¹ Hakeho honi Kalunga Tata ua handekele na Mosesa," Hano honi umona vinji panga kuli Falo. Umona vilinge evi, Aka vecela mukonda lia nzhili ya livoko liange. Mukonda lia nzhili ya livoko liange, Aka va sheka muomu cifuti cendi. ² Kalunga Tata ua handekele na Mosesa naku muleka nguendi," Ange nji Kalunga. ³ Njali muethele kuli Avilahama, Kuli Isaka, na kuli Yakomba kupua Kalunga ua zhili yoshe; Vuno honi muli zhilina liange, Kalunga, Kuva nji zhivukile. ⁴ Ange na nja haka litavathano navo, Linga njiva hane cifuti ca Kanana, Cifuti civa tungile ngue vangezhi, Cifuti cize ca vundungo. ⁵ Vukuavo na, Njovua kulila kua vana va Isaleli vazhe vaa puithile vandungo vaka Ingito, Hakeho njina vuluka litavathano liange. ⁶ Mukemo honi, Leka vana va Isaleli, Yange Kalunga. Njaku mitunditha muvu ndungo vua vaka Ingito, Amba na njaku mie cela ku zhili yavo, Njaku mio hiela muku leketha zhili yange, Amba nazhli ya vipanga viange via ku hitha. ⁷ Njika mitambula ange va venia mukonda mu vantu vange, Nange nji kapua Kalunga keni. Muka zhivuka ngueni, Ange nji Kalunga keni, Uzhe uami tundithile muvu ndungo muma voko ava ka Ingito. ⁸ Njika muneha ku Cifuti cizhe cinja li tavelele kuci hana kuli Avilahama, Kuli Isaka, na kuli Yakomba, Njika mi hana co cika kala Cifuti ceni. Yange Kalunga," ⁹ Omuo mua vileke Mosesa vana va Isaleli, Kuva mu toli lilile mukonda via va tundthile zhili vipanga via kulema via vundungo vivo pangele. ¹⁰ Hakeho Kalunga Tata ua handekele na Mosesa, nguendi," ¹¹ Kaye uka leke Falao, Muene ua Ingito, Ecele vana va Isaleli linga vaye va tunde mu Cifuti cendi," ¹² Mosesa ua handekele na Kalunga Tata," Nga vana va Isaleli kuva nji tolililile, Vati Falao aka nji tolilila, Nthimbu oyo ange keci nji muka kuhandeka mua cili?" ¹³ Kalunga tata ua handekele na Mosesa na Alone. Muene ua Ingito, A tuthule vana va Isaleli va tunde mu Cifuti ca ingito. ¹⁴ Ava vakevo va kele mitue ya vinjivo via va Ishe yavo; Vana va Luvene, Vana va kuli vanga va Isaleli, Vakevo Hanake, Palu, Hezelone, na Kalimi. Ovu vuekevuo vushoko vua Luvene. ¹⁵ Vana va Simeone vakevo Yemuele, Yamine, Ahande, Yakine, Zahale, na Shaulu vana va ukentu uamu Kanana, Ovu veukevo vushoko vua Simeone. ¹⁶ Hano vana thono mazhina a vana va Levi, kuo lika nava tekulu nava tekuluila vavo. Vakevo ava Ngelesone, Kahate, na Melali. Levi ua kele nthimbu yayingi na muno noho ua hetele ku miaka 137. ¹⁷ Vana va Ngelesone vakevo Livini na Simei, Mu cithemua cavo. ¹⁸ Vana va Kohate vakevo Amelame, Izehale, Hevelone, na Uziele. KOhate ua kele na muono kuheta ku miaka 133. ¹⁹ Vana va Melali vakevo Mali na Mushi. Ava va kele vaka cithemua ca Levi, Kumo lika na vana vavo, Nava tekulu vavo. ²⁰ Amelame ua mbatele Yokevende, Nshongo ya Ishe. Uamu hanene vanike va vali Alone na Mosesa. Amilame ua kele na muono noho uaka tulile muono uendi na miaka 137. ²¹ Vana va Izehale vakevo Kola, Nefenge, na zikili. ²² Vana va Uziele vakevo, Misiale, Elezafane, na Sitili. ²³ Alone ua mbatale Eliseva, muna Aminandave, mukuluntu va Nasene uamu hanene vanike ava Nandave, Avihi, Eleazale, amba Itamale. ²⁴ Vana va Kola vakevo Asile, Elekana, na Aviasafe. Ava va kevo vavu shoko vua Kolahite. ²⁵ Eleazale muna Alone, ua mbatele umo ua vantu uava mpuevo ua Putiele. Ua themene Finehase. Ava va kevo va kele mutue ya vinjivo via va Ishe yako mukati kava Levita, Kushuama kumu shovo uavo. ²⁶ Vamala ava vavali va kevo Alone na Mosesa vazhe va lekele Kalunga tata," Tunditheni vana va Isaleli mu Cifuti ca vaka Ingito, kuhitila muvi mbunga viavo via va mala vazhe vaka kulua nzhita." ²⁷ Alone na Mosesa va handekele na Falao, Muene ua vaka Ingito, ave cele va tundithe vana va Isaleli mu Ingito. Ava vakevo vazhe vene va Mosesa na Alone, ²⁸ Omuo mua handekele Kalunga Tata na Mosesa mu Cifuti ca Ingito, ²⁹ Uamu lekele nguendi," Yange Kalunga. Kaleke Falao, Muene ua Ingito, Vioshe vinji ka kuleka. ³⁰ Vuno honi Mosesa ua handekele na Kalunga Tata," Ange kunji zhiva mo ku handeka, mukonda vika Falao aka nji tolilila ange?!