya yingi. ⁵ Keho lizhina liovekuva ka lithana lalo Avilama, vunoni lithina liove lika kala Avilahama_muomu njina kuhangula ku ku puitha ishe ya mishovo yoshe. ⁶ Keho nji ka kuimitha mua kama, keho ange nji ku puitha mushovo, na va miene vaka tunda muli yove. ⁷ Keho nji ka haka liuvuathano liange hakati kange nove na mbuto yove ikeja kunima yove, kuhitila mumemo avo kuka kala liuvuathano lia kama, muku kala Kalunga kuli ove na mbuto ikeja kunima yove. ⁸ Njika hana kuli ove, na mbuto yove ikeja munima yove, mu chifuti muje mu uovokela, mu vifuti vioshe via Kanana, muka kala chikuata cha miaka yoshe, keho ange nji ka kala Kalunga kavo." ⁹ Keho Kalunga ua kuaniene kuli Avilahama, "Ngechi muove, utakamethe liuvuathano liange, nove, na mbuto ikeja kunima yove miaka yavo yoshe. ¹⁰ Eli likelio liuvuathano liange, li una pande kuniunga, ha kati kange nove na mushovo uove ukeja kunima yove: Nkala ou mumala ha kati keni vamulovole. ¹¹ Vaku lovole ha nthitu ya chikanda chove cha kulutue, evi vikevio vika kala vileketho via liuvuathano lia ha kati kange nove. ¹² Nkala mukuenje hakati keni ali na matangua atanu na atatu vamulovole, mu vantu voshe vaku limo lieni. Evi vili kuvoshe nou yivana sulumuna muimbo lieni nou iva landa ku vimbongo kuva ka vifuti vieka ou ua kala nguavo keti ua kumbuto yeni. ¹³ Uoshe iva thema muimbo lieni nou iva landa na vimbongo muimbo lieni vamulovole. Ngocho liuvuathano liange likala munthitu yeni nthsimbu yoshe. ¹⁴ Uoshe chilima kuva lovuele hanthitu ya chikanda cha kulutue vaka mu tunditha kuvantu vendi. Napokola liuvuathano." ¹⁵ Kalunga ua kuaniene kuli Avilahama, "ngechi mua Salai mukentu uove, keti umu thane Salai lalo. Vunoni, lizhina lika kala Sala. ¹⁶ Njika mu vethikitha, keho njika ku hana munike ua mumala uaka kuhana. Njika mu vethikitha, keho aka kala vayina va mishovo yoshe. Vimuene via vantu vaka tunda kuli ikeye." ¹⁷ Keho Avilahama ua hakele mavuli na chihanga chendi hanthsi, keho ua jolelele, na ku kuania mu mbunge yendi, "kuatha munike kumuthema mumala ua miaka chihita? Vati Sala, ou ali na makumi atanu na auana, kuneha munike?" ¹⁸ Avilahama ua kuaniene kuli Kalunga, "A ouo Ismaele a kovoke kumesho ove!" ¹⁹ Kalunga ua kuaniene, "Kuahi, keho Sala mukentu uove aka kunehela munike ua mumala, keho umu luke Isake. Nange njika haka liuvuathano liange nendi ngue liuvuathano lia miaka yoshe na mbuto yeni yikeja kunima yendi. ²⁰ Ngue kuli Ismaele, njina kuvu. Tala, njina muvethikitha na njika muimitha naku muilanetha muamuingi. Aka kala ishe ya mishovo likumi nava vali, keho njika mupuitha mushovo ua kama. ²¹ Keho liuvuathano liange njakuli haka na Isake, ou Sala aka kunehela ha nthsimbu eyi muaka ua kushuamako." ²² Omo va manene kukuania nendi, Kalunga ua yile a tunde kuli Avilahama. ²³ Keho Avilahama ua tambuile munendi ua mumala Ismaele, na voshe vaje va va sulumuine muimbo liendi na voshe vaje va landele na vimbongo viendi, vamala voshe hakati ka vakuenje vakele muimbo lia Avilahama, keho va lovuele thsitu ya kuchikanda cha kulutue litangua olio vene, ngue omo Kalunga ua mu lekele. ²⁴ Avilahama ua kele na miaka makumi atanu na auana na miaka itanu na iuana omo vamu lovuele muthsituya chikanda cha kulutue. ²⁵ Ismaele munendi ua mumala uakele na miaka likumi na miaka itanu omo vamu lovuele muthsitu ya chikanda cha kulutue. ²⁶ Muli tangua olio limo lika Avilahama na Ismaele munendi ua mumala voshe vava lovuele. ²⁷ Vamala voshe va muimbo liendi vava lovuele kumo nendi, kuvuetha ko vava nehele muimbo nava vava landa na vimbongo kuvaka mafuti eka.